ប្រទេសអេហ្ស៊ីប ៖ ប្រទេសអេហ្ស៊ីបកាលពីថ្ងៃទី១៤ វិច្ឆិកា បានលាតត្រដាងពីមឈូសបុរាណដល់ជាង១០០មានចំណាស់ជាង២.០០០ឆ្នាំមកហើយ ដោយនៅល្អទាំងអស់ ។ មឈូសបុរាណទាំងនោះជាកំណព្វទ្រព្យដ៏ធំមួយត្រូវបានរកឃើញនៅតំបន់ SAQQARA ភាគខាងត្បូងទីក្រុង
គែរ ។ នេះជាការរកឃើញដ៏ធំក្នុងប្រទេសចាប់តាំងពីដើមឆ្នាំនេះមក ។
មឈូសពីឈើដែលបិទជិតទាំងនេះត្រូវបង្ហាញក្នុងពិធីមួយជាមឈូសដាក់សពបណ្ដាអ្នកទទួលខុសត្រូវជាន់ខ្ពស់នៃសម័យកាល រវាងឆ្នាំ៧០០មកឆ្នាំ៣០០មុនគ្រឹស្តសករាជ និងក្នុងសម័យកាល PTOLEMAIQUE រវាងឆ្នាំ៣២៣ទៅ៣០មុនគ្រឹស្តសករាជ ។
មឈូសបុរាណទាំងនេះរកឃើញក្នុងតំបន់ SAQQARA ភាគខាងត្បូងទីក្រុងគែរ ដែលនៅទីនោះមឈូសបុរាណនៅស្អាតល្អចំនួនជាង៦០មានអាយុកាលជាង២.៥០០ឆ្នាំ ត្រូវបានបង្ហាញរួចហើយកាលពីខែមុន ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ