ខេត្តក្រចេះ ៖ អាជ្ញាធរខេត្តក្រចេះ បានបង្កើនសកម្មភាពចុះបូមទឹកចូលអាងស្តុក ដើម្បីសង្គ្រោះកសិករ សម្រាប់ការដាំដុះនៅរដូវប្រាំង អាជ្ញាធរខេត្តក្រចេះកំពុងតែបង្កើនសកម្មភាពក្នុងការបូមទឹកមកស្តុកទុកអាងប្រយោជន៍ ដើម្បីឲ្យពលរដ្ឋបង្កបង្កើនផលស្រូវប្រាំង និងដំណាំផ្សេងទៀតក្នុងរដូវប្រាំង ខណៈឆ្នាំនេះស្ថានភាពទឹកជំនន់មិនបានជន់លិចស្រោចស្រព រីឯរបបទឹកភ្លៀងក៏មានតិចតួច ។
ជាក់ស្តែង ក្នុងរយៈពេល២ថ្ងៃនេះ ក្រសួងធនធានទឹក និងឧតុនិមយ ឯកឧត្តម យិន កូលេនីន អនុរដ្ឋលេខាធិការក្រសួងធនធានទឹក និងឧតុនិយម រួមសហការជាមួយនឹងមន្ទីរធនធានទឹក និងឧតុនិយមខេត្តក្រចេះ ព្រមទាំងអាជ្ញាធរដែនដី បានចុះពិនិត្យមើលស្ថានភាពទឹក និងទីតាំងដើម្បីដាក់ម៉ាស៊ីនដើម្បីបូម ។
តាមការបញ្ជាក់ពីលោក ហេង រត្ន័ម៉ូនីដា ប្រធានមន្ទីរធនធានទឹក និងឧតុនិយមខេត្តក្រចេះ នៅថ្ងៃទី ២៤ ខែកញ្ញា បានឲ្យដឹងថា ៖ ផលប៉ះពាល់មានក្រុង១និង៣ស្រុក គឺក្រុងក្រចេះ ស្រុកចិត្របុរី ស្រុកឆ្លូង និងព្រែកប្រសព្វ ក្នុងនោះមន្ទីរបាននឹងកំពុងដាក់ម៉ាស៊ីនអន្តរាគមន៍ចំនួន ០៥ កន្លែង ដោយកន្លែងទី៖
១-គឺនៅទំនប់បឹងរំលាច សង្កាត់រកាកណ្ដាល ក្រុងក្រចេះ
២-គឺដាក់នៅឃុំពង្រ ស្រុកឆ្លូង
៣-នៅឃុំខ្សាច់អណ្ដែត
ទី៤-ដាក់នៅឃុំដំរីផុង
ទី៥-គ្រោងដាក់នៅទំនប់ស្រែអណ្ដូង ឃុំចំបក់ ដោយឡែកឃុំសោប និងឃុំជ្រោយបន្ទាយនៅស្រុកព្រែកប្រសព្វពុំមានផលប៉ះពាល់អ្វីឡើយ ដោយសារមន្ទីរនិងក្រសួងធនធានទឹក បានសាងសង់ទ្រនប់ដ៏ធំមួយគឺ ទំនប់គោកម្លូររលំភ្នៅ ដែលបរិមាណទឹកមានជាង ១០លានម៉ែត្រគីប ហើយជាប្រភពទឹករស់ដែលអាចបម្រើការស្រោចស្រពដល់ប្រជាកសិករយើង ដោយពុំមានការព្រួយបារម្ភអ្វីឡើយ ។
ជុំវិញការលើកឡើងនេះ ប្រធានមន្ទីធនធានទឹកនិងឧត្តុនិយមខេត្តលោក ហេង រត្ន ម៉ូនីដា ក៏បានបញ្ជាក់ថា ឆ្នាំនេះទឹកជំនន់មិនបានជន់លិចចូលអាង ស្តុក ទំនប់ព្រែកស្ទឹងបឹងបួរនោះទេ ទើបធ្វើឲ្យកិសករកំពុងតែប្រឈមមុខនិងខ្វះទឹកប្រើប្រាស់សម្រាប់បង្កបង្កើនផលនៅ រដូវប្រាំងឆ្នាំនេះ ។
លោកបន្តថា ៖ តែយ៉ាងណាអាជ្ញាធរខេត្តកំពុងតែរកលិទ្ឋភាពជួយសង្គ្រោះពួកគាត់ ទន្ទឹមនិងបញ្ហាកង្វះទឹកស្រោចស្រពនេះ ពលរដ្ឋជាកសិករគួរតែមានវិធានការផ្លាស់ប្តូរគ្រាប់ពូជ ពីស្រូវមកដំណាំវិញ ដោយប្រើប្រាស់ទឹកតិច ។
ចែករំលែកព័តមាននេះ