ខេត្តក្រចេះ ៖ ពលរដ្ឋអាស្រ័យផលកិសកម្ម រស់នៅតាមដងទន្លេ និងតាមវាលទំនាបនានា ក្នុងខេត្តក្រចេះ ដែលសព្វថ្ងៃពឹងផ្អែកចំណូលលើវិស័យកសិកម្មជាប្រភពចំណូលចម្បង ។ កំពុងព្រួយបារម្ភពីការបាត់បង់ទិន្នផលបានមកពីការដាំដុះលើដំណាំស្រែប្រាំង និងចម្ការបន្លែផ្សេងៗនារដូវប្រាំងនៅឆ្នាំនេះរបស់ពួកគាត់ ដោយសារមិនមានទឹកស្រោចស្រពគ្រប់គ្រាន់ ខណៈទឹកជំនន់ក៏មិនជន់លិចតាមប្រឡាយ ទំនប់បឹងបួរ ក៏គ្មានទឹកចំណែកឯភ្លៀងក៏មិនបង្អុរ ធ្លាក់គ្រប់គ្រាន់ដូចឆ្នាំសព្វដង។
កសិកររស់នៅក្រុងក្រចេះ និងស្រុកចិត្របុរី បានសម្តែងការព្រួយបារម្ភជាខ្លាំងពីការបាត់ ទិន្នផលស្រែប្រាំង និងដំណាំកសិឧស្សាហកម្មផ្សេងទៀត ដោយសារឆ្នាំនេះអាចខ្វះទឹកដើម្បីស្រោចស្រព។ ពួកគាត់អំពាវនាវយ៉ាងទទូច ដល់អាជ្ញាធរ រកវិធានការដើម្បីសង្គ្រោះពួកគាត់ ដូចជាការជួយរកប្រភពទឹក ព្រមទាំងគ្រាប់ពូជស្រូវដាំណាំនិងស្រូវជាដើម ព្រោះថា គ្រាប់ពួជ ដែលពួកគាត់បានដាំដុះទៅតាមទម្លាប់រដូវរាល់ឆ្នាំ ត្រូវបានស្កក និងងាប់ដោយសារគ្មានទឹក។ ប្រជាកិសករទាំងនោះ បានប្រៀបធៀបថា ជារៀងរាល់ឆ្នាំនៅខែកញ្ញា នេះ ទឹកជំនន់ ដែលបានជន់លិចស្រោចស្រពនិងនាំដីល្បាប់មានជីជាតិ គឺបានស្រកចុះវិញជាបន្តើៗទៅ ហើយដែរ។ ចំនែកការធ្វើស្រែប្រដេញទឹករបស់ពួកគាត់ ក៏និងត្រូវចាប់ផ្តើមផងដែរ។
តែឆ្នាំនេះ ទឹកទន្លេតូចទឹកជំនន់មិនបានជន់លិចនោះទេ ហើយពួកគាត់ក៏មិនបានធ្វើស្រែប្រដេញ ទឹកដូចតាមរាល់ឆ្នាំដែរ។ ជាមួយគ្នានេះប្រជាពលរដ្ឋដែលធ្វើដំណាំដាំបន្លែ បន្ទាប់ បន្សំ ដំណាំកសិឧស្សាហកម្ម ក៏បារម្ភទៅលើបញ្ហាការដាំដុះរបស់ពួកគាត់ ដោយសារគ្មាន ទឹកស្រោចស្រព បើមេឃនៅតែមិនភ្លៀង ទឹកជំនន់ក៏មិនលិចចូលនៅតាមអាង បឹង ព្រែក ក្នុងតំបន់របស់គាត់ដូចរាល់ថ្ងៃទេនោះ។
កត្តាប្រែប្រួលអាកាសធាតុនេះ ធ្វើឲ្យពួកគាត់ព្រួយបារម្ភពីបញ្ហាដីគ្មានជីជាតិ ការដាំដុះ មិនទទួលបានផលល្អដោយមានសត្វល្អិតស៊ីជាដើម។ពួកគាត់និយាយថា ប្រសិនបើទឹកជំនន់មិនជនលិចស្រោចស្រព តែប្រសិនបើភ្លៀងបាន បង្អុរធ្លាក់ជោគជាំ ធ្វើឲ្យអាងទំនប់បឹងបួរ ស្តុកទឹកបាន អាចអំណោយផលដល់ពួកគាត់ សម្រាប់បង្ករបង្កើនផលបាន។ តែយ៉ាងណាឆ្នាំនេះ ទឹកជំនន់ក៏គ្មាន ភ្លៀងក៏មិនបង្អុរធ្លាក់។
យោងតាមរបាយការណ៍មួយរបស់សាលាខេត្តក្រចេះ បានឲ្យដឹងថា រយៈពេល៦ខែឆ្នាំ ២០២០ វិស័យកសិកម្មសម្រេចបានការដាំដុះដំណាំស្រូវក្នុងលើផ្ទៃដី២៦៣៧៤ ហិកតា ស្មើនឹង ៧៩,៩២%។នៃផែនការ៣៣.០០០ហិចតាផ្ទៃដីប្រមូលផលស្រូវបានចំនួន១.០៣៩ហិចតា ។ ផ្ទៃដីដាំដុះសរុបនិងដំណាំរួមផ្សំដាំដុះបានចំនួន១៨,៩៧ហិចតា ស្មើនឹង៩២,៨៥% ភាគរយ នៃផែន ការ២០០០ហិចតា ផ្ទៃដីប្រមូលផលបានចំនួន២៥៦ ហិកតាស្មើនឹង ១៣,៤៩% ។
ចែករំលែកព័តមាននេះ