ប្រសិនបើអ្នកចង់ឆ្លាតវៃជាងមុន និងកាន់តែជោគជ័យនោះ អ្នកគួរតែស្តាប់តាមដំបូន្មានមួយចំនួនរបស់លោកមហាសេដ្ឋីវ៉ារេន បាហ្វេត (Warren Buffett)។ ក្រៅពីដំបូន្មានទាក់ទិននឹងការវិនិយោគហើយ លោកបាហ្វេតក៏បានទូន្មានឲ្យមនុស្សម្នាក់ៗអានសៀវភៅផងដែរ ។ ខាងក្រោមគឺជាសៀវភៅមួយចំនួនដែលលោកមហាសេដ្ឋីរូបនេះផ្តល់យោបល់ឲ្យមនុស្សគ្រប់ៗគ្នាអាន៖…
ប្រសិនបើអ្នកចង់ឆ្លាតវៃជាងមុន និងកាន់តែជោគជ័យនោះ អ្នកគួរតែស្តាប់តាមដំបូន្មានមួយចំនួនរបស់លោកមហាសេដ្ឋីវ៉ារេន បាហ្វេត (Warren Buffett)។ ក្រៅពីដំបូន្មានទាក់ទិននឹងការវិនិយោគហើយ លោកបាហ្វេតក៏បានទូន្មានឲ្យមនុស្សម្នាក់ៗអានសៀវភៅផងដែរ ។ ខាងក្រោមគឺជាសៀវភៅមួយចំនួនដែលលោកមហាសេដ្ឋីរូបនេះផ្តល់យោបល់ឲ្យមនុស្សគ្រប់ៗគ្នាអាន៖
១. Poor Charlie’s Almanack: The Wit and Wisdom of Charles T. Munger
សៀវភៅនេះមានផ្ទុកនូវមេរៀនមានតម្លៃជាច្រើនទាក់ទិននឹងប្រធានបទហិរញ្ញវត្ថុ។ វារួមមានសន្ទរកថា និងសំណេររបស់លោកមហាសេដ្ឋី ឆាលី ម៉ាំងហ្គឺ (Charlie Munger) ដែលជាដៃគូអាជីវកម្មរបស់លោកបាហ្វេតអស់រយៈពេលជាច្រើនឆ្នាំ។
២. The Intelligent Investor
លោកបាហ្វេតធ្លាប់បានលើកឡើងកាលពីឆ្នាំ ២០១១ ថា ការអានសៀវភៅមួយនេះគឺជាចម្រើសដ៏សំណាងល្អបំផុតក្នុងជីវិតរបស់លោក និងថែមទាំងអះអាងថា ក្នុងចំណោមសៀវភៅទាក់ទងនឹងការវិនិយោគទាំងអស់ សៀវភៅមួយនេះគឺជាសៀវភៅល្អបំផុត។
៣. Mitek: A Global Success Story, 1981-2011
សៀវភៅនេះបកស្រាយពីដំណើររឿងរបស់ក្រុមហ៊ុន MiTek Industries Inc. ដែលជាក្រុមហ៊ុនស្ថិតក្រោមការគ្រប់គ្រងរបស់ Berkshire Hathaway របស់លោកបាហ្វេត។ វារៀបរាប់ពីការដែលក្រុមហ៊ុននេះចាប់ផ្តើមជាក្រុមហ៊ុនតូចមួយក្នុងឆ្នាំ ១៩៥៥ ដែលជួបការលំបាកស្ទើរតែក្ស័យធន មុននឹងក្លាយជាក្រុមហ៊ុននាំមុខក្នុងវិស័យផលិតផលសំណង់។
៤. A Few Lessons for Investors and Managers From Warren Buffett
សៀវភៅដែលមានប្រមាណ ៨១ទំព័រនេះជាសៀវភៅសំខាន់សម្រាប់អ្នកគ្រប់គ្រង និងវិនិយោគិនដែលចង់រៀនសូត្រពីលោកបាហ្វេតផ្ទាល់។ លោកបាហ្វេតបកស្រាយក្នុងសៀវភៅនេះពីប្រធានបទសំខាន់ៗដូចជាតម្លៃអាជីវកម្ម គុណសម្បត្តិរបស់អាជីវកម្មដែលល្អ និងអាជីវកម្មដែលមិនល្អ វិធីកាត់បន្ថយហានិភ័យ និងសារៈសំខាន់នៃការជឿទុកចិត្តគ្នាជាដើម៕
ចែករំលែកព័តមាននេះ