ខេត្តបាត់ដំបង ៖ មន្ត្រីការិយាល័យជំនាញកំពុងសួរនាំជនសង្ស័យម្នាក់ក្នុងចំណោម៤នាក់ ដែលត្រូវបានចាប់ខ្លួន កាលពីវេលាម៉ោងជាង៧យប់ថ្ងៃទី១២ តុលា ពេលកំពុងធ្វើដំណើរតាមដងផ្លូវ ត្រង់ចំណុចភូមិព្រៃទទឹង ឃុំជ្រៃ ស្រុកថ្មគោល…
ខេត្តបាត់ដំបង ៖ មន្ត្រីការិយាល័យជំនាញកំពុងសួរនាំជនសង្ស័យម្នាក់ក្នុងចំណោម៤នាក់ ដែលត្រូវបានចាប់ខ្លួន កាលពីវេលាម៉ោងជាង៧យប់ថ្ងៃទី១២ តុលា ពេលកំពុងធ្វើដំណើរតាមដងផ្លូវ ត្រង់ចំណុចភូមិព្រៃទទឹង ឃុំជ្រៃ ស្រុកថ្មគោល ដែលពាក់ព័ន្ធនឹងករណីលួចគោ នៅឃុំតាគ្រាម ស្រុកបាណន់ កាលពីចុងសប្ដាហ៏មុន តែជននេះនិងបក្សពួក ក៏ជាមុខសញ្ញាលួចគោមកពីខេត្តកំពង់ឆ្នាំងដែរ។
ការិយាល័យព្រហ្មទណ្ឌកំរិតស្រាលបានឲ្យដឹងថា ជនសង្ស័យឈ្មោះ ជឹម ធឿត អាយុ៥២ឆ្នាំ រស់នៅភូមិចុងឆ្ដោរ ឃុំពាមឯក ស្រុកឯកភ្នំ ។ រីឯបក្សពួកចំនួន០៣នាក់ទៀត កំពុងរត់គេចខ្លួន ។ ជាមួយនឹងការឃាត់ខ្លួននេះ សមត្ថកិច្ចបានដកហូតរថយន្តមួយគ្រឿងម៉ាក Hyundai ពាក់ស្លាកលេខ បាត់ដំបង 3A-1692 ដែលជាមធ្យោបាយសម្រាប់ដឹកជញ្ជូនគោ ពេលលួចបាន។
បើតាមមន្ត្រីជំនាញបានប្រាប់ថា ជនសង្ស័យរូបនេះ និងបក្សពួក៣នាក់ទៀត ដែលកំពុងរត់គេចខ្លួន បានធ្វើសកម្មភាពលួចយកមេគោចំនួន០២ក្បាលរបស់ឈ្មោះ មឿង
ប៊ុនថុល ប្រុសអាយុ៥៦ឆ្នាំ នៅភូមិដង្គត់ធ្នង់ ឃុំតាគ្រាម ស្រុកបាណន់ កាលពីវេលារំលងអាធ្រាត្រឈានចូលថ្ងៃទី១១ តុលា ។ មន្ត្រីបាននិយាយទៀតថា ក្រោយពេលលួចបាន ក្រុមចោរដែលគេអះអាងថា មានគ្នា០៤នាក់ បានដឹកគោទាំង២ក្បាលនោះ ទៅលាក់ទុកដើម្បីលក់ នៅខេត្តបន្ទាយមានជ័យ។ ប៉ុន្តែក្រោយពីទម្លាក់គោទុក ជនសង្ស័យបានបើករថយន្តត្រឡប់មកវិញ រថយន្តបែកកង់នៅក្នុងស្រុកថ្មគោល។
ប៉ុន្តែជននេះនិងរថយន្តត្រូវសមត្ថកិច្ចកត់សម្គាល់ភិនភាគ និង បានកំណត់ជាមុខសញ្ញាធ្លាប់លួចនៅខេត្តកំពង់ឆ្នាំង នាប៉ុន្មានថ្ងៃមុននេះ ក៏មានការសង្ស័យ ទើបមន្ត្រីការិយាល័យជំនាញ ស្នើសុំយោបល់លោកព្រះរាជអាជ្ញា និងលោកស្នងការផងធ្វើការស្ទាក់ឃាត់ទាំងរថយន្ត និង ជនសង្ស័យត្រង់ចំណុចខាងលើតែម្ដង នៅពេលជននេះកំពុងធ្វើដំណើរក្រោយ ពេលប៉ះកង់រថយន្តរួច។
សូមបញ្ជាក់ថា បើតាមមន្ត្រីការិយាល័យព្រហ្មទណ្ឌកំរិតស្រាល នៃស្នងការខេត្ត បានប្រាប់ថា ជនសង្ស័យឈ្មោះ ជឹម ធឿត និង បក្សពួក ធ្លាប់ធ្វើសកម្មភាពលួចគោនៅខេត្តកំពង់ឆ្នាំ ជាបន្តបន្ទាប់ ដោយប្រើប្រាសរថយន្តខាងលើសម្រាប់ដឹកជញ្ជូនគោដែលលួចបាន។
មន្ត្រីជំនាញនៃស្នងការខេត្តកំពង់ឆ្នាំងបានធ្វើការស្រាវជ្រាវ និងបានកំណត់យ៉ាងជាក់លាក់នូវមុខសញ្ជាលួលគោទាំង៤នាក់នាក់ និងបានស្នើសុំឲ្យកម្លាំងការិយាល័យជំនាញ នៃស្នងការខេត្តបាត់ដំបងជួយអន្តរាគមន៍ និងតាមប្រមាញ់មុខសញ្ញានេះ រហូតឈានដល់ការឃាត់ខ្លួនក្រុមនេះបានម្នាក់ដកហូតរថយន្តមួយគ្រឿង ក្រោយពេលក្រុមនេះ ធ្វើសកម្មភាពលួចគោ នៅឃុំតាគ្រាម ស្រុកបាណន់។ ពេលនេះ មន្ត្រីជំនាញកំពុងសួរនាំជនសង្ស័យ ដើម្បីកសាងសំណុំរឿងបញ្ជូនទៅតុលាការហើយ៕
ចែករំលែកព័តមាននេះ