រាជធានីភ្នំពេញ៖ ការប្រើប្រាស់ប្រាក់រៀលនៅក្នុងរយៈពេល២ឆ្នាំចុងក្រោយនេះគេសង្កេតឃើញថាកំពុងមានសន្ទុះកើនឡើងលើគ្រប់វិស័យ ពោលនៅក្នុងវិស័យធនាការនិងហិរញញវត្ថុនិងការធ្វើអាជីវកម្មលក្ខណៈឯកជនក្រោយពីមានការជំរុញលើកទឹកចិត្តពីរាជរដ្ឋាភិបាល ពិសេសពីធនាគារជាតិនៃកម្ពុជា។
ពាក់ព័ន្ធនិងការប្រើប្រាស់ប្រាក់រៀលខ្មែរនេះបើតាមប្រធានសមាគមមីក្រូហិរញ្ញវត្ថុកម្ពុជាមើលឃញថាការប្រើប្រាស់ប្រាក់រៀលនៅក្នុងវិស័យមួយនេះកាលឆ្នាំ២០១៩កើនឡើងពី៣%ទៅ៨%សម្រាប់ការដាក់សន្សំនិងពី៣ទៅ១០%ចំពោះការផ្តល់ប្រាក់កម្ចី។
លោក គា បូរាណ ប្រធានក្រុមប្រឹក្សាភិបាលសមាគមគ្រឹះស្ថានមីក្រូហិរញ្ញវត្ថុមានប្រសាសន៍ឱ្យនៅក្នុងឱកាសប្រារព្ធខួបអនុស្សាវរីយ៍លើកទី ៤០ នៃការបង្កើតប្រាក់រៀលឡើងវិញរបស់ធនាគារជាតិនៃកម្ពុជាកាលពីថ្ងៃទី២៨កញ្ញា នេះថា«នៅក្នុងរយៈពេល១ឬ២ឆ្នាំចុងក្រោយនេះការបើប្រាស់ប្រាក់រៀលមានសន្ទុះខ្លាំងសូម្បីតែការដាក់សន្សំក៏មានការកើនឡើងច្រើន។ជាក់ស្តែងឆ្នាំ២០១៩ ការដាក់ប្រាក់សន្សំជាលុយរៀលកើនឡើងពី៣ទៅ៨% ហើយការផ្តល់ប្រាក់កម្ចីកើនពី៣ទៅ១០% ។
លោក គា បុរាណ បានបន្តថា នៅឆ្នាំ២០២០នេះការបើប្រាស់ប្រាក់រៀលនឹងនូវតែបន្តមានការកើនឡើងថែមទៀតដូចទៅនឹងឆ្នាំ២០១៩ដែរ ដោយសារជាគោលនយោបាយរបស់រាជរដ្ឋាភិបាលហើយទន្ទឹមនឹងនេះមានការចូលរួមប្តេជ្ញាចិត្តពីគ្រប់គ្រឹះស្ថានដែលជាសមាជិកសមាគមមីក្រូហិរញ្ញវត្ថុកម្ពុជានិងធនាគារ ព្យាយាមបង្កើតផលិតផលថ្មីៗ សេវាកម្មថ្មីដែលជាប្រាក់រៀល»។
លោកគា បុរាណ មានប្រសាសន៍ថា «ជាទូទៅគ្រឹះស្ថានតែងតែផ្តល់អត្រាការប្រាក់ខ្ពស់លើប្រាក់រៀល ចំពោះអតិថិជនដាក់ប្រាក់សន្សំ។ខ្ញុំឃើញថានៅពេលអតិថិជនដាក់សន្សំជាប្រាក់រៀលនេះគឺគាត់ទទួលបានអត្រាការប្រាក់ល្អជាងប្រាក់ដុល្លារអាមេរិក»។
ខណៈនៃការប្រើប្រាស់ប្រាក់រៀលកំពុងមានសន្ទុះកើនឡើង ការប្រាក់ដុល្លារអាមេរិកនៅលើទីផ្សារហាក់ មានទំនោរថមថយដោយសារប្រជាជនខ្មែរយើងសព្វថ្ងៃនេះគាត់មានការយល់ដឹងច្រើន ការទិញដូរ ការទូទាត់ក៏ប្រើប្រាស់លុយខ្មែរច្រើន ហើយមានក្រមហ៊ុនជាច្រើនគាត់បានចាប់ផ្តើមចូលរួមជំរុញការប្រើប្រាស់ប្រាក់រៀលសូម្បីតែនៅផ្សារអ៊ីអន គាត់ក៏ដាក់តម្លៃនៅលើទំនិញជាលុយរៀល អីចឹងខ្ញុំគិតថាការចូលរួមពីវិស័យផ្សេងទៀតៗ ព្រោះការប្រើប្រាស់លុយរៀលនេះមិនអាចប្រើឬឱ្យតែវិស័យគ្រឹះស្ថានមីក្រូហិរញ្ញវត្ថុនិងធនាគារដើរបាននោះទេ ទាល់តែគ្រប់វិស័យចូលរួមលើកកម្ពស់ទើបប្រាក់រៀលដើរបាន។ នេះបើតាមលោក គាបូរាណ។
លោកគួច សុខលី នាយកប្រតិបត្តិក្រុមហ៊ុន Yinkok Food មានប្រសាសន៍ថានៅក្នុងវិស័យអាហារដ្ឋានយើងបានផ្តល់សេវាកម្មនៅកម្ពុជាក្នុងមួយថ្ងៃអតិថិជនចំនួនពី៦០០០ទៅ៨០០០នាក់។ នៅមុនឆ្នាំ២០១៥នៅពេលក្រុមហ៊ុនកំណត់ចេញតម្លៃជាប្រាក់រៀលគឺយើងឃើញថាចំនួននៃការប្រើប្រាស់ពីអតិថិជនរួមនិងចំណូលទាំងអស់របស់ក្រុមហ៊ុនមានពី៧៥ទៅ៨០%គឺប្រើប្រាស់ប្រាក់ដុល្លារអាមេរិកធ្វើការបង់ប្រាក់ទៅដល់សេវាកម្ម។
លោកគូសបញ្ជាក់ថា «ប៉ុន្តែបន្ទាប់ពីយើងបានដាក់ចេញនូវការលើកកម្ពស់ប្រាក់រៀលនៅឆ្នាំ២០១៥តម្លៃជាប្រាក់រៀលសុទ្ធ យើងឃើញថាការគាំំទ្រពីអតិថិជនគឺមានការផ្តាស់ប្តូរ ដោយសារប្រជាពលរដ្ឋមានការយល់ដឹងផ្នែករូបិយបណ្ណថានៅពេលដែលយើងគាំទ្រប្រាក់រៀលគឺគាំទ្រដល់សេដ្ឋកិច្ចជាតិក៏ដូចជាគាំទ្រដល់សេដ្ឋកិច្ចខ្លួនឯង ហើយអ្វីដែលសំខាន់ ប្រាក់រៀលតំណាងឱ្យប្រទេសកម្ពុជា។អីចឹងអតិថិជនចាប់ផ្តើមមានការផ្តាស់ប្តូរផ្នត់គំនិតរបស់គាត់មកប្រើប្រាក់រៀលជំនួសឱ្យប្រាក់ដុល្លារអាមេរិក»។
លោកបន្តថា «ចាប់ពីឆ្នាំ២០១៥រហូតមកដល់សព្វថ្ងៃនេះកំណើននៃការប្រើប្រាស់ប្រាក់រៀលនៅចំពោះមុខគឺយើងទទួលបានប្រាក់រៀលកើនដល់៨០%វិញ អីចឹងការផ្តាស់ប្តូរប្រហែលជាអាចកើនដល់០០%នៃការប្រើប្រាស់ប្រាក់រៀលទាំងអស់»។
បើតាមនាយកប្រតិបត្តិរូបនេះនៅក្នុងដំណើរលើកកម្ពស់ប្រាក់រៀលនេះគឺមានការលំបាកខ្លះគឹអតិថិជនការរអ៊ូរទាំច្រើនដោយសារនៅក្នុងផ្នត់គំនិតរបស់ពួកគាត់ យកប្រាក់ដុល្លារអាមេររិកជាគោលព្រោះគិតថាវាពិបាកប្តូរឬថែមប្រាក់ឱ្យគ្នាទៅវិញទៅមក។ប៉ុន្តែដោយសារមានការចូលរួមពីបុគ្គលិករបស់ក្រុមហ៊ុនធ្វើការពន្យល់ទៅដល់ពួកគាត់ ធ្វើឱ្យគាត់សប្បាយចិត្តហើយប្តូរផ្នត់គំនិតមកប្រើប្រាស់លុយរៀលខ្មែរវិញ ៕
ចែករំលែកព័តមាននេះ