ខ្មែរយើងនៅសម័យកុំព្យូទ័រ អ៊ីនធើរណេតនេះ គេសង្កេតឃើញមានមនុស្សមួយចំនួនតូចបំផុតមានឥរិយាបថ និងធ្វើសកម្មភាពប្លែកៗគួរឱ្យចាប់អារម្មណ៍ ។ អ្វីដែលគួរឱ្យកត់សម្គាល់ខ្លាំងបំផុតនោះគឺឥរិយាបថ និងទស្សនៈ «អាណាហ៊ានធើអីអញ» បានកើតឡើងនៅលើមនុស្សតិចតួចបំផុត ដែលកំពុងដកដង្ហើមក្នុងសង្គម ដែលបុគ្គលនោះសម្បូរលុយកាក់ និងអាងខ្នងអាងអំណាចបុណ្យស័ក្តិ ។
នៅខេត្តព្រះវិហារ ថ្មីៗកន្លងទៅ ក្រុមឆ្លុះកង្កែប២នាក់បានត្រូវគេចាប់ដាក់គុក រីឯច្រើននាក់ទៀតកំពុងចង់ដូរដី ដោយសារត្រូវពួក «អាណាហ៊ានធើអីអញ» ប្តឹង ពីបទកំហែងយក ព្រោះគេអាងមានកូនប្រសាដ៏មហិមាច្រើននាក់ជាមន្ត្រីតុលាការ ។
ថ្មីៗនេះដែរ នៅខេត្តកំពង់ស្ពឺ មានការបាញ់គំរាមសមត្ថកិច្ចកំពុងប្រតិបត្តិការអស់ជាង៣០គ្រាប់ រហូតដល់ស្រាវជ្រាវដឹងអត្តសញ្ញាណទៀត ប៉ុន្តែប្រហែលជានៅតែគ្មាន «អាណាហ៊ានធើអីអញ» ដដែលទេមើលទៅ ។
ប៉ុន្មានឆ្នាំកន្លងទៅ ចៅហ្វាយក្រុងបាវិតម្នាក់បានបាញ់កម្មករឱ្យរបួសមានការប្តឹងប្តល់ដល់តុលាការគ្រប់ថ្នាក់ ប៉ុន្តែជនលើ្មសនៅតែស្ថិតក្រៅសំណាញ់ច្បាប់យ៉ាងរំភើយ ដែលគេអះអាងថា សុទ្ធតែពួកស្ថិតនៅក្នុងក្រុមកោងកាច «អាណាហ៊ានធើអីអញ» ។
តើនៅស្រុកយើងអង្កាល់ទៅទើបអស់ពួក «អាណាហ៊ានធើអីអញនេះទៅហ្ន៎» ដែលកំពុងធ្វើឱ្យខូចឈ្មោះអ្នកដែលគេខំធ្វើល្អ អ្នកដែលខំធ្វើបុណ្យសន្សំកុសល ។
ល្មមដល់ពេលធើ.កពួក «អាណាហ៊ានធើអីអញ» ឱ្យបានខ្លាំងបន្តិចហើយ !!!
ដោយ សហការី
ចែករំលែកព័តមាននេះ