ការឆ្លងរាលដាលនៃវីរុស COVID-19 ៖ ស្ថាបនិករបស់MICROSOFTលោកប៊ីលហ្គេត ក្នុងបទសម្ភាសន៍មួយជាមួយទូរទស្សន៍NBCគូសបញ្ជាក់ថា មនុស្សជាតិនឹងអាចបញ្ចប់ការឆ្លងរាលដាលនៃវីរុសCOVID-19 ហើយវិលមករកជីវភាពធម្មតាវិញបាន តែក្នុងករណីដែលទទួលបានវ៉ាក់សាំងដ៏មានប្រសិទ្ធភាពបំផុតនិងខ្លាំងមួយប៉ុណ្ណោះ។
លោកបន្តថា ការចាក់វ៉ាក់សាំងដល់មនុស្សច្រើននាក់ នឹងបញ្ចប់ការឆ្លងរាលដាលនៃវីរុសនេះ។ ក្នុងបទសម្ភាន៍នេះមហាសេដ្ឋីរូបនោះបានលើកឡើង កាលពីថ្ងៃទី១១តុលាថា តើមនុស្សជាតិនឹងអាចជម្នះបានទាំងស្រុងលើបណ្ដាផលវិបាកនៃការឆ្លងរាលដាលវីរុសCOVID-19តាមរបៀបណា?
លោកយល់ថាលក្ខខណ្ឌសំខាន់បំផុតសម្រាប់នាំជីវភាពឲ្យវិលទៅរកប្រក្រតីភាពឡើងវិញ មានតែពឹងលើវ៉ាក់សាំងប្រឆាំងវីរុសមួយប៉ុណ្ណោះ។ មធ្យោបាយតែមួយគត់នាំឲ្យវិលទៅរកប្រក្រតីភាពឡើងវិញទាំងស្រុង គឺការទទួលបានវ៉ាក់សាំងដែលខ្លាំងបំផុតនិងមានប្រសិទ្ធភាពបំផុតមួយ សម្រាប់មនុស្សក្នុងចំនួនច្រើន៕ ដកស្រង់ចេញពីវេបសាយ ៖ sputniknews
ចែករំលែកព័តមាននេះ