ខេត្តព្រះសីហនុ ៖ ប្រជាពលរដ្ឋ និងមន្ត្រីរាជការនៅខេត្តព្រះសីហនុ ក៏ដូចជាភ្ញៀវទេសចរជាតិ-អន្តរជាតិ ដែលតែងតែមកកំសាន្តមើលថ្ងៃរៀបលិចនៅសួនច្បារសេះសរ ដែលមានទីតាំងស្ថិតនៅជាប់និងឆ្នេរសមុទ្រឯបរិវេណកំពង់ផែអន្តរជាតិខេត្តព្រះសីហនុ ស្ថិតក្នុងភូមិ០៣ សង្កាត់លេខ០៣ ក្រុង/ខេត្តព្រះសីហនុ…
ខេត្តព្រះសីហនុ ៖ ប្រជាពលរដ្ឋ និងមន្ត្រីរាជការនៅខេត្តព្រះសីហនុ ក៏ដូចជាភ្ញៀវទេសចរជាតិ-អន្តរជាតិ ដែលតែងតែមកកំសាន្តមើលថ្ងៃរៀបលិចនៅសួនច្បារសេះសរ ដែលមានទីតាំងស្ថិតនៅជាប់និងឆ្នេរសមុទ្រឯបរិវេណកំពង់ផែអន្តរជាតិខេត្តព្រះសីហនុ ស្ថិតក្នុងភូមិ០៣ សង្កាត់លេខ០៣ ក្រុង/ខេត្តព្រះសីហនុ បានសំដែងការខកចិត្តយ៉ាងខ្លាំងខណៈពេលបានឃើញសួនច្បារកំសាន្តខាងលើដែលមានទំហុំប្រមាណជា១៥.០០០ម៉ែត្រការ៉េ បានហុំពទ្ធ័ដោយរបងសង្ក័សីរួចចាក់សោរបិតជិតយ៉ាងរឹងមាំថែមទាំងមានកម្លាំងសន្តិសុខយាមកាមយ៉ាងតឹងរឹងថែមទៀតផង ។
ប្រជាពលរដ្ឋនិងមន្ត្រីរាជការនៅខេត្តព្រះសីហនុ ក៏ដូចជាភ្ញៀវទេសចរណ៍ជាតិនិងអន្តរជាតិ ដែលកន្លងមកតែងតែនាំគ្រួសារកូន.ចៅ មកលេងកំសាន្តនៅសួនច្បារសេះស ដើម្បីបានគយគន់និងបានថតផ្តិតយករូបភាពទេសភាពពេលថ្ងៃរៀបអស្តង្គតជាមួយផ្ទៃទឹកសមុទ្រ រំលេចដោយប្រជុំដែនកោះតូច.ធំ នៅឯនាយនៃកោះរ៉ុងសន្លឹមតែពេលនេះត្រូវបានបញ្ចប់ក្នុងភាពស្រមើស្រម៉ៃក្នុងភពអន្ធការតែប៉ុណ្ណោះ ។
ប្រភពខាងលើក្នុងលក្ខណ័សុំមិនបង្ហាញអត្តសញ្ញាណ បានបន្តឲ្យដឹងទៀតថា កន្លងមកថ្មីៗនេះ អ្វីដែលប្រជាពលរដ្ឋនិងភ្ញៀវទេសចរណ៍ជាតិ.អន្តរជាតិមិននឹកស្មានដល់ទីតាំងសួនច្បារសេះសខាងលើដែលធ្លាប់តែផ្តល់សោភណ្ឌ័ភាពដ៏ល្អត្រកាល.ផ្តល់ខ្យល់អាកាសបរិសុទ្ធជូនភ្ញៀវទេសចរណ៍ជាតិ.អន្តរជាតិអាចញ៉ាំងអារម្មណ៍កាត់បន្ថយរោគស្ត្រេស៍នោះ ពេលនេះមិនគួរណាសួនច្បារខាងលើដែលធ្លាប់តែបម្រើឲ្យប្រយោជន៍សាធារណៈ បែរទៅជាជាប់ឃុំឃាំងដោយរបងយ៉ាងរឹងម៉ាំថែមមានកម្លាំងយាមកាមយ៉ាងតឹងរឹងបែបនេះទេ ពួកគេថា សង្ស័យខ្លាចសេះសរលួចរត់បាត់ទេដឹង…?
តែបើតាមគេខ្សឹបប្រាប់ថា រូបសំណាកសេះសនៅក្នុងសួនច្បារត្រូវបានគេមករំដោះយកទៅបាត់ហើយបន្ទាប់ពីធ្វើរបងហុំពទ្ធ័នោះ គឺសេះសផាយទៅបាត់ហើយ ដែលតាមប្រភពអចលនទ្រព្យនិយាយថា ទីតាំងនេះមានតម្លៃប្រមាណ៦០លានដុល្លារយ៉ាងផុយស្រួយ។
មន្ត្រីនៅក្នុងកំពង់ផែអន្តរជាតិខេត្តព្រះសីហនុ សុំមិនបង្ហាញអត្តសញ្ញាណ បានបង្ហើបឲ្យដឹងថា ទីតាំងសួនច្បារដែលមានរូបសំណាកសេះស ឈរបង្អួតខ្លួនយ៉ាងសង្ហានៅចំកណ្តាលសួននិងគ្រប់គ្រងដោយកំពង់ផែអន្តរជាតិខេត្តកន្លងមកនេះ ត្រូវបានថ្នាក់ដឹកនាំជាន់ខ្ពស់សម្រេចរឹបអូសយកដើម្បីធ្វើការវិនិយោគទៅជាខុនដូរលំដាប់អន្តរជាតិ និងកំពង់ផែទេសចរណ៍លំដាប់អន្តរជាតិ ដោយមានរយៈពេលមិនក្រោមពី៥០ឆ្នាំទេ ហើយចំពោះក្រុមហ៊ុនដែលទទួលសិទ្ធបានក្នុងការវិនិយោគទីតាំងខាងលើលោកមិនបានដឹងច្បាស់ទេ ដោយហេតុថារូបលោកគ្រាន់តែជាមន្ត្រីឋានៈតូចតាចម្នាក់ប៉ុណ្ណោះ ។
ចែករំលែកព័តមាននេះ