ប្រទេសថៃ ៖ ពួកបាតុករស្និទ្ធប្រជាធិបតេយ្យថៃ កាលពីយប់ថ្ងៃទី១៤ វិច្ឆិកា នាំគ្នាតោងឡើងទៅលើវិមានមួយនៃក្រុងបាងកក ដើម្បីទៅចងបដាដ៏ធំមួយ ដែលអំពាវនាវឲ្យមានការកែទម្រង់របបរាជានិយមថៃនិងរិះគន់រដ្ឋាភិបាលរបស់លោកប្រាយុទ្ធ ចាន់អូចា ។…
ប្រទេសថៃ ៖ ពួកបាតុករស្និទ្ធប្រជាធិបតេយ្យថៃ កាលពីយប់ថ្ងៃទី១៤ វិច្ឆិកា នាំគ្នាតោងឡើងទៅលើវិមានមួយនៃក្រុងបាងកក ដើម្បីទៅចងបដាដ៏ធំមួយ ដែលអំពាវនាវឲ្យមានការកែទម្រង់របបរាជានិយមថៃនិងរិះគន់រដ្ឋាភិបាលរបស់លោកប្រាយុទ្ធ ចាន់អូចា ។
ពួកបាតុករដែលធ្វើការតវ៉ាចាប់តាំងពីរដូវក្ដៅមក ទាមទារឲ្យនាយករដ្ឋមន្ត្រីលោកប្រាយុទ្ធ ចាន់អូចា ជាយោធាមួយរូបដណ្ដើមអំណាចតាមរយៈរដ្ឋប្រហារមួយពីឆ្នាំ២០១៤មក និងធ្វើឲ្យស្របច្បាប់តាមរយៈការបោះឆ្នោតសភាដ៏ចម្រូងចម្រាស់មួយ កាលពីឆ្នាំទៅមិញលាលែងចេញពីតំណែង ព្រមទាំងទាមទារឲ្យមានការកែទម្រង់ប្រជាធិបតេយ្យ ។
បាតុករច្រើនពាន់នាក់បានឆ្លើយតបចំពោះការអំពាវនាវឲ្យមានការប្រមូលផ្ដុំគ្នាក្រោមប្រធានបទ កានីវ៉ាល់ហៅ MOB FEST នៅទីលានប្រជាធិបតេយ្យ និងនៅត្រង់ផ្លូវបំបែកជា៤កណ្ដាលក្រុងបាងកក ។
នាវេលារសៀលថ្ងៃទី១៤ វិច្ឆិកា បណ្ដាសិស្សវិទ្យាល័យនិងបាតុករស្និទ្ធប្រជាធិបតេយ្យដទៃៗទៀត បានសរសេរពាក្យស្លោកនិងសារនានា លើផ្ទាំងក្រណាត់សធំៗ ។ ពាក្យស្លោកទាំងនោះ
សរសេរថា ពួកអ្នកកំពុងតែលួចអនាគតដ៏ត្រចះត្រចង់របស់យើង លទ្ធិប្រជាធិបតេយ្យត្រូវតែ
ឈ្នះ ។ ពួកអ្នកតវ៉ាដែលនាំគ្នាស្រែកច្រៀងបទចម្រៀងស្ដីពីទុរគតជន និងនាំគ្នាលើកម្រាមដៃ៣ជាសញ្ញានៃការទាមទារ៣ចំណុចសំខាន់របស់ពួកគេ ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ