ប្រទេសអេត្យូពី ៖ អង្គការលើកលែងទោសអន្តរជាតិ AMNESTY INTERNATIONAL អះអាងកាលពីថ្ងៃទី១២ ខែវិច្ឆិកាថា ជនស៊ីវិលជាច្រើននាក់ បានត្រូវផ្តាច់ជីវិតក្នុងការសម្លា.ប់រង្គាលមួយ ដែលតាមសាក្សីនានាថា…
ប្រទេសអេត្យូពី ៖ អង្គការលើកលែងទោសអន្តរជាតិ AMNESTY INTERNATIONAL អះអាងកាលពីថ្ងៃទី១២ ខែវិច្ឆិកាថា ជនស៊ីវិលជាច្រើននាក់ បានត្រូវផ្តាច់ជីវិតក្នុងការសម្លា.ប់រង្គាលមួយ ដែលតាមសាក្សីនានាថា ហេតុការណ៍នេះប្រព្រឹត្តដោយកងកម្លាំងស្មោះត្រង់នឹងគណបក្សកាន់អំណាចក្នុងតំបន់ទីក្រេអេត្យូពី ។
ជាលើកដំបូងដែលចំនួនអ្នកបាត់បង់ជីវិតដ៏ច្រើនក្នុងចំណោមជនស៊ីវិល ត្រូវបានរាយការណ៍តាំងពីចាប់ផ្ដើមពីថ្ងៃទី៤ វិច្ឆិកាមក នូវជម្លោះដោយអាវុធរវាងកងកម្លាំងរដ្ឋាភិបាលអេត្យូពី និងកងកម្លាំងនៃរណសិរ្សរំដោះប្រជាជនទីក្រេ TPLF ជាគណបក្សកាន់អណាចក្នុងតំបន់បំបែកខ្លួននោះនាភាគខាងជើងអេត្យូពី ។
នាយករដ្ឋមន្ត្រីអេត្យូពីលោក ABIY AHMED អះអាងថា បានបើកការវាយលុក ដើម្បីស្ដារបណ្ដាស្ថាប័នស្របច្បាប់ឡើងវិញនៅតំបន់ទីក្រេ ក្រោយពីតំបន់នោះបានប្រឆាំងចំពោះរដ្ឋអំណាចកណ្ដាល និងវាយប្រហារលើមូលដ្ឋានយោធា២កន្លែងរបស់កងទ័ពអេត្យូពី ដែលកងកម្លាំងនោះបានបដិសេធ ។
ការប្រយុទ្ធគ្នាបណ្ដាលឲ្យមនុស្សបាត់បង់ជីវិតជាច្រើនរយនាក់ ហើយមនុស្សជិត១១.០០០នាក់ រត់ភៀសខ្លួនទៅកាន់ប្រទេសស៊ូដង់ជិតខាង ។ អង្គការលើកលែងទោសអន្តរជាតិអះអាងថា មនុស្សច្រើននាក់អាចច្រើនរយនាក់ បានត្រូវចាក់សម្លា.ប់ ឬកាប់ដោយពូថៅ នៅក្នុងទីក្រុង MAI KADRA តំបន់ភាគនិរតីនៃតំបន់ទីក្រេអេត្យូពី កាលពីយប់ថ្ងៃទី៩ វិច្ឆិកា ។ អង្គការនោះមិនទាន់អាចកំណត់ច្បាស់ថា តើនោះជាស្នាដៃនរណាពិតប្រាកដនៅឡើយ? តែគ្រាន់លើកពីសម្ដីរបស់បណ្ដាសាក្សីដែលថា នោះជាស្នាដៃរបស់កងកម្លាំងស្មោះត្រង់នឹងគណបក្ស TPLF ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ