ក្រសួងរតនាគារអាមេរិក កាលពីថ្ងៃទី២៤ មីនា បានលុបចោលទណ្ឌកម្មប្រឆាំងសហគ្រាសចំនួន៦០ និងបណ្តាបុគ្គលដែលធ្វើពាណិជ្ជកម្មជាមួយគុយបា ពេលមានការខិតចូលជិតគ្នាខាងការទូតរវាងសហរដ្ឋអាមេរិក និងគុយបា ។
យោងតាមបញ្ជីចេញផ្សាយដោយក្រសួងរតនាគារថា ក្នុងចំណោមសហគ្រាសទាំងនេះ មួយផ្នែកធំមានមូលដ្ឋាននៅក្រៅប្រទេសគុយបា ពិសេសនៅប្រទេសប៉ាណាម៉ា ។ ក្រុមហ៊ុនទាំងនោះ ក្រៅពីក្រុមហ៊ុនដឹកជញ្ជូនតាមសមុទ្រ មានក្រុមហ៊ុនធ្វើការក្នុងផ្នែកទេសចរណ៍ កសិកម្ម និងនេសាទ ។
បញ្ជីនេះចេញផ្សាយដោយការិយាល័យ OFAC ទទួលបន្ទុកខាងដាក់ទណ្ឌកម្មបណ្តាសហគ្រាសដែលធ្វើពាណិជ្ជកម្មជាមួយបណ្តាប្រទេសស្ថិតក្នុងការហ៊ុមព័ទ្ធរបស់អាមេរិក ។ គុយបាស្ថិតក្នុងការហ៊ុមព័ទ្ធទាំងស្រុងរបស់សហរដ្ឋអាមេរិក ចាប់តាំងពីឆ្នាំ១៩៦២ មក ។
ជាប្រពៃណីបណ្តាសហគ្រាសអាមេរិកពុំអនុញ្ញាតឱ្យរកស៊ីជាមួយបណ្តាបុគ្គល ឬក្រុមហ៊ុនដែលទទួលការដាក់ទណ្ឌកម្មរបស់រតនាគារឡើយ ៕
ចែករំលែកព័តមាននេះ