ខេត្តតាកែវ ៖ លំនៅឋានប្រជាពលរដ្ឋប្រមាណ៤០គ្រួសារ ត្រូវបានបាក់រលំខូចខាតទាំងស្រុង ដោយសារបាតុភូតខ្យល់កន្ត្រាក់បោកបក់យ៉ាងដំណំ កើតឡើងកាលពីវេលាម៉ោង៣រសៀលថ្ងៃទី២ តុលា ឆ្នាំ២០២០ ស្ថិតនៅនៅភូមិទ្រា ឃុំព្រៃខ្លា…
ខេត្តតាកែវ ៖ លំនៅឋានប្រជាពលរដ្ឋប្រមាណ៤០គ្រួសារ ត្រូវបានបាក់រលំខូចខាតទាំងស្រុង ដោយសារបាតុភូតខ្យល់កន្ត្រាក់បោកបក់យ៉ាងដំណំ កើតឡើងកាលពីវេលាម៉ោង៣រសៀលថ្ងៃទី២ តុលា ឆ្នាំ២០២០ ស្ថិតនៅនៅភូមិទ្រា ឃុំព្រៃខ្លា ស្រុកកោះអណ្ដែត ខេត្តតាកែវ ។
បន្ទាប់ពីដឹងហេតុការណ៍ខាងលើភ្លាម ព្រះតេជគុណ ថុង រី គង់នៅវត្តព្រៃម្លូ បានកៀរ
គររកជំនួយបន្ទាន់ពីពុទ្ធបរិស័ទភ្លាមៗ ដើម្បីយកសម្ភារដូចជា ក្រណាត់ ខោអាវ និងរបស់របរដែលអាចប្រើប្រាស់បានយកទៅជូនពួកគាត់ ព្រោះជនចាស់ជរា និងក្មេងតូចៗកំពុងរងាញាប់ញ័រ ដោយខ្លះជ្រកក្នុងពាងទឹក និងក្នុងបន្ទប់ទឹក ស្របពេលដែលភ្លៀងកំពុងបង្អុរមិនបង្អង់សោះ ។
បើតាមព្រះតេជគុណមានថេរដីកាថា គ្រោះធម្មជាតិដ៏កាចសាហាវនេះ បានបំផ្លាញផ្ទះប្រជាពលរដ្ឋអស់ប្រមាណ៤០គ្រួសារ ឬខ្នងផ្ទះ ស្មើនឹងប្រមាណ៩០%នៃលំនៅឋានសរុប ។ ព្រះតេជគុណសង្កត់ធ្ងន់ថា ពេលនេះ ពួកគាត់កំពុងជួបទុក្ខធំ ស្រូវក៏ធ្វើមិនបាន ត្រូវដោះស្រាយបញ្ហាបំណុល ហើយថែមទាំងបាត់បង់ទីជម្រកទៀត ។
ក្នុងគ្រាដ៏លំបាកនេះ ព្រះតេជគុណ សូមអំពាវនាវដល់ញាតិញោមពុទ្ធបរិស័ទ ក៏ដូចជាសប្បុរសជនជិតឆ្ងាយ មេត្តាចូលរួមចែករំលែកទុក្ខលំបាករបស់ពួកគាត់ផង ។ គួរ បញ្ជាក់ថា ក្រោយកើតហេតុភ្លាមៗ អាជ្ញាធរមូលដ្ឋានក៏បានរាយការណ៍ទៅថ្នាក់ស្រុក និងខេត្ត ដោយមានមន្ត្រីនានាចុះមកពិនិត្យផលប៉ះពាល់ភ្លាមៗដែរ ៕
ចែករំលែកព័តមាននេះ