រាជធានីភ្នំពេញ ៖ កម្ពុជានឹងទទួលបានការនាំចេញដោយមិនជាប់ពន្ធ និងមិនជាប់កូតាទៅ កាន់ប្រទេសអស់គ្លេស សម្រាប់ទំនិញទាំងអស់លើកលែងតែអាវុធ និងគ្រឿងផ្ទុះ បន្ទាប់កម្ពុជា ត្រូវបានចាត់ថ្នាក់ដោយអង្គការសហប្រជាជាតិថា ជាប្រទេសអភិវឌ្ឍតិចតួចបំផុត ។
យោងតាមសមាគមកាត់ដេរនៅកម្ពុជា ឬហៅថា GMAC បានចេញសារណែនាំ សម្រាប់សមាជិកសមាគមស្តីពីកម្ពុជា និងប្រព័ន្ធអនុគ្រោះទូទៅ (GSP) របស់អង់គ្លេសនៅថ្ងៃទី ១៩ វិច្ឆិកានេះថា សូមយោងទៅលើផ្នែកនៃអន្តរកាលនៃការចាកចេញពីសហភាពអឺរ៉ុប របស់ ប្រទេសអង់គ្លេសវិធានថ្មីសម្រាប់ឆ្នាំ ២០២១ ដែលចេញដោយនាយកដ្ឋានពាណិជ្ជកម្មអន្តរ ជាតិរបស់អង់គ្លេសកាលពីថ្ងៃទី ១០ វិច្ឆិកា ២០២០ ។ ប្រទេសអង់គ្លេសបានចាកចេញពីសហ ភាពអឺរ៉ុប ហើយរយៈពេលអន្តរកាលបន្ទាប់ពី Brexit នឹងត្រូវបញ្ចប់នៅចុងឆ្នាំនេះ ។ ចាប់ពីថ្ងៃ ទី ១ មករា ឆ្នាំ ២០២១ ប្រទេសដែលមានលក្ខណៈសម្បត្តិជាប្រទេសកំពុងអភិវឌ្ឍនឹងអាចទទួ លបានការអនុគ្រោះពាណិជ្ជកម្មតាមរយៈប្រព័ន្ធ GSP របស់អង់គ្លេស ។
បើតាម GMAC ប្រព័ន្ធអនុគ្រោះទូទៅរបស់អង់គ្លេសនេះមានក្របខណ្ឌចំនួន ៣ ហើយ ប្រទេសកម្ពុជាត្រូវបានវាយតម្លៃ ឬចាត់ថ្នាក់ដោយអង្គការសហប្រជាជាតិថា ជាប្រទេសអភិ វឌ្ឍតិចតួចបំផុតដែលស្ថិតនៅក្នុងក្របខណ្ឌកំណត់ដោយអង់គ្លេស ។ ប្រព័ន្ធ GSP របស់អង់ គ្លេសនេះដំបូងនឹងផ្តល់ការអនុគ្រោះពាណិជ្ជកម្ម ទៅប្រទេសនានាដូចជា GSP របស់សហ ភាពអឺរ៉ុបដែរ ។ ប្រព័ន្ធ GSP របស់អង់គ្លេសនឹងមានក្របខណ្ឌចំនួន ៣ ក្នុងនោះក្របខណ្ឌ ប្រទេសអភិវឌ្ឍតិចតួចបំផុត, ក្របខណ្ឌទូទៅ និងក្របខណ្ឌប្រសើរឡើង ។
បើតាម GMAC សង្កត់ធ្ងន់ថា «កម្ពុជាដែលត្រូវបានចាត់ថ្នាក់ដោយអង្គការសហប្រជា ជាតិថា ជាប្រទេសអភិវឌ្ឍតិចតួចបំផុត គឺស្ថិតនៅក្នុងក្របខណ្ឌប្រទេសអភិវឌ្ឍតិចតួចបំផុត ។ ហេតុដូច្នេះកម្ពុជានឹងទទួលបានការនាំចេញដោយមិនជាប់ពន្ធ និងមិនជាប់ការកម្រិតកូតា ទៅកាន់ប្រទេសអង់គ្លេសសម្រាប់ទំនិញទាំងអស់លើកលែងតែអាវុធ និងគ្រឿងផ្ទុះ ។ នេះគឺ ដូចគ្នានឹងគម្រោង EBA ក្រោមប្រព័ន្ធ GSP របស់សហភាពអឺរ៉ុប» ។
សមាគមកំពុងធ្វើការជាមួយក្រសួងពាណិជ្ជកម្មកម្ពុជា និងសមភាគីអង់គ្លេស ដើម្បី សុំការបំភ្លឺអំពីការផ្តាស់ប្តូរមួយចំនួននៅក្នុងតីតិវិធីរដ្ឋបាល (ប្រសិនបើមាន) ដូចជាការបញ្ជាក់ ប្រភពដើមកំណើតទំនិញ កាលបរិច្ឆេទចូលជាធរមាននៃការអនុវត្ត ៕
ចែករំលែកព័តមាននេះ