ខេត្តកណ្តាល ៖ ជនសង្ស័យម្នាក់ ក្នុងចំណោមបក្ខពួក ៤នាក់ បានធ្វើសកម្មភាពស្ទាប់កាប់ប្លន់ម៉ូតូមួយគ្រឿង ពីបុរសម្នាក់មិនសម្រេច ពេលនោះជនរងគ្រោះបានស្រវ៉ាទាញបានដុំថ្ម បានវាយក្បាលចោរបែកហូរឈាមម្នាក់ រួចហើយជនសង្ស័យក៏ហែលទឹករត់គេចខ្លួន…
ខេត្តកណ្តាល ៖ ជនសង្ស័យម្នាក់ ក្នុងចំណោមបក្ខពួក ៤នាក់ បានធ្វើសកម្មភាពស្ទាប់កាប់ប្លន់ម៉ូតូមួយគ្រឿង ពីបុរសម្នាក់មិនសម្រេច ពេលនោះជនរងគ្រោះបានស្រវ៉ាទាញបានដុំថ្ម បានវាយក្បាលចោរបែកហូរឈាមម្នាក់ រួចហើយជនសង្ស័យក៏ហែលទឹករត់គេចខ្លួន លុះទៅពេទ្យបែរជាម្ចាស់ម៉ូតូនិងចោរជួបគ្នា ទើបចាប់ខ្លួនជាប់ប្រគល់ឲ្យសមត្ថកិច្ចតែម្តង ។
ហេតុការណ៍នេះបានកើតឡើងនៅវេលាម៉ោង២១ និង ១០នាទី យប់ថ្ងៃទី១៥ ខែធ្នូ ឆ្នាំ២០២៥ ចំណុចផ្លូវក្រវ៉ាត់ក្រុងទី៣ ភូមិទួលក្រសាំង សង្កាត់រកាខ្ពស់ ក្រុងតាខ្មៅ ខេត្តកណ្តាល។
សមត្ថកិច្ចបានឲ្យដឹងថា ជនរងគ្រោះមានឈ្មោះ ផាត លីន ភេទប្រុស អាយុ២២ឆ្នាំ ជនជាតិខ្មែរ មុខរបរ កម្មករ រស់នៅភូមិទួលក្រសាំង សង្កាត់រកាខ្ពស់ ក្រុងតាខ្មៅ ខេត្តកណ្តាល ។
ចំណែកជនសង្ស័យ០៤នាក់រួមមាន ៖
១-ឈ្មោះកុសល់ ភារុណ ភេទប្រុស អាយុ ២០ ឆ្នាំ ជនជាតិខ្មែរ មានទីលំនៅភូមិព្រែកហូរកើត១ សង្កាត់ព្រែកហូរ ក្រុងតខ្មៅ ខេត្តកណ្តាល មុខរបរ មិនពិតប្រាកដ (ឃាត់ខ្លួន)។ ជនសង្ស័យវិជ្ជមានសារធាតុញៀនក្នុងទឹកនោម។
២-ឈ្មោះសឿន ផាន់ណា ភេទប្រុស អាយុ១៩ឆ្នាំ ជនជាតិខ្មែរ រស់នៅភូមិព្រែកហូរកើត១ សង្កាត់ព្រែកហូរ ក្រុងតាខ្មៅ ខេត្តកណ្តាល មុខរបរ មិនពិតប្រាកដ (គេចខ្លួន)។
៣-ឈ្មោះនី ប្រុសពៅ ភេទប្រុស អាយុ៣៤ឆ្នាំ ជនជាតិខ្មែរ រស់នៅភូមិព្រែកហូរកើត១ សង្កាត់ព្រែកហូរ ក្រុងតាខ្មៅ ខេត្តកណ្តាល មុខរបរ មិនពិតប្រាកដ (គេចខ្លួន)។
៤-ឈ្មោះសាន់ ខួច ភេទប្រុស អាយុ២២ ឆ្នាំ ជនជាតិខ្មែរ រស់នៅភូមិព្រែកហូរកើត សង្កាត់ព្រែកហូរ ក្រុងតាខ្មៅ ខេត្តកណ្តាល មុខរបរ មិនពិតប្រាកដ (គេចខ្លួន)។ ក្នុងនោះសម្ភារៈចាប់យករួមមាន ៖
១-ម៉ូតូ០១គ្រឿងម៉ាក Suzuki viva ពណ៌ខ្មៅ ពាក់ផ្លាកលេខ កណ្តាល 1AJ-7935។
២-ទូរស័ព្ទដៃ០១គ្រឿងម៉ាកViVO ពណ៌ទឹកមាស។
៣-ដាវដែកដងឈើចំនួន០១។
និងបណ្តាលឲ្យជនរងគ្រោះឈ្មោះផាត លីន រងរបួសប្រអប់ដៃខាងឆ្វឹងមួយកន្លែងដេរអស់១០ថ្នេរនិងម្រាមដៃចង្អុលខាងស្តាំ០១កន្លែង , ខូចខាតម៉ូតូផ្នែកខាងមុខបែកកាត់កាប៊ូ ខាងមុខ បែកក្បាំងខាងឆ្វេង និងក្បាំងកមុខ។
លោកវរៈសេនីយ៌ឯក យី វណ្ណដា អធិការនគរបាលក្រុងតាខ្មៅ បានឲ្យដឹងថា កាលពីថ្ងៃទី១៥ ខែធ្នូ ឆ្នាំ២០២៥ វេលាម៉ោង២១ និង ១០នាទីយប់ ជនរងគ្រោះបានជិះម៉ូតូ០១គ្រឿង ម៉ាកហុងដា ឌ្រីម ពណ៌ខ្មៅ ឆ្នាំ២០២៥ ពាក់ផ្លាកលេខ កំពង់ឆ្នាំង 1Q-2664 ២នាក់មិត្តភ័ត្តិមកពីលេងផ្ទះបងថ្លៃនៅសង្កាត់ព្រែកកំពឹស ខណ្ឌដង្កោ រាជធានី ភ្នំពេញ។
ខណៈពេលជិះតាមផ្លូវក្រវ៉ាត់ក្រុងទី៣ មកដល់ចំណុចហួសស្ពានចាបយំបន្តិច ស្ថិតនៅភូមិទួលក្រសាំង សង្កាត់រកាខ្ពស់ ក្រុងតាខ្មៅ ខេត្តកណ្តាល ម៉ូតូជនរងគ្រោះបែកកង់ ក៏បណ្តើរ ស្រាប់តែមានជនសង្ស័យ ចំនួន០២នាក់ ជិះម៉ូតូ០១គ្រឿង ម៉ាកVIVA ពណ៌ខ្មៅ ពាក់ផ្លាកលេខកណ្តាល 1AJ-7935 មកដល់មិនបានសួរនាំអ្វីទាំងអស់ ចុះពីលើម៉ូតូ យកដាវបំរ៉ុងមកកាប់ជនរងគ្រោះ តែជនរងគ្រោះឃើញទាន់ក៏នាំគ្នារត់ចេញ ស្រាប់តែជនសង្ស័យម្នាក់បំរុងយកម៉ូតូជិះចេញទៅ ស្រាប់តែជនរងគ្រោះ ឃើញរត់មករកម៉ូតូវិញ ហើយជនសង្ស័យយកដាវកាប់ទៅលើជនរងគ្រោះ និងកាប់ម៉ូតូផ្នែកខាងមុខ៣ទៅ៤ដាវ ជនរងគ្រោះក៏បានតតាំងជាមួយជនសង្ស័យ ហើយជនសង្ស័យបានយកដាវកាប់មកលើជនរងគ្រោះ តែត្រូវបានជនរងគ្រោះយកដៃចាប់ដាវជាប់ក៏មានការប្រតាយប្រតប់គ្នាទៅវិញទៅមកបណ្តាលឲ្យធ្លាក់ទឹក ហើយជនរងគ្រោះបានចាប់ទាញដុំថ្មនៅក្បែរខ្លួនមកវាយក្បាលជនសង្ស័យម្នាក់បណ្តាលឲ្យបែកក្បាល រួចជនសង្ស័យក៏ប្រលែងដាវចោល និងហែលទឹកទៅត្រើយម្ខាងទៀត ចំណែកជនរងគ្រោះក៏នាំគ្នាជិះម៉ូតូទៅផ្ទះទៅ ក្រោយមកជនរងគ្រោះត្រូវបានសាច់ញ្ញាតិបញ្ជូនមកកាន់មន្ទីពេទ្យបង្អែកជ័យជំនះ ស្រាប់តែមកជួបជនសង្ស័យ កំពុងព្យាបាលក៏បានរាយការណ៍ទៅផ្នែកជំនាញក្រុងតាខ្មៅនិងសមត្ថកិច្ចប៉ុស្តិ៍រកាខ្ពស់ឲ្យចុះមកជួយអន្តរាគមន៍ឃាត់ខ្លួនជនសង្ស័យបានម្នាក់យកមកសួរនាំនិងចាត់ការតាមនីតិវិធី។
នៅចំពោះមុខសមត្ថកិច្ចជនសង្ស័យបានឆ្លើយសារភាពថា ខ្លួននិងបក្ខពួកពិតជាបាន ធ្វើសកម្មភាពយកដាវកាប់ទៅលើជនរងគ្រោះ ប្រាកដមែន ។
បច្ចុប្បន្នជនសង្ស័យបានឃាត់ខ្លួនបណ្តោះអាសន្ននៅអធិការដ្ឋាននគរបាលក្រុងតាខ្មៅ កសាងសំណុំរឿងបញ្ជូនខ្លួនទៅកាន់តុលាការចាត់ការតាមនីតិវិធីច្បាប់ ៕
ចែករំលែកព័តមាននេះ