ខេត្តកំពង់ចាម ៖ សេចក្តីរាយការណ៍ឲ្យដឹងថា កាលពីយប់ថ្ងៃទី២៤ វិច្ឆិកា ក្រោមការចង្អុលបង្ហាញពីលោកគណៈបញ្ជាការឯកភាពខេត្តកំពង់ចាម លោកឧត្តមសេនីយ៍ទោ ឯម កុសល ស្នងការនគរបាលខេត្ត និងមានការអនុញ្ញាតិពីឯកឧត្តម វង្សប៊ុន វិសុទ្ធ ព្រះរាជអាជ្ញាអមសាលាដំបូងខេត្ត លោកវរសេនី យ៍ទោ អ៊ិត លីន នាយរងការិយាល័យប្រឆាំងគ្រឿងញៀនខេត្ត ដឹកនាំកម្លាំ ងជំនាញមួយក្រុម សហការជាមួយនគរបាលជំនាញចរាចរណ៍ខេត្ត និងនគរបាលស្រុកចំការលើ ចុះទៅត្រួតពិនិត្យនិងធ្វើតេស្តទឹកនោម លើអ្នកបើកបររថយន្តធំ នៅចំណុចតាមបណ្ដោយផ្លូវលេខ៧១ ស្ថិតក្នុងភូមិ៣២ ឃុំតាអុង ស្រុកចំការលើ ខេត្តកំពង់ ចាម រកឃើញតៃកុងឡានបើកបរដឹកទំនិញពេលយប់ប្រមាណ៥ នាក់មានជាប់ពាក់ពន្ធគ្រឿងញៀន ។
សេចក្តីរាយការណ៍បន្តថា ក្នុងនោះ កម្លាំងសហការបានត្រួតពិនិត្យរថយន្តឆ្លងកាត់ចំនួន ៣៤ គ្រឿង នឹងបានធ្វើតេស្តទឹកនោមលើអ្នកបើកបររថយន្តទាំង៣៤ នាក់ មានតៃកុងឡាន៥ នាក់ជាប់សារធាតុញៀន ។
១-ឈ្មោះ ខួច ពៅ ភេទប្រុស អាយុ៣៤ឆ្នាំ ជាអ្នកបើកបររថយន្ត ទីលំនៅភូមិ ភូមិកោះស្នួល ឃុំទួលពង្រ ស្រុកម៉ាឡៃ ខេត្តបន្ទាយមានជ័យ ។
២-ឈ្មោះ ឯម ភារម្យ ភេទប្រុស អាយុ២៨ឆ្នាំ ជាអ្នកបើកបររថយន្ត រស់នៅភូមិភ្នឺ ឃុំវិហារលួង ក្រុងសួង ខេត្តត្បូងឃ្មុំ ។
៣-ឈ្មោះ ឡន ចាន់ណាក់ ភេទប្រុស អាយុ២៥ឆ្នាំ ជាអ្នកបើកបររថយន្ត មានទីលំនៅនៅភូមិប្រស្រែលើ ឃុំវិហារលួង ក្រុងសួង ខេត្តត្បូងឃ្មុំ ។
៤-ឈ្មោះ ម៉ន ថន ភេទប្រុស អាយុ២៤ឆ្នាំ ជាអ្នកបើកបររថយន្ត រស់នៅភូមិក្បាលបឹងសេះ សង្កាត់សួង ក្រុងសួង ខេត្តត្បូងឃ្មុំ ។
៥-ឈ្មោះ ហែម ហ៊ន់ ភេទប្រុស អាយុ៣០ឆ្នាំ ជាអ្នកបើកបររថយន្ត រស់នៅភូមិសូភាស ឃុំសូភាស ស្រុកស្ទឹងត្រង់ ខេត្តកំពង់ចាម ។
ជាមួយនោះដែរ សមត្ថកិច្ចបានធ្វើការឃាត់រថយន្តរក្សាទុកជាបណ្ដោះអាសន្ននៅអធិការរដ្ឋាននគរបាលស្រុកចំការលើចំនួន៥គ្រឿង ចំណែកតៃកុឡាន៥នាក់ជាប់ពាក់ពន្ធគ្រឿង នគរបាលជំនាញ បាននាំខ្លួនទៅកាន់ការិយាល័យប្រឆាំងគ្រឿង ញៀនខេត្ត ដើម្បីកសាងសំណុំរឿងតាមនិតិវិធី ៕
ចែករំលែកព័តមាននេះ