សហរដ្ឋអាមេរិក ៖ ប្រធានាធិបតីអាមេរិកលោកដូណាល់ ត្រាំ អះអាងនាថ្ងៃទី១១ តុលាថា ចាប់ពីពេលនេះតទៅ លោកមានប្រព័ន្ធការពារប្រឆាំងវីរុស COVID-19 ដោយលោកលើកពាក្យចំអកនានា…
សហរដ្ឋអាមេរិក ៖ ប្រធានាធិបតីអាមេរិកលោកដូណាល់ ត្រាំ អះអាងនាថ្ងៃទី១១ តុលាថា ចាប់ពីពេលនេះតទៅ លោកមានប្រព័ន្ធការពារប្រឆាំងវីរុស COVID-19 ដោយលោកលើកពាក្យចំអកនានា ចំពោះគូប្រជែងនៃគណបក្សប្រជាធិបតេយ្យលោកចូបៃដេនក្នុងយុទ្ធនាការឃោសនាបោះឆ្នោតទឹកចុងក្រោយរបស់លោក។
លោកត្រាំថ្លែងថាវាហាក់ដូចជាខ្ញុំមានប្រព័ន្ធការពារប្រឆាំងវីរុស ។ ខ្ញុំមិនដឹងច្បាស់ដែរថាមកពីហេតុអី ។ គ្មានមនុស្សណាដឹងច្បាស់ទេ តែខ្ញុំមានប្រព័ន្ធការពារនោះ ។ លោកចំអកឲ្យលោកបៃដេនថា លោកអ្នកពេលនេះមានប្រធានាធិបតីមួយរូបដែលមិនចាំបាច់លាក់ខ្លួននៅក្រោមដីដូចគូប្រជែងខ្ញុំលោកបៃដេនឡើយ ។ នេះជាការអះអាងរបស់លោកក្នុងបទសម្ភាសន៍តាមទូរស័ព្ទជាមួយទូរទស្សន៍ FOX NEWS ។
បញ្ហាប្រព័ន្ធការពារប្រឈមមុខនឹងវីរុស COVID-19 គេនៅតែមិនទាន់យល់ដឹងដល់ច្រើន ។ គេមិនដឹងច្បាស់ទាំងរយៈពេលទាំងកម្រិតនៃកិច្ចការពាររបស់ប្រព័ន្ធការពារនោះ ។ កាលពីដំណាច់ខែសីហាបណ្ដាអ្នកស្រាវជ្រាវក្រុងហុងកុងប្រកាសពីការរកឃើញអ្នកឆ្លងវីរុសម្នាក់ក្រោយពីព្យាបាលជាស្រាប់តែឆ្លងជាថ្មីទៀត ។
ក្នុងសេចក្ដីប្រកាសខ្លីមួយកាលពីយប់ថ្ងៃទី១០ តុលា វេជ្ជបណ្ឌិតលោកត្រាំគឹលោក SEAN
CONLEY អះអាងថា ប្រធានាធិបតីអាមេរិកលែងត្រូវចាត់ទុកថាមានគ្រោះថ្នាក់នៃការចម្លង
វីរុសដល់មនុស្សឯទៀតៗឡើយ ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ