ខេត្តប៉ៃលិន ៖ ព្រះសង្ឃ១អង្គ ចេញពីបន្ទប់និមន្តទៅឆាន់អាហារនៅឯកុដិ ដោយចាក់សោបន្ទប់ចោល១ភ្លែត ស្រាប់តែត្រូវចោរចូលគាស់សោចូលលួចអស់បច្ច័យជាច្រើន ដែល ហេតុការណ៍ចោរចូលគាស់ទ្វារបន្ទប់ព្រះសង្ឃចូលលួចបច្ច័យអស់ជាច្រើននេះបានកើតឡើង កាលពីវេលាម៉ោង១១និង០០នាទី ថ្ងៃទី១៩…
ខេត្តប៉ៃលិន ៖ ព្រះសង្ឃ១អង្គ ចេញពីបន្ទប់និមន្តទៅឆាន់អាហារនៅឯកុដិ ដោយចាក់សោបន្ទប់ចោល១ភ្លែត ស្រាប់តែត្រូវចោរចូលគាស់សោចូលលួចអស់បច្ច័យជាច្រើន ដែល ហេតុការណ៍ចោរចូលគាស់ទ្វារបន្ទប់ព្រះសង្ឃចូលលួចបច្ច័យអស់ជាច្រើននេះបានកើតឡើង កាលពីវេលាម៉ោង១១និង០០នាទី ថ្ងៃទី១៩ ខែកញ្ញា ឆ្នាំ២០២០ នៅចំណុចក្នុងវត្តអូរដូនតា ស្ថិតក្នុងភូមិដីស្អិត ឃុំស្ទឹងត្រង់ ស្រុកសាលាក្រៅ ខេត្តប៉ៃលិន ។
ប្រភពព័ត៍មានពីអធិការនគរបាលស្រុកសាលាក្រៅបានឱ្យដឹងថា ៖ បច្ច័យដែលបានបាត់រួមមាន ៖ ប្រាក់ថៃចំនួន10.000 បាត ប្រាក់ខ្មែរ ចំនួន2200000រៀល និងប្រាក់ដុល្លារចំនួន1830ដុល្លារ ។
ប្រភពបន្តទៀតថា រហូតដល់ពេលចង្ហាន់ត្រង់ព្រះចៅអធិការវត្តបានចាក់សោបន្ទប់ចេញទៅជួបជុំព្រសង្ឃដទៃ ដើម្បីឆាន់អាហារ ពេលនោះគេឃើញមានជនសង្ស័យម្នាក់បានជិះម៉ូតូ១គ្រឿងបានចូលទៅលួចគាស់ទ្វារបន្ទប់កុដិព្រះសង្ឃ ខណៈពេលមិនគង់នៅដោយបានឱកាសល្អក៏ចូលលួចយកលុយអស់រលីង លុះពេលព្រះចៅអធិការវត្តនិមន្តត្រឡប់មកដល់បន្ទប់វិញ ស្រាប់តែឃើញទ្វារបន្ទប់កុដិដាច់ដែកជាប់នឹងមេសោ លុះពេលព្រះសង្ឃនិមន្តចូលដល់ក្នុងកុដិ ក៏ប្រទះឃើញកន្លែងទុកបច្ច័យរបើក ហើយបាត់លុយអស់រលីង បង្កឱ្យមានការភ្ញាក់ផ្អើលតែម្តង ។
ក្រោយពេលកើតហេតុកម្លាំងសមត្ថកិច្ចជំនាញក៏ចុះទៅដល់កន្លែង ដើម្បីសួរនាំដោយអ្នកភូមិប្រាប់ថា ចោររូបនោះជិះម៉ូតូក្នុងទិសដៅពីលិចទៅកើតចូលក្នុងទឹកដីស្រុកបវេល ខេត្តបាត់ដំបង ។ ក្រោយមកកម្លាំងនគរបាលកំពុងញាប់ដៃញាប់ជើង ធ្វើការស្រាវជ្រាវស្វែងតាមរកមុខសញ្ញាជនសង្ស័យបន្តទៀត ៕
ចែករំលែកព័តមាននេះ