ខេត្តស្ទឹងត្រែង ៖ សាកសពបុរសម្នាក់ត្រូវបានអ្នកនេសាទប្រទះឃើញអណ្តែតទឹកក្នុងសភាពហើមរលួយនៅលើចំណុចកន្ទុយកោះវែង ក្នុងភូមិអូរស្វាយ ឃុំអូរស្វាយ ស្រុកថាឡាបរិវ៉ាត់ កាលពីព្រឹកថ្ងៃទី១១ ខែមេសា ឆ្នាំ២០១៥ ។
ខេត្តស្ទឹងត្រែង ៖ សាកសពបុរសម្នាក់ត្រូវបានអ្នកនេសាទប្រទះឃើញអណ្តែតទឹកក្នុងសភាពហើមរលួយនៅលើចំណុចកន្ទុយកោះវែង ក្នុងភូមិអូរស្វាយ ឃុំអូរស្វាយ ស្រុកថាឡាបរិវ៉ាត់ កាលពីព្រឹកថ្ងៃទី១១ ខែមេសា ឆ្នាំ២០១៥ ។
លោកវរសេនីទោទិត្យ សុវណ្ណី អនុប្រធានការិយាល័យកណ្តាលនគរបាលព្រហ្មទណ្ឌ នៃស្នងការដ្ឋាននគរបាលខេត្តស្ទឹងត្រែង បានប្រាប់ «កោះសន្តិភាព» កាលពីព្រឹកថ្ងៃទី១២ ខែមេសា ឆ្នាំ២០១៥នេះថា សាកសពដែលប្រជាពលរដ្ឋប្រទះឃើញនោះជាមនុស្សប្រុសអាយុប្រហែលជា៤០ឆ្នាំ ជនជាតិឡាវ ។ លោកអនុប្រធានការិល័យបន្តថា បន្ទាប់ពីប្រជាពលរដ្ឋបានរាយការណ៍ពាក់ព័ន្ធក្នុងករណីខាងលើនេះ កម្លាំងជំនាញរបស់លោករួមមាននាយការិយាល័យបច្ចេកទេស និងកោសលវិច្ច័យ កម្លាំងអធិការដ្ឋាននគរបាលស្រុកថាឡាបរិវ៉ាត់ កម្លាំងនគរបាលប៉ុស្តិ៍រដ្ឋបាល មេភូមិ មេឃុំ វិជ្ជាបណ្ឌិត ក្រោមការដឹកនាំផ្ទាល់ពីលោកហ៊ម ប៊ុនធែល ស្នងការរងកណ្តាលនគរបាលព្រហ្មទណ្ឌ ។
ក្រោយពីស្រង់សាកសពរួច សមត្ថកិច្ចជំនាញរួមជាមួយពេទ្យបានធ្វើកោសល់វិច្ច័យលើសាកសព ជំហានដំបូងបានធ្វើការសន្និដ្ឋានថា បានស្លាប់ដោយសារលង់ទឹកដោយពុំមានពាក់ព័ន្ធករណីឃាតកម្មអ្វីឡើយ ។
លោកសែម ស៊ីថា អធិការស្រុកថាឡាបរិវ៉ាត់បានឱ្យដឹងដែរថា សាកសពនេះយើងនៅមិនទាន់ស្គាល់អត្តសញ្ញាណនៅឡើយទេ ហើយចំពោះសាកសពនេះគេសង្ស័យថាជាជនជាតិឡាវដែលស្លាប់ដោយសារលង់ទឹកនៅប្រទេសឡាវ រួចអណ្តែតមកទើលើកន្ទុយកោះវែងក្នុងភូមិអូរស្វាយ ឃុំអូរស្វាយ ស្រុថាឡាបរិវ៉ាត់ ។ លោកបន្តថា សាកសពនេះមានសភាពហើមធំក្លិន និងរលួយទៅហើយ ដែលសង្ស័យថា បានស្លាប់ក្នុងកំឡុងពី៦ថ្ងៃ ទៅ១០ថ្ងៃមុន ។
លោកវរៈសេនីទោទិត្យ សុវណ្ណី បានបញ្ជាក់ថា ក្រោយជំនាញធ្វើការពិនិត្យរួចរាល់ លោកស្នងការរងបានរាយការណ៍ទៅលោកព្រះរាជអាជ្ញាធ្វើការបញ្ចុះសាកសពនៅលើដីកោះនោះ និងផ្តល់ព័ត៌មានទៅវរៈការពារព្រំដែនឡាវ ដើម្បីស្វែងរកគ្រួសារនៃសពមកទទួលយកទៅកាន់ស្រុកកំណើតវិញ ៕
ចែករំលែកព័តមាននេះ