រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា កាលពីវេលាម៉ោង៥និង៤០ នាទីព្រឹកថៃ្ងទី១៨ ខែតុលា ឆ្នាំ២០២០ មានករណីអគ្គិភ័យបានឆាបឆេះផ្ទះមួយខ្នងធ្វើអំពីថ្មក្រោម ឈើលើ មានទំហំ៦ម៉ែត្រគុណ៨ម៉ែត្រ…
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា កាលពីវេលាម៉ោង៥និង៤០ នាទីព្រឹកថៃ្ងទី១៨ ខែតុលា ឆ្នាំ២០២០ មានករណីអគ្គិភ័យបានឆាបឆេះផ្ទះមួយខ្នងធ្វើអំពីថ្មក្រោម ឈើលើ មានទំហំ៦ម៉ែត្រគុណ៨ម៉ែត្រ ស្ថិតនៅតាមបណ្តយផ្លូវ១០៤ ភូមិវាលថ្លាន់ សង្កាត់គងនយ ខណ្ឌដង្កោ រាជធានីភ្នំពេញ ។
ម្ចាស់ផ្ទះរងគ្រោះខាងលើឈ្មោះ ព្រឹល ស៊ីដេត ភេទប្រុស អាយុ៣៩ឆ្នាំ មុខរបរជាអ្នកលក់នំប៉័ងសាច់តាមរទេះរុញ និងមានទីលំនៅក្នុងភូមិឃុំកើតហេតុខាងលើ ។
តាមសេចក្តីរាយការណ៍បានបន្តថា អគ្គិភ័យបានឆាបឆេះផ្ទះមួយខ្នងខាងលើអស់ទាំងស្រុង ចំណែកទ្រព្យសម្បត្តិដូចជា ម៉ូតូ១គ្រឿង, ប្រាក់មួយលានរៀល និង២០០ដុល្លារ ត្រូវភ្លើងឆេះអស់ទាំងស្រុង តែពុំបណ្ដាលអោយឆេះរាលដាលដល់ផ្ទះអ្នកនៅក្បែរខាងឡើយ ក៏ក៏ពុំមានមនុស្សណាម្នាក់រងគ្រោះថ្នាក់នោះដែរ ។ ចំពោះមូលហេតុ មកពីដុតទៀនទុកចោលទើបបង្កជាអគ្គិភ័យឆាបឆេះបែបនេះតែម្តង ។
ក្នុងហេតុការណ៍ខាងលើ ក៏មានរថយន្តជំនួយអន្តាគមន៍ពន្លត់មានដូច រថយន្តពន្លត់អគ្គិភ័យបញ្ជាការអង្គរក្សចំនួន១គ្រឿងប្រើប្រាសទឹកអស់១រថយន្តស្មើនឹង៦ម៉ែត្រគូប ហើយភ្លើងបានរលត់អស់ទាំងស្រុងនៅម៉ោង៧ព្រឹកថ្ងៃទី១៨ ខែតុលា ឆ្នាំ២០២០ ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
ចែករំលែកព័តមាននេះ