ប្រទេសរូម៉ានី ៖ មន្ទីរពេទ្យរូម៉ានីរាយការណ៍កាលពីថ្ងៃទី១៤ វិច្ឆិកាថា អ្នកជំងឺ COVID-19 ចំនួន១០នាក់ បានត្រូវបាត់បង់ជីវិតនាថ្ងៃនោះក្នុងគ្រោះថ្នាក់ភ្លើងឆាបឆេះមន្ទីរពេទ្យមួយនៅភាគឦសានរូម៉ានី ។ គ្រោះថ្នាក់នេះកើតមាននាវេលាព្រលប់ត្រង់ផ្នែកសង្គ្រោះបន្ទាន់នៃមន្ទីរពេទ្យទីក្រុង…
ប្រទេសរូម៉ានី ៖ មន្ទីរពេទ្យរូម៉ានីរាយការណ៍កាលពីថ្ងៃទី១៤ វិច្ឆិកាថា អ្នកជំងឺ COVID-19 ចំនួន១០នាក់ បានត្រូវបាត់បង់ជីវិតនាថ្ងៃនោះក្នុងគ្រោះថ្នាក់ភ្លើងឆាបឆេះមន្ទីរពេទ្យមួយនៅភាគឦសានរូម៉ានី ។
គ្រោះថ្នាក់នេះកើតមាននាវេលាព្រលប់ត្រង់ផ្នែកសង្គ្រោះបន្ទាន់នៃមន្ទីរពេទ្យទីក្រុង PAATRA NEAMT ដែលអាចពន្លត់ឈ្នះមួយម៉ោងក្រោយមក ។ អ្នកនាំពាក្យមន្ទីរពេទ្យនិយាយថា មនុស្ស១០នាក់ពិតជាត្រូវបាត់បង់ជីវិត ហើយ៧នាក់កំពុងស្ថិតក្នុងស្ថានភាពធ្ងន់ធ្ងរ ។
យោងតាមការស៊ើបអង្កេតដំបូងថា អ្នកជំងឹ៨នាក់បានបាត់បង់ជីវិតនៅនឹងកន្លែងក្នុងអណ្ដាតភ្លើង ហើយ២នាក់ទៀតបាត់បង់ជីវិត ក្រោយពីនាំយកចេញក្រៅ ។ ក្នុងចំណោមអ្នករបួសមានគ្រូពេទ្យប្រចាំការម្នាក់ ដែលប៉ុនប៉ងជួយសង្គ្រោះបណ្ដាជនរងគ្រោះ ដោយគាត់មានការរលាកកម្រិតធ្ងន់លើ៨០%នៃរាងកាយ ។ សាលាក្រុងនោះប្រកាសពីការបង្កើតសាខានៃវិបត្តិមួយ ចូលរួមដោយនាយករដ្ឋមន្ត្រី លោកលូដូវិកអ័របាន ។
រដ្ឋមន្ត្រីសុខាភិបាលបានទៅកាន់មន្ទីរពេទ្យមានភ្លើងឆាបឆេះនោះ ។ មូលហេតុនៃភ្លើងឆេះនៅមិនច្បាស់ ដោយក្រសួងសុខាភិបាលថាអាចមកពីទូស្សេខ្សែភ្លើង ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ