វៀតណាមអនុញ្ញាតឱ្យនាំចូលសាច់គោបារាំង
ហូជីមិញ ៖ បណ្តាញព័ត៌មានក្នុងស្រុកផ្សាយថា ប្រទេសវៀតណាមបានអនុញ្ញាតឱ្យនាំចូលសាច់គោអត់ជាប់ឆ្អឹងរបស់បារាំង គឺសាច់គោមានអាយុតិចជាង៣០ខែ ដើម្បីផ្តល់នូវការលើកទឹក
ហូជីមិញ ៖ បណ្តាញព័ត៌មានក្នុងស្រុកផ្សាយថា ប្រទេសវៀតណាមបានអនុញ្ញាតឱ្យនាំចូលសាច់គោអត់ជាប់ឆ្អឹងរបស់បារាំង គឺសាច់គោមានអាយុតិចជាង៣០ខែ ដើម្បីផ្តល់នូវការលើកទឹកចិត្តផលិតផលដែលតម្រូវឱ្យមានគុណភាពរបស់ប្រទេសនេះ ។
នាយកដ្ឋានសុខភាពសត្វក្រោមចំណុះក្រសួងកសិកម្ម និងអភិវឌ្ឍន៍ជនបទបានបង្ហើបឱ្យដឹងថា ខ្លួនបានបញ្ជូនឯកសារនៃការប្រកាសពីការសម្រេចបែបនេះទៅស្ថានទូតបារាំងប្រចាំក្រុងហាណូយ កាលពីពេលថ្មីៗនេះហើយ ។
ការប្តូរសេចក្តីសម្រេចចិត្តនេះ គឺជាផ្នែកមួយនៃកិច្ចព្រមព្រៀងដែលសម្រេចបានកម្រិតខ្ពស់ប្រចាំឆ្នាំលើកទី៣ នៃការសន្ទនាសេដ្ឋកិច្ចរវាងវៀតណាម-បារាំងក្នុងក្រុងហាណូយ កាលពីថ្ងៃទី១៥ មេសា កន្លងមកនេះ និងជាផ្នែកមួយនៃការពង្រីកបន្ថែមនូវកិច្ចខិតខំប្រឹងប្រែងដើម្បីកែប្រែថ្មីនូវរនាំងឧបសគ្គនៃពាណិជ្ជកម្មរវាងប្រទេសទាំងពីរ ។
នៅក្នុងកិច្ចសន្ទនានោះដែរ ភាគីបារាំងក៏បានស្នើវៀតណាមលើកលែងការហាមប្រាមនាំចូលផ្លែប៉ោមរបស់បារាំងផងដែរ ៕
ចែករំលែកព័តមាននេះ