អង់គ្លេស ៖ ម្ចាស់ជើងឯកស្នុកឃ័រពិភពលោក៦លើក Ronnie O’Sullivan ធ្វើឱ្យអ្នកទស្សនាមានការភ្ញាក់ផ្អើលយ៉ាងខ្លាំង ក្រោយពីរូបគេបានលាបក្រចកដៃពណ៌ផ្កាឈូក អំឡុងការប្រកួតជុំទី១ ដែលបានយកឈ្នះលើយុវជនបារាំង Brian…
អង់គ្លេស ៖ ម្ចាស់ជើងឯកស្នុកឃ័រពិភពលោក៦លើក Ronnie O’Sullivan ធ្វើឱ្យអ្នកទស្សនាមានការភ្ញាក់ផ្អើលយ៉ាងខ្លាំង ក្រោយពីរូបគេបានលាបក្រចកដៃពណ៌ផ្កាឈូក អំឡុងការប្រកួតជុំទី១ ដែលបានយកឈ្នះលើយុវជនបារាំង Brian Ochoiski ក្នុងពានរង្វាន់ English Open 2020 ដែលធ្វើឡើងក្នុងទីក្រុង Milton Keynes។
មូលហេតុដែលនាំឱ្យកីឡាករអង់គ្លេសវ័យ ៤៤ឆ្នាំរូបនេះ សម្រេចលាបក្រចកដៃពណ៌ផ្កាឈូកបែបនេះ គឺដើម្បីជាការគាំទ្រដល់ការងារសប្បុរសធម៌ពាក់ព័ន្ធនឹងជំងឺមហារីកសុដន់ ក្រោមមូលនិធិមានឈ្មោះថា «Future Dreams» ហើយរូបគេសង្ឃឹមថា ប្រាក់រៃអង្គាសនឹងកើនឡើងនៅក្នុងខែនេះ។
Ronnie O’Sullivan បាននិយាយក្រោយចប់ការប្រកួតថា«ខ្ញុំបាននិយាយរឿងនេះទៅកាន់មិត្តភក្តិរបស់ខ្ញុំឈ្មោះ Andrew ហើយខ្ញុំបានប្រាប់គេថា ខ្ញុំនឹងលាបវានៅក្នុងការប្រកួត។ វាជាបុព្វហេតុដ៏សំខាន់ ដែលសំខាន់ជាងការប្រកួតស្នុកឃ័រទៅទៀត។ ខ្ញុំត្រូវអរគុណដល់គូដណ្តឹងរបស់ខ្ញុំ។ ខ្ញុំពិតជាចូលចិត្តវាណាស់។ ហើយបើទោះបីខ្ញុំចេញទៅក្រៅ ក៏ខ្ញុំនៅតែបន្តលាបវាដដែល។ ឥឡូវនេះ ទើបខ្ញុំដឹងថាហេតុអ្វីបានជាមនុស្សស្រីចូលចិត្តលាបថ្នាំក្រចក»៕
ចែករំលែកព័តមាននេះ