អេស្ប៉ាញ ៖ អំឡុងពេលនៃការផ្ទុះឡើងនៃវីរុស Covid-19 នៅទូទាំងពិភពលោក ដែលបានបណ្តាលឱ្យផ្អាកការប្រកួតបាល់ទាត់ទាំងអស់នៅរដូវកាល ២០១៩/២០ ក្នុងនោះសមាជិកទាំងអស់របស់ក្រុមអធិរាជស Real Madrid…
អេស្ប៉ាញ ៖ អំឡុងពេលនៃការផ្ទុះឡើងនៃវីរុស Covid-19 នៅទូទាំងពិភពលោក ដែលបានបណ្តាលឱ្យផ្អាកការប្រកួតបាល់ទាត់ទាំងអស់នៅរដូវកាល ២០១៩/២០ ក្នុងនោះសមាជិកទាំងអស់របស់ក្រុមអធិរាជស Real Madrid បានយល់ព្រមកាត់បន្ថយប្រាក់ឈ្នួលពួកគេចំនួន ១០ភាគរយ ដើម្បីចូលរួមជួយដោះស្រាយបញ្ហាសេដ្ឋកិច្ចរបស់ក្លិប ប៉ុន្តែក្នុងនោះលើកលែងតែ Gareth Bale ដែលមិនបានចូលរួមយុទ្ធនាការនេះ ។
អគ្គនាយកគ្រប់គ្រងរបស់ក្លិប Real Madrid លោក Jose Angel Sanchez បានពន្យល់ពីភាពចាំបាច់បំផុត នៃការលះបង់ប្រាក់សប្តាហ៍របស់កីឡាករទាំងអស់ក្នុងក្រុមឈុតធំ ហើយប្រធានក្រុម Sergio Ramos គឺជាអ្នកសម្រុះសម្រួលក្នុងការចរចាជាមួយមិត្តក្រុម។ ប៉ុន្តែនៅក្នុងនោះ មានតែខ្សែបម្រើស្លាបសញ្ជាតិវែល Gareth Bale តែម្នាក់គត់ ដែលបានបដិសេធមិនព្រមទទួលយកការកាត់បន្ថយប្រាក់សប្តាហ៍ខ្លួន។
បន្ថែមពីលើការកាត់បន្ថយប្រាក់សប្តាហ៍ ១០ភាគរយនោះ កីឡាកររបស់ Real Madrid បានយល់ព្រមបោះបង់ប្រាក់រង្វាន់របស់ពួកគេ សម្រាប់ការឈ្នះពានរង្វាន់ LaLiga។
ហើយពួកគេក៏បានផ្តល់ភ្លើងខៀវដល់ក្លិប ក្នុងការឈានដល់ការកាត់បន្ថយប្រាក់សប្តាហ៍ ២០ភាគរយថែមទៀត ក្នុងករណីដែលការប្រកួតមិនអាចត្រឡប់មកដូចសភាពដើមវិញ។
សូមបញ្ជាក់ថាបច្ចុប្បន្ន Bale កំពុងហ្វឹកហាត់ដើម្បីត្រៀមបង្ហាញខ្លួនជាមួយក្រុម Tottenham Hotspur បន្ទាប់ពីត្រូវបាន Real Madrid ឱ្យទៅកាន់ក្លិបមានមូលដ្ឋានក្នុងទីក្រុងឡុងដ៍ ប្រទេសអង់គ្លេសមួយនេះ ខ្ចីជើងក្នុងកិច្ចសន្យារយៈពេលពេញ១រដូវកាល កាលពីថ្ងៃទី១៩ ខែកញ្ញា ឆ្នាំ២០២០៕ (ដកស្រង់ចេញពី Marca)
ចែករំលែកព័តមាននេះ