អគ្គនាយករបស់ទីភ្នាក់ងារថាមពលបរមាណូអន្តរជាតិ លោកយូគីយ៉ា អាម៉ាណូ ថ្លែងកាលពីថ្ងៃទី៨ មិថុនាថា លោកនៅតែមានការព្រួយបារម្ភខ្លាំងជានិច្ចចំពោះកម្មវិធីនុយក្លេអ៊ែររបស់កូរ៉េខាងជើង និងរបស់អីុរ៉ង់ ។
អគ្គនាយករបស់ទីភ្នាក់ងារថាមពលបរមាណូអន្តរជាតិ លោកយូគីយ៉ា អាម៉ាណូ ថ្លែងកាលពីថ្ងៃទី៨ មិថុនាថា លោកនៅតែមានការព្រួយបារម្ភខ្លាំងជានិច្ចចំពោះកម្មវិធីនុយក្លេអ៊ែររបស់កូរ៉េខាងជើង និងរបស់អីុរ៉ង់ ។
ក្នុងឱកាសបង្ហាញរបាយការណ៍ពីសកម្មភាពប្រចាំឆ្នាំរបស់ទីភ្នាក់ងារ អ.ស.ប នេះដល់ក្រុមប្រឹក្សាភិបាលរបស់ខ្លួនលោកអាម៉ាណូ ថ្លែងថា ខ្ញុំនៅតែមានការព្រួយបារម្ភខ្លាំងចំពោះកម្មវិធីនុយក្លេអ៊ែររបស់កូរ៉េខាងជើង ។ មកទល់ពេលនេះជាង៦ឆ្នាំហើយដែលបណ្តាអ្នកធ្វើអធិការកិច្ចរបស់ទីភ្នាក់ងារថាមពលបរមាណូអន្តរជាតិចាកចេញពីកូរ៉េខាងជើង ។ លោករំលឹកពីឆន្ទៈរបស់ទីភ្នាក់ងារនោះដើរតួនាទីសំខាន់ក្នុងការត្រួតពិនិត្យកម្មវិធីនុយក្លេអ៊ែររបស់ប្រទេសនេះ ។
ចំពោះប្រទេសអីុរ៉ង់ លោកអាម៉ាណូ បញ្ជាក់ថា ទីភ្នាក់ងារថាមពលបរមាណូអន្តរជាតិបន្តត្រួតពិនិត្យលើការមិនពង្វាងវត្ថុធាតុនុយក្លេអ៊ែរ ប្រកាសដោយអីុរ៉ង់ យោងតាមកិច្ចព្រមព្រៀងធានារបស់ខ្លួន ។
ទោះបីយ៉ាងណា អគ្គនាយករូបនោះសម្តែងការអបអរសាទរចំពោះការប្រកាសនៅប្រទេសស្វ៊ីសរបស់អីុរ៉ង់ និងរបស់ក្រុមប្រទេសមហាអំណាច៥ ជាសមាជិកអចិន្ត្រៃយ៍ក្រុមប្រឹក្សាសន្តិសុខ អ.ស.ប បូកនឹងអាល្លឺម៉ង់ពីកិច្ចព្រមព្រៀងមួយឈានទៅរកការចុះហត្ថលេខាលើកិច្ចព្រមព្រៀងជាស្ថាពរមួយអំពីការបន្តកម្មវិធីនុយក្លេអ៊ែរអីុរ៉ង់ ដែលកិច្ចព្រមព្រៀងនោះត្រូវតាក់តែងរហូតដល់ថ្ងៃទី៣០ មិថុនា ៕
ចែករំលែកព័តមាននេះ