LG ប្រកាសលក់ស្មាតហ្វូន AKA សម្រាប់កុមារ
LG ប្រកាសដាក់លក់ AKA ដែលជាប្រភេទស្មាតហ្វូនសម្រាប់កុមារទៅកាន់ទីផ្សារពិភពលោកដូចជាប្រទេសហុងកុង ចិន តៃវ៉ាន់ សិង្ហបុរី និងប្រទេសតួកគី បន្ទាប់ពីដាក់លក់នៅប្រទេសកូរ៉េ
LG ប្រកាសដាក់លក់ AKA ដែលជាប្រភេទស្មាតហ្វូនសម្រាប់កុមារទៅកាន់ទីផ្សារពិភពលោកដូចជាប្រទេសហុងកុង ចិន តៃវ៉ាន់ សិង្ហបុរី និងប្រទេសតួកគី បន្ទាប់ពីដាក់លក់នៅប្រទេសកូរ៉េ កាលពីឆ្នាំ២០១៤ ។
ស្មាតហ្វូន AKA មានភ្នែកប្រៀបដូចមនុស្សដែលបង្ហាញពីអារម្មណ៍របស់អ្នកប្រើប្រាស់ និងមានបួនពណ៌សម្រាប់ជ្រើសរើសដូចជាពណ៌លឿង បង្ហាញពីក្តីស្រឡាញ់យ៉ាងជ្រាវជ្រៅ ពណ៌សស្តែងចេញពីអារម្មណ៍ ឆ្កួតៗ ពណ៌ផ្កាឈូកបង្ហាញពីការសប្បាយចិត្ត និងពណ៌ខៀវបង្ហាញពីភាពលន្លង់លន្លោចនៃពិភពតន្ត្រី ។
លក្ខណៈពិសេសរបស់ស្មាតហ្វូន AKA ទំហំ៥អីុញ កម្រិតភ្លឺច្បាស់ ៧២០ភិចស៊ែល កម្លាំងម៉ាស៊ីន Quad-Core ល្បឿន១.២ជីហ្គាហឺត ។ RAM ១.៥ជីហ្គាបៃ ថាមពលថ្ម២៦១០មីល្លីអំពែ ព្រមទាំងដំណើរការដោយប្រព័ន្ធប្រតិបត្តិការ Android OS 4.4 ។
តម្លៃរបស់ស្មាតហ្វូន AKA ក្នុងប្រទេសកូរ៉េក្នុងពេលបច្ចុប្បន្ននេះ៤៥៥ដុល្លារ ៕
ចែករំលែកព័តមាននេះ