រាជធានីភ្នំពេញ ៖ ប្រជាពលរដ្ឋប្រមាណជាង២០នាក់ បាននាំតវ៉ាដោយលើកបដាស្នើឱ្យបិទសត្តឃាតដ្ឋានសេនគ្រីយ៉ា (កុងស៊ីកាប់គោ-ក្របី) ខណៈពេលដែលអាជ្ញាធរខណ្ឌជ្រោយចង្វារព្រមទាំងមន្ត្រីជំនាញចុះទៅត្រួតពិនិត្យ តែត្រូវបានភាគីខាងកុងស៊ីនាំគ្នា ដកហូតយកទុកអស់ ។ ការតវ៉ាបានផ្ទុះឡើង កាលពីវេលាម៉ោងប្រមាណ៣រសៀល ថ្ងៃ ទី២៥ កញ្ញា ឆ្នាំ ២០២០ នៅមុខទីតាំងសត្តឃាត ដែលស្ថិតចំណុចនៅស្ពានលេខ៦ ក្នុងភូមិ បាក់ខែង សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ ។ សូមរំលឹកថា៖ ទីសត្តឃាតដែលមានក្លិនអាសោចន៍ ផ្តើមលើកយីហោអួតអាង
នៅក្នុងការចុះត្រួតពិនិត្យនោះដែរ គេឃើញអ្នកធ្វើអាជីវកម្មកាប់គោក៏បាននាំគ្នា ជួបប្រមូលផ្តុំគាំទ្រខាងកុងស៊ីផងដែរ ។ តាមប្រជាពលរដ្ឋដែលតវ៉ាបានអោយដឹងថា កុងស៊ី កាប់គោ ក្របី សេនគ្រីយ៉ាកំពុងតែបង្កការរំខាន ដោយបង្ហូរទឹកស្អុយចូលក្នុងប្រឡាយព្រមទាំង បើករថយន្តដឹកគោចុះឡើង បំផ្លាញផ្លូវ។ទោះបីជាយ៉ាងណាប្រជាពលរដ្ឋ ពុំបាននិយាយច្រើនឡើយ ភាគីខខាងម្ចាស់ កុង ស៊ីបានសំឡុត ហើយ សួររកអត្តសញ្ញាណប័ណ្ណ។
គួរបញ្ជាក់ថា ទីសត្តឃាតគោ ក្របី សេនគ្រីយ៉ា នេះកំពុង តែបង្កអោយប៉ះពាល់ដល់បរិស្ថានជុំវិញយ៉ាង ធ្ងន់ធ្ងរ ដោយកាប់គោក្របីមួយថ្ងៃរាប់រយក្បាល បង្ហូរកាកសំណល់ សាច់ ឈាមចូលទៅក្នុងប្រឡាយព្រមទាំងបង្កសម្លេងរំ ខានទាំងយប់ទាំងថ្ងៃ រកពេលសម្រាកមិនបាន។ក្រៅពីនោះ នៅជំវិញ ក្នុងភូមិសុទ្ធតែរោងចិញ្ចឹមគោ បង្កក្លិនស្អុយ អាសោច។ដោយទ្រាំមិនបានប្រជាពលរដ្ឋ នាំគ្នា ផ្តិតមេដៃប្តឹង ជាបន្តបន្ទាប់ហើយទទួចសុំអោយអាជ្ញាធរសង្កាត់ ខណ្ឌ និងមន្ត្រីជំនាញជួយអន្តរាគមន៍ដោះស្រាយ។
នៅពេលថ្មីៗនេះ រដ្ឋបាលខណ្ឌជ្រោយចង្វារ មិនចុះហត្ថលេខាបញ្ជូនលើសំណើរសុំអនុញ្ញាតបន្តបង្កើតសត្តឃាតបានឡើយ ដោយហេតុថា ទីតាំងនេះស្ថិតនៅបណ្តុំប្រជាពលរដ្ឋ រស់នៅ ជិតវិមានឈ្នះឈ្នះ ជិតកីឡាដ្ឋានមរតតេជោ ដែលធ្វើអោយប៉ះពាល់ដល់បរិស្ថានរស់នៅរបស់ប្រជាពលរដ្ឋក្បែរនោះ និងតំបន់ជំវិញព្រមទាំងបញ្ជាក់ថា ការបើកបរដឹកជញ្ជូនដឹកគោ ក្របីក្នុងល្បឿនលឿន និងការពិឃាតគោ ក្របី ក្នុងពេលព្រឹកព្រលឹមតែងតែបង្កសម្លេងរំខាន ជាហេតុ ធ្វើអោយប្រជាពលរដ្ឋ មានការថ្នាំងថ្នាក់និងបានលើកឡើងពីទុក្ខកង្វល់គ្រប់វេទិការសាធារណៈ។ដូចនេះរដ្ឋាបាលខណ្ឌស្នើលោករកទីតាំងថ្មី សមស្រប។
នៅក្នុងការចុះត្រួតពិនិត្យ គេសង្កេតឃើញ នៅក្នុងបរិវេណ ក៍មានការរៀចចំលាងយ៉ាងស្អាតផងដែរ ។តាមមន្ត្រីជំនាញ និងអាជ្ញាធរ បានអោយដឹងថា ការចុះត្រួតពិនិត្យ គាតនឹងធ្វើរបាយការណ៍ ទៅថ្នាក់លើ ។ទាក់ទិនការប៉ះពាល់មន្ត្រីជំនាញពុំអោយដឹងនោះឡើយ ។ ចំណែកលោកសេន គ្រីយ៉ា ក៍បានអះអាង កុងស៊ីរបស់លោក ពុំបង្កអោយប៉ះពាល់ឡើយ ហើយពុំមានអ្នកណាប្តឹងផ្តល់ឡើយ៕
ចែករំលែកព័តមាននេះ