រាជធានីភ្នំពេញ ៖ អគ្គនាយកដ្ឋានពន្ធដារនៃក្រសួងសេដ្ឋកិច្ច និងហិរញ្ញវត្ថុ និងទីភ្នាក់ងារសហប្រតិបត្តិការអន្តរជាតិជប៉ុន (JICA) បានឈានដល់កិច្ចព្រមព្រៀងសហប្រតិបត្តិការថ្មីទៀតដើម្បីបន្តអនុវត្តន៍រហូត
រាជធានីភ្នំពេញ ៖ អគ្គនាយកដ្ឋានពន្ធដារនៃក្រសួងសេដ្ឋកិច្ច និងហិរញ្ញវត្ថុ និងទីភ្នាក់ងារសហប្រតិបត្តិការអន្តរជាតិជប៉ុន (JICA) បានឈានដល់កិច្ចព្រមព្រៀងសហប្រតិបត្តិការថ្មីទៀតដើម្បីបន្តអនុវត្តន៍រហូតដល់ឆ្នាំ២០១៨នោះ។
កិច្ចព្រមព្រៀងលើសេចក្តីព្រាងស្តីពីរចនាសម្ព័ន្ធគម្រោង និងផែនការប្រតិបត្តិសម្រាប់អនុវត្តន៍គម្រោងបន្តរយៈពេល៣ឆ្នាំ សម្រាប់អគ្គនាយកដ្ឋានពន្ធដារដែលនឹងចាប់ផ្តើមអនុវត្តន៍នៅក្នុងខែសីហា ២០១៥ ដល់សីហា ២០១៨ សម្រាប់អគ្គនាយកដ្ឋានពន្ធដារបានចុះហត្ថលេខាកាលពីចុងសប្តាហ៍ ក្រោមអធិបតីភាពលោក គង់ វិបុល ប្រតិភូរាជរដ្ឋាភិបាលទទួលបន្ទុកអគ្គនាយកនៃអគ្គនាយកដ្ឋានពន្ធដារជាមួយលោក Haruyuki Shimada ប្រធានប្រតិភូតំណាង JICA ។
អគ្គនាយករង ប្រធាន អនុប្រធាននាយកដ្ឋាន ប្រធានសាខាពន្ធ ខណ្ឌចំណុះអគ្គនាយកដ្ឋានពន្ធដារ និងតំណាង JICA ប្រចាំកម្ពុជា និងអ្នកជំនាញការប្រចាំការនៅអគ្គនាយកដ្ឋានក៏បានចូលរួមក្នុងពិធីនោះដែរ។
យោងតាមសេចក្តីប្រកាសព័ត៌មានឱ្យដឹងថា គោលបំណងនៃកិច្ចព្រមព្រៀងនេះ គឺដើម្បីបន្តជួយឧបត្ថម្ភគ្គនាយកដ្ឋានពន្ធដារក្នុងការចូលរួមកំណែទម្រង់សារពើពន្ធ ស្របតាមកម្មវិធីកំណែទម្រង់ការគ្រប់គ្រងហិរញ្ញវត្ថុសាធារណៈ (PFM) ជាពិសេស ដើម្បីបង្កើនចំណូលពន្ធតាមរយៈការបង្កើនសមត្ថភាពជំនាញដល់មន្ត្រីពន្ធដារ ពង្រឹង និងបង្កើនអ្នកជាប់ពន្ធតាមរបបស្វ័យប្រកាស ពង្រឹងខាងផ្នែកសេវាអ្នកជាប់ពន្ធ ការបែងចែកធនធានមនុស្សរបស់អគ្គនាយកដ្ឋានពន្ធដារ និងផ្នែកផ្សេងៗទៀតឱ្យកាន់តែប្រសើរឡើងបន្ថែមទៀត ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ