ខេត្តបន្ទាយមានជ័យ ៖ យុវជនម្នាក់ត្រូវបានគេប្រទះឃើញចង.កភ្ជាប់នឹងបង្កាន់ដៃជណ្តើរឡើងទៅលើផ្ទះកំពស់ពីដី១,៣០ម៉ែត្រ ដោយជើងរបស់យុវជនរងគ្រោះនៅលើកាំជណ្តើរទី៣ បណ្តាលឱ្យបាត់បង់ជីវិត ។ ហេតុការណ៍ខាងលើនេះបានបង្កឱ្យមានការភ្ញាក់ផ្អើលកើតឡើងកាលពីថ្ងៃទី២ ធ្នូ ឆ្នាំ២០២០ នៅភូមិបន្ទាត់បោះ…
ខេត្តបន្ទាយមានជ័យ ៖ យុវជនម្នាក់ត្រូវបានគេប្រទះឃើញចង.កភ្ជាប់នឹងបង្កាន់ដៃជណ្តើរឡើងទៅលើផ្ទះកំពស់ពីដី១,៣០ម៉ែត្រ ដោយជើងរបស់យុវជនរងគ្រោះនៅលើកាំជណ្តើរទី៣ បណ្តាលឱ្យបាត់បង់ជីវិត ។
ហេតុការណ៍ខាងលើនេះបានបង្កឱ្យមានការភ្ញាក់ផ្អើលកើតឡើងកាលពីថ្ងៃទី២ ធ្នូ ឆ្នាំ២០២០ នៅភូមិបន្ទាត់បោះ ឃុំឈ្នួរមានជ័យ ស្រុកព្រះនេត្រព្រះ ខេត្តបន្ទាយមានជ័យ ។
លោកវរសេនីយ៍ឯកមាស ប្ញទ្ធី អធិការនគរបាល ស្រុកព្រះនេត្រព្រះ បានឲ្យដឹងថា យុវជនរងគ្រោះខាងលើឈ្មោះផាំង គាម អាយុ២០ឆ្នាំ នៅភូមិបន្ទាត់បោះ ឃុំឈ្នួរមានជ័យ ស្រុកព្រះនេត្រព្រះ ខេត្តបន្ទាយមានជ័យ ។
លោកអធិការបានបញ្ជាក់ប្រាប់ឲ្យដឹងថា តាមប្រភពពីស្ត្រីឈ្មោះ ស៊ុម ស្រីប៉ាន អាយុ២២ឆ្នាំ ត្រូវជាបងប្អូនជីដូនមួយរបស់ជនរងគ្រោះបានប្រាប់ឱ្យដឹងថា មុនពេលកើតហេតុ កាលពីវេលាម៉ោង៦និង៣០នាទីព្រឹកថ្ងៃទី២ ធ្នូ ឆ្នាំ២០២០ គាត់បានដើរចេញពីផ្ទះអ៊ំស្រីទៅផ្ទះរបស់គាត់ ដើម្បីបោសសំអាតទីធ្លាក្រោមផ្ទះ ពេលទៅដល់មុខផ្ទះក៏បានឃើញជនរងគ្រោះចង.កភ្នាក់បង្កាន់ដៃជណ្តើនៅនឹងផ្ទះរបស់គាត់ ហើយក៏ប្រញាប់រត់មកប្រាប់ឲ្យអ្នកជិតខាងមកជួយនៅពេលដែលអ្នកជិតខាងមកដល់ក៏បាននាំគ្នាជួយស្រាយខ្សែដែរ តែជនរងគ្រោះបានបាត់បង់ជីវិតទៅហើយ មិនដឹងពីពេលណានោះទេ ។ មានជំងឺសសៃប្រសាទជាយូឆ្នាំមកហើយ
លោកអធិការបានបញ្ជាក់ប្រាប់បន្តថា ក្រោយពីទទួលបានព័ត៌មានខាងលើភ្លាម សមត្ថកិច្ចបានបង្កើតគណៈកម្មការចុះទៅត្រួតពិនិត្យនៅកន្លែងកើតហេតុ ដែលមានសមាសភាពកម្លាំងនគរបាលជំនាញនគរបាលព្រហ្មទណ្ឌ, នគរបាលផ្នែកពិនិត្យនិងវិភាគកន្លែងកើតហេតុ, នគរបាលប៉ុស្តិ៍ឈ្នួរមានជ័យ,គ្រូពេទ្យមណ្ឌលសុខភាពឃុំឈ្នួរមានជ័យនិងអាជ្ញាធរភូមិ-ឃុំ ។
តាមការត្រួតពិនិត្យរបស់សមត្ថកិច្ចជំនាញបានបញ្ជាក់ថា នៅលើខ្លួនសពជនរងគ្រោះឃើញមានស្នាមជាំខ្មៅនៅផ្នែកបំពងកក្រវ៉ាត់មកក្រោមទងត្រចៀកស្តាំគំនួចនៅក្រោមចង្កា ទើបសន្និដ្ឋានថា ជនរងគ្រោះពិតជាបានចង.កបញ្ចប់ជីវិតខ្លួនឯងពិតមែន មិនជាប់ពាក់ព័ន្ធនឹងករណីឃាត.កម្មនោះទេ៕ (កែសម្រួលដោយ ៖ ធីតា)
ចែករំលែកព័តមាននេះ