រាជធានីភ្នំពេញ ៖ ក្រសួងសុខភិបាល បានប្រកាសព្រឹកថ្ងៃទី០៨ ខែតុលានេះថា បានរកឃើញករណីវិជ្ជមានវីរុសកូវីដ១៩ថ្មី ០១ទៀត លើបុរសជនជាតិឥណ្ឌូណេស៊ី មានអាយុ២៦ឆ្នាំ ដែលបានមកដល់កម្ពុជា…
រាជធានីភ្នំពេញ ៖ ក្រសួងសុខភិបាល បានប្រកាសព្រឹកថ្ងៃទី០៨ ខែតុលានេះថា បានរកឃើញករណីវិជ្ជមានវីរុសកូវីដ១៩ថ្មី ០១ទៀត លើបុរសជនជាតិឥណ្ឌូណេស៊ី មានអាយុ២៦ឆ្នាំ ដែលបានមកដល់កម្ពុជា នៅថ្ងៃទី០៦ ខែតុលា ឆ្នាំ២០២០ ជាអ្នកធ្វើដំណើរមកពីប្រទេសឥណ្ឌូណេស៊ី ។
ក្រសួងបានបញ្ជាក់ថា ដោយអ្នករួមដំណើរជាមួយបុរសជនជាតិឥណ្ឌូណេស៊ីកើតកូវីដ១៩ រូបនេះ មានចំនួន ១១២នាក់ (ស្រី២៣នាក់) ដែលមានលទ្ធផលតេស្ត អវិជ្ជមានវីរុសកូវីដ-១៩ នោះត្រូវបានដាក់ឱ្យធ្វើចត្តាឡីស័កចំនួន២ថ្ងៃ នៅវិទ្យាល័យបូរី ១០០ខ្នង ចំនួន៤៩នាក់ សណ្ឋាគារមួយចំនួនក្នុងរាជធានីភ្នំពេញ ចំនួន៦២នាក់ និងនៅស្ថានទូតសិង្ហបុរីចំនួន១នាក់ ។
សូមបញ្ជាក់៖ គិតត្រឹមម៉ោង០៧និង០០ព្រឹកថ្ងៃទី០៨ ខែតុលា ឆ្នាំ២០២០ កម្ពុជារកឃើញអ្នកមានវីរុសកូវីដ-១៩ មានចំនួនសរុប ២៨១នាក់ ក្នុងនោះចំនួនអ្នកព្យាបាលជាសះស្បើយសរុបទូទាំងប្រទេសមានចំនួន២៧៦នាក់ និងអ្នកសម្រាកព្យាបាលនៅមន្ទីរពេទ្យរដ្ឋចំនួន០៥នាក់ផងដែរ ៕
ចែករំលែកព័តមាននេះ