ក្រុងហុងកុង ៖ មនុស្សជិត៣០០នាក់បានត្រូវប៉ូលិសហុងកុងចាប់ខ្លួនកាលពីថ្ងៃទី៦ ខែកញ្ញា ក្នុងឱកាសនៃបាតុកម្ម របស់ពួកសកម្មជនស្និទ្ធប្រជាធិបតេយ្យ ប្រឆាំងការពន្យារពេលបោះឆ្នោតសភា ដែលត្រូវធ្វើនាថៃ្ងទី៦កញ្ញានៅហុងកុង។ ការបោះឆ្នោតត្រូវធ្វើនាថ្ងៃអាទិត្យទី៦កញ្ញា ដើម្បីជ្រើសរើសសភាថ្មីដោយការពន្យារពេលបែបនោះ…
ក្រុងហុងកុង ៖ មនុស្សជិត៣០០នាក់បានត្រូវប៉ូលិសហុងកុងចាប់ខ្លួនកាលពីថ្ងៃទី៦ ខែកញ្ញា ក្នុងឱកាសនៃបាតុកម្ម របស់ពួកសកម្មជនស្និទ្ធប្រជាធិបតេយ្យ ប្រឆាំងការពន្យារពេលបោះឆ្នោតសភា ដែលត្រូវធ្វើនាថៃ្ងទី៦កញ្ញានៅហុងកុង។
ការបោះឆ្នោតត្រូវធ្វើនាថ្ងៃអាទិត្យទី៦កញ្ញា ដើម្បីជ្រើសរើសសភាថ្មីដោយការពន្យារពេលបែបនោះ ជារឿងកម្រមានមួយ។ ប្រមុខប្រតិបត្តិក្រុងហុងកុង លោកស្រីការីឡាមធ្លាប់ប្រកាសកាលពីថ្ងៃទី៣១កក្កដា ពីការពន្យារពេលការបោះឆ្នោតសភានោះដល់១ឆ្នាំ ដោយលើកហេតុផលពីការឆ្លងរាលដាលនៃវីរុសCOVID-19។ ការសម្រេចចិត្តនោះនាំឲ្យមានកំហឹងរបស់ពួកប្រឆាំង ដែលចង់ពង្រឹងអារម្មណ៍ប្រឆាំងរដ្ឋាភិបាលក្នុងការបោះឆ្នោតនេះ។
ប៉ូលិសច្រើនរយនាក់បានត្រូវដាក់ពង្រាយកាលពីថ្ងៃទី៦កញ្ញា ក្នុងសង្កាត់កៅលន់ដើម្បីទប់ការអំពាវនាវតាមអ៊ីនធើរណេតឲ្យមនុស្សម្នាលើកគ្នាធ្វើបាតុកម្ម។ នាវេលារសៀលថ្ងៃទី៦កញ្ញានោះ ប៉ូលិសបានប្រឈមមុខជាមួយពួកបាតុករ ដែលនាំគ្នាស្រែកថា ចូរឲ្យយើងបានបោះឆ្នោត ចំណែកប៉ូលិសបានធ្វើការចាប់ខ្លួនមនុស្សច្រើននាក់ និងធ្វើការឆែកឆេរនិងចេញបញ្ជាឲ្យពួកបាតុករបំបែកជួរ។
ក្នុងសេចក្ដីប្រកាសមួយចេញផ្សាយតាមFACEBOOKប៉ូលិសនិយាយថា មនុស្សយ៉ាងតិច២៨៩នាក់បានត្រូវចាប់ខ្លួន ភាគច្រើនជាអ្នកចូលរួមក្នុងការប្រមូលផ្ដុំមនុស្សខុសច្បាប់។ នារីម្នាក់ដែលទទួលការចោទប្រកាន់ពីបទស្រែកពាក្យទាមទារឯករាជ្យ ត្រូវចាប់ឃុំឃាំងយោងតាមច្បាប់ថ្មីស្ដីពីសន្តិសុខជាតិសម្រាប់ហុងកុង។ បណ្ដាវីដេអូបង្ហាញ មេខ្លោងប្រឆាំង៣នាក់ត្រូវចាប់ខ្លួន។
ក្នុងសេចក្ដីប្រកាសមួយ រដ្ឋាភិបាលហុងកុងបានថ្កោលទោសពួកបាតុករថា ប្រព្រឹត្តអំពើខុសច្បាប់និងអត្តទត្ថនិយម។ អាទិភាពសម្រាប់ហុងកុងបច្ចុប្បន្នគឹការរួបរួមគ្នា និងការប្រយុទ្ធរួមប្រឆាំងវីរុស។ ចំណែកការិយាល័យទំនាក់ទំនងចិនប្រចាំក្រុងហុងកុង នាយប់ថ្ងៃទី៦កញ្ញាបានហៅពួកបាតុករថា ពួកគ្មានចិត្ត។ អ្នកនាំពាក្យការិយាល័យនោះអះងាងថា នឹងពុំមានការអត់ឱនណាមួយចំពោះបណ្ដាអ្នក ដែលរំលោភបំពានច្បាប់ស្ដីពីសន្តិសុខឡើយ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ