សេចក្តីល្អដែលទាយកទាយិកាបានធ្វើក្នុងថ្ងៃឧបោសថសីលរមែងបានទទួលមហាកុសលច្រើន ហើយបើលោកអ្នកចែករំលែកបុណ្យដោយការឧទ្ទិសបុណ្យនេះដល់អ្នកដទៃ ឬដល់សត្វលោកដទៃ បុណ្យរបស់អ្នកនឹងរឹតតែចម្រើនកើនឡើយទ្វេដង ។ របៀបឧទ្ទិសបុណ្យកុសលរមែងពោលយ៉ាងនេះ ដោយអំណាចនៃសេចក្តីល្អដែលខ្ញុំបានធ្វើ មានការរក្សាសីល ឲ្យទាន ភាវនា…
សេចក្តីល្អដែលទាយកទាយិកាបានធ្វើក្នុងថ្ងៃឧបោសថសីលរមែងបានទទួលមហាកុសលច្រើន ហើយបើលោកអ្នកចែករំលែកបុណ្យដោយការឧទ្ទិសបុណ្យនេះដល់អ្នកដទៃ ឬដល់សត្វលោកដទៃ បុណ្យរបស់អ្នកនឹងរឹតតែចម្រើនកើនឡើយទ្វេដង ។
របៀបឧទ្ទិសបុណ្យកុសលរមែងពោលយ៉ាងនេះ ដោយអំណាចនៃសេចក្តីល្អដែលខ្ញុំបានធ្វើ មានការរក្សាសីល ឲ្យទាន ភាវនា ធម្មទាន នមស្ការគុណព្រះរតនត្រៃ ចម្រើនព្រះបរិត្ត ព្រះបរិត្តគាថា ព្រះអភិធម្ម សិក្សានូវធម៌ និងសេចក្តីល្អគ្រប់យ៉ាងដែលបានបំពេញក្នុងព្រះពុទ្ធសាសនាទាំងអស់ ខ្ញុំព្រះករុណា ឬខ្ញុំម្ចាស់ សូមជូនបុណ្យដល់ មាតាបិតាក្នុងអតីតជាតិ ពុកម៉ែបច្ចុប្បន្នជាតិ បងប្រុសបងស្រី ក្មួយប្រុសក្មួយស្រី ប្តីប្រពន្ធកូន ញាតិក្នុងសង្សារវដ្ត ញាតកាទាំង៧សន្តាន មហាពុទ្ធបរិស័ទទាំងឡាយ៤ មហាចក្រលោកបាលទាំង៤ ស្តេចយមរាជ មេកាឡាដែលថែរក្សានៅមហាសមុទ្រ សត្វទាំងឡាយទាំងពួងដែលនៅគ្រប់ទាំង១០ទិស សត្វដែលខ្ញុំមើលឃើញក្តី មើលមិនឃើញក្តី សត្វមានឫទ្ធិក្តី មិនមានឫទ្ធិក្តី យក្យ នាគ គន្ធព្វទាំងឡាយ សត្វទាំងឡាយទាំងពួងដែលនៅក្នុងទឹកក្តី ក្នុងផែនដីក្តី លើផែនដីក្តី ក្នុងអាកាសក្តី សត្វមានពៀរនឹងខ្ញុំពីអតីតជាតិឬបច្ចុប្បន្ននេះក្តី ព្រះពោធិសត្វនិងកន្សៃសារពេជ្ញទាំងឡាយ សូមទទួលបាននូវចំណែកបុណ្យអំពីខ្ញុំ ។
សូមអនុមោទនាបុណ្យ សូមអនុមោទនានូវមហាកុសល សូមឲ្យបានជាបច្ច័យរួចចាកទុក្ខកុំបីក្លាយទៅជាបការៈដទៃឡើយ ។ សូមអនុមោទនាបុណ្យ !
ដោយអំណាចនៃការឧទ្ទិសបុណ្យនេះ បើសត្រូវមកពីមុខសូមឲ្យរំលង មកពីខ្នងសូមឲ្យក្លាយមកជាមិត្ត សត្រូវជុំជិតសូមឲ្យក្លាយជាសប្បុរស ដោយអំណាចបុណ្យដែលខ្ញុំបានធ្វើនេះឯង ។ សាន សារិន
ចែករំលែកព័តមាននេះ