ខេត្តកំពង់ស្ពឺ ៖ យុវជនម្នាក់បានស្លាប់ភ្លាមៗនៅនឹងកន្លែង និងមនុស្សប្រុស ស្រី៨នាក់ទៀតបានរងរបួសធ្ងន់-ស្រាល ខណៈពួកគេកំពុងជិះលើរថយន្តដឹកឥដ្ឋមួយគ្រឿងត្រូវរថយន្តមិនស្គាល់ម៉ាកបើកបុកពីក្រោយ ហើយបន្ថែមល្បឿនរត់បាត់ស្រមោល។
ហេតុការណ៍នេះបានកើតឡើងកាលពីវេលាម៉ោង៦ និង៣០នាទីល្ងាច ថ្ងៃទី៤ មិថុនា ២០១៥ នៅតាមបណ្តោយផ្លូវជាតិលេខ៦ចន្លោះគីឡូម៉ែត្រលេខ៣៥-៣៦ ក្នុងភូមិកែវឧត្តម ឃុំត្រពាំងគង ស្រុកសំរោងទង ។
យុវជនដែលស្លាប់នៅកន្លែងកើតហេតុឈ្មោះហុង នាង អាយុ២១ឆ្នាំ ជាកម្មករលើកឥដ្ឋ ។
បើតាមសមត្ថកិច្ចបានឱ្យដឹងថា មុនពេលកើតហេតុក្រុមជនរងគ្រោះបានធ្វើដំណើររួមគ្នាតាមរថយន្តដឹកឥដ្ឋមួយគ្រឿងពេញតាមបណ្តោយផ្លូវជាតិលេខ៤ក្នុងទិសដៅពីកើតទៅលិច លុះមកដល់ចំណុចកើតហេតុស្រាប់តែរថយន្តមិនស្គាល់ម៉ាកបើកបរក្នុងល្បឿនលឿនមកដល់បុកពីក្រោយពេញទំហឹងធ្វើឱ្យរថយន្តធ្លាក់ផ្លូវខ្ទាតអ្នកជិះលើរថយន្តមកដីស្លាប់ និងរបួសរដូករណែលតែម្តង៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ