រាជធានីភ្នំពេញ ៖ តាមសេចក្តីរបាយការណ៍បឋមបានឱ្យដឹងថា កាលពីវេលាម៉ោងប្រមាណ៨និង៣០នាទីយប់ថ្ងៃទី៦ ខែតុលា ឆ្នាំ២០២០កម្លាំងគណ:បញ្ជាការឯកភាពរដ្ឋបាលក្រុងព្រះសីហនុ បានដាក់គោលដៅត្រួតពិនិត្យអាវុធជាតិផ្ទុះនៅតាមផ្លូវសេតេ ខាងមុខសាលាបឋមសិក្សា ជា ស៊ីម…
រាជធានីភ្នំពេញ ៖ តាមសេចក្តីរបាយការណ៍បឋមបានឱ្យដឹងថា កាលពីវេលាម៉ោងប្រមាណ៨និង៣០នាទីយប់ថ្ងៃទី៦ ខែតុលា ឆ្នាំ២០២០កម្លាំងគណ:បញ្ជាការឯកភាពរដ្ឋបាលក្រុងព្រះសីហនុ បានដាក់គោលដៅត្រួតពិនិត្យអាវុធជាតិផ្ទុះនៅតាមផ្លូវសេតេ ខាងមុខសាលាបឋមសិក្សា ជា ស៊ីម ធ្វើការឆែកឆេរអាវុធជាតិផ្ទុះរកឃើញកាំភ្លើងខ្លី១ដើម នៅក្នុងកាបូបស្ពាយរបស់អ្នកបើកបររថយន្តម្នាក់ជាជនជាតិចិន ហើយក៏បានឃាត់ខ្លួន ។
អ្នកបើកបររថយន្តរូបនេះឈ្មោះ Wang Sh uAn ភេទប្រុស អាយុ៣១ឆ្នាំ បើកបររថយន្តឲ្យក្រុមហ៊ុន Xing Wang អចលនទ្រព្យ ស្នាក់នៅអគារបុគ្គលិករបស់ក្រុមហ៊ុន ទល់មុខកាស៊ីណូ ជីយ៉ូវនីសិន ក្នុងសង្កាត់លេខ៣ ក្រុងព្រះសីហនុ ។
នៅក្នុងការត្រួតពិនិត្យនេះ សមត្ថកិច្ចបានឃាត់រថយន្ត១គ្រឿងម៉ាកអាល់ហ្វា ពណ៌ខ្មៅពាក់ផ្លាកលេខ ភ្នំពេញ ២BE-០០៣២ ដើម្បីធ្វើការឆែកឆេរ ហើយរកឃើញកាំភ្លើងខ្លី១ដើមម៉ាក G.lock១៩ ពណ៌ខ្មៅ មានបង់២ និងគ្រាប់៣០គ្រាប់ នៅក្នុងកាបូបស្ពាយរបស់ជនសង្ស័យ ។
នៅពេលសាកសួរ ជនសង្ស័យឈ្មោះ Wang Shu An សារភាពថា រូបគេជាម្ចាស់កាំភ្លើងម៉ាក G.Lock១៩ ពណ៌ខ្មៅ លេខ AECL២៨២ ។
កាំភ្លើងនេះ រូបគេបានទិញពីជនមិនស្គាល់អត្តសញ្ញាណតាមអនឡាញ កាលពីពាក់កណ្តាលខែ
កញ្ញា ឆ្នាំ២០២០ ក្នុងតម្លៃ៣.២០០ដុល្លារ ។
ជនសង្ស័យត្រូវបានកសាងសំណុំរឿងបញ្ជូនទៅសាលាដំបូងខេត្តតាមនីតិវិធី ។ ទោះជាយ៉ាងណា សមត្ថកិច្ចមិនបានឱ្យដឹងពីអាសយដ្ឋានអ្នកលក់កាំភ្លើងតាមអនឡាញនោះទេ តែសង្ឃឹមថា បើសមត្ថកិច្ចបានដឹងហើយគួរតែស្រាវជ្រាវដកបន្លាចេញពីកែវភ្នែកនេះទៅ ៕
ចែករំលែកព័តមាននេះ