រាជធានីភ្នំពេញ ៖ សូមចូលរួមអបអរសាទរព្រះបញ្ញាមុនីញាណ ហាក់ សៀងហៃ នាយកប្រតិបត្តិអង្គការព្រះពុទ្ធសាសនាដើម្បីអប់រំនៃកម្ពុជា និងជារាជាគណៈថ្នាក់កិត្តិយស គង់នៅវត្តកំផែង ភូមិកម្មករ សង្កាត់ស្វាយប៉ោ ខេត្តបាត់ដំបង ដែលទទួលបានការតែងតាំងជាទីប្រឹក្សាក្រុមប្រឹក្សាជាតិភាសាខ្មែរនៃរាជបណ្ឌិត្យសភាកម្ពុជា ។ នេះបើយោងតាមសេចក្តីសម្រេចលេខ ០៤២/២០ ស.ស.រ ចុះថ្ងៃទី ២៣ ខែកញ្ញា ឆ្នាំ២០២០ របស់លោកបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា ។
មានការកត់សម្គាល់ថា ព្រះបញ្ញាមុនីញាណ ហាក់ សៀងហៃ ជាព្រះសង្ឃដែលមានចំណេះដឹងខ្ពស់ក្នុងវិស័យព្រះពុទ្ធសាសនា អក្សរសាស្ត្រជាតិខ្មែរ និងមានចំណេះដឹងផ្នែកភាសាអង់គ្លេសយ៉ាងស្ទាត់ជំនាញទៀតផង ដែលកន្លងមកគេតែងឃើញព្រះអង្គមានវត្តមាននិមន្តចូលរួមនៅរាល់វេទិកាធំៗនៃព្រះពុទ្ធសាសនាពិភពលោកគួរឱ្យមោទនភាព ។
លើសពីនេះព្រះអង្គតែងបានបង្ហាត់បង្រៀនព្រះសង្ឃ និងឧបាសក ឧបាសិកានូវពុទ្ធឱវាទ ភាសាខ្មែរ និងអង់គ្លេស នៅលើបណ្តាញសង្គមទៀតផង ធ្វើឲ្យមហាជនមានការចាប់អារម្មណ៍យ៉ាងខ្លាំង ។
ខាងក្រោមនេះជាសេចក្តីសម្រេចតែងតាំងរបស់រាជបណ្ឌិត្យសភាកម្ពុជា៖
ចែករំលែកព័តមាននេះ