ខេត្តពោធិ៍សាត់ ៖ ឯកឧត្តម ស៊ុយ សែម រដ្ឋមន្ត្រីក្រសួងរ៉ែនិងថាមពល និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តពោធិ៍សាត់ មានប្រសាសន៍ថា ឯកឧត្តមនឹងជីកស្រះទំហំដីមួយហិកតាជម្រៅ១០ម៉ែត្រ ដោយមានធ្វើជណ្ដើរគ្រប់ជ្រុងទាំង៤…
ខេត្តពោធិ៍សាត់ ៖ ឯកឧត្តម ស៊ុយ សែម រដ្ឋមន្ត្រីក្រសួងរ៉ែនិងថាមពល និងជាប្រធានក្រុម
ការងាររាជរដ្ឋាភិបាលចុះមូលដ្ឋានខេត្តពោធិ៍សាត់ មានប្រសាសន៍ថា ឯកឧត្តមនឹងជីកស្រះទំហំដីមួយហិកតាជម្រៅ១០ម៉ែត្រ ដោយមានធ្វើជណ្ដើរគ្រប់ជ្រុងទាំង៤ ។ ជាមួយនេះ ដាំដើមឈើ ដាក់បង់អង្គុយលេង និងបំពាក់អំពូលភ្លើងជុំវិញស្រះ ដែលស្រះនីមួយៗចំណាយថវិកាជិត១០ម៉ឺនដុល្លារសហរដ្ឋអាមេរិក ជូនឃុំទាំង៩ក្នុងស្រុកបាកាន ដើម្បីតម្កល់ទឹកទុកប្រើប្រាស់ក្នុងសហគមន៍នារដូវប្រាំង ប៉ុន្តែអនុញ្ញាតឲ្យស្រោចតែដំណាំបន្លែ និងការប្រើប្រាស់ប្រចាំថ្ងៃប៉ុណ្ណោះ មិនអនុញ្ញាតឲ្យបូមដាក់ស្រែនោះទេ ។
ឯកឧត្តមរដ្ឋមន្ត្រី មានប្រសាសន៍បែបនេះ ក្នុងឱកាសជួបសំណេះសំណាលជាមួយបងប្អូនប្រ
ជាពលរដ្ឋភូមិដូងជ្រំ ឃុំបឹងបត់កណ្ដោល ស្រុកបាកាន កាលពីពេលថ្មីៗកន្លងទៅ ។
ឯកឧត្តមរដ្ឋមន្ត្រី ស៊ុយ សែម មានប្រសាសន៍ទៀតថា ស្ថិតក្នុងកាលៈទេសៈជំងឺកូវីដ-១៩កំពុងអុកឡុក និងក្រោយពេលទឹកជំនន់បំផ្លាញទ្រព្យសម្បត្តិប្រជាពលរដ្ឋអស់ ការងារកសិកម្មដើរតួនាទីសំខាន់ណាស់សម្រាប់ការស្ដារឡើងវិញ ព្រោះយើងមិនបានទៅប្រកបមុខរបររកប្រាក់ចំណូលប្រចាំថ្ងៃ ហើយស្រូវអង្ករ ផលដំណាំលិចទឹកអស់ទៀត ។
ដោយមើលឃើញពីចក្ខុវិស័យនេះ ឯកឧត្តមនិងក្រុមការងារ ក៏ដូចជាការដើរតាមគន្លងរាជរដ្ឋាភិបាល ក្រោមការដឹកនាំដ៏ឈ្លាសវៃរបស់សម្ដេចតេជោ ហ៊ុន សែន បានជីកស្រះខ្នាតធំជូនឃុំទាំង៩ក្នុងស្រុកបាកាន ដើម្បីឲ្យប្រជាពលរដ្ឋដាំបន្លែ និងចិញ្ចឹមសត្វលក់ ចៀសវាងយកពេល
ទំនេរទៅលេងល្បែងស៊ីសង ផឹកស្រាស្រវឹង ឬធ្វើអ្វីឥតប្រយោជន៍ ។
ឯកឧត្តមរដ្ឋមន្ត្រីឲ្យដឹងថា មកដល់ពេលនេះក្រុមការងារទើបតែជីកស្រះបានចំនួន២ឃុំទេ គឺឃុំស្នាមព្រះ និងឃុំមេទឹក ហើយកំពុងជីកនៅឃុំបឹងបត់កណ្ដោល ឃុំត្រពាំងជង និងឃុំខ្នារទទឹងបន្តទៀត ខណៈឃុំផ្សេងៗកំពុងរកទីតាំងនៅឡើយ ។ នៅពេលមានស្រះ មានទឹក បងប្អូនដែលមានគំនិតចង់មានចង់បាន ឧស្សាហ៍ព្យាយាមមិនខ្ជិលច្រអូស អាចដាំបន្លែគ្រប់ប្រភេទ ដោយមិនប្រើជីគីមី ចិញ្ចឹមត្រីអណ្ដែង ចិញ្ចឹមមាន់ ចិញ្ចឹមកង្កែបលក់បានលុយរាល់ថ្ងៃ ដោយមិនចាំបាច់ធ្វើចំណាកស្រុក ឃ្លាតឆ្ងាយពីប្ដីប្រពន្ធ ឪពុកម្ដាយ និងកូនៗនោះទេ ។
ឯកឧត្តម ស៊ុយ សែម បានជំរុញឲ្យបងប្អូនប្រជាពលរដ្ឋខិតខំដាំដំណាំ និងចិញ្ចឹមសត្វឲ្យបានច្រើន មិនខ្វះអ្នកទិញនោះទេ ព្រោះឯកឧត្តមរកទីផ្សារបានអស់ហើយ ខ្លាចតែបងប្អូនដាំមិនទាន់ឲ្យគេតែប៉ុណ្ណោះ ។ ក្នុងបរិវេណដីភូមិជុំវិញផ្ទះ ត្រូវរៀបចំឲ្យមានដំណាំ ដើមផ្កា និងបោសសម្អាតបរិស្ថានឲ្យបានស្អាតជានិច្ច ចៀសវាងលាមកគោក្របី ភក់ជ្រាំ ឬសំរាមពាសវាលពាសកាលគ្មានអនាម័យ ដែលនាំមកនូវអពមង្គល និងកើតជំងឺតម្កាត់ផ្សេងៗដល់កូនចៅរបស់យើង ។
ជាមួយគ្នានេះ ត្រូវបញ្ជូនកូនចូលរៀនឲ្យបានគ្រប់ៗគ្នា អប់រំពួកគេកុំឲ្យជក់គ្រឿងញៀន និងត្រូវការពារកុំឲ្យឆ្លងជំងឺកូវីដ-១៩ជាបន្តទៀត ព្រោះវាមិនទាន់ផុតរលត់នៅឡើយទេ ៕
ចែករំលែកព័តមាននេះ