សហរដ្ឋអាមេរិក ៖ មនុស្សម្នាក់បានត្រូវបានបាត់បង់ជីវិតដោយសារតែគ្រាប់កាំភ្លើង កាលពីថ្ងៃទី២៩ សីហានៅក្រុងព័រឡែនក្នុងសង្កាត់ OREGON នាភាគពាយ័ព្យសហរដ្ឋអាមេរិក ក្នុងកាលៈទេសៈដែលមានភាពច្របូកច្របល់ពេលមានការប៉ះទង្គិចគ្នានាពេលយប់ រវាងពួកបាតុករប្រឆាំងការប្រកាន់ពូជសាសន៍ និងពួកអ្នកគាំទ្រលោកដូណាល់ត្រាំ ។
ព័រឡែនជាកន្លែងកើតមានបាតុកម្មរាល់ថ្ងៃ ប្រឆាំងអំពើហិង្សារបស់ប៉ូលិស នៅសហរដ្ឋអាមេរិកចាប់តាំងពីការស្លាប់របស់បុរសស្បែកខ្មៅលោក GEORGE FLOYD ដែលត្រូវប៉ូលិសស្បែកសម្នាក់យកជង្កង់ សង្កត់កគេដល់ដាច់ខ្យល់កាលពីខែឧសភាកន្លងទៅ ។ ចលនានោះត្រូវបាន
កម្រើកជាថ្មី ពេលជនស្បែកខ្មៅម្នាក់ទៀតលោកJACOB BLAKE រងរបួសជាទម្ងន់ដោយសារការបាញ់ប្រហារជាច្រើនគ្រាប់របស់ប៉ូលិសនៅទីក្រុង KENOSHA រដ្ឋវីស្កុនស៊ីន ។
រថយន្តជាច្រើនរយគ្រឿងបើកបរដោយពួកអ្នកគាំទ្រប្រធានាធិបតីលោកដូណាល់ ត្រាំ ជាមួយការលើកទង់ជាតិអាមេរិក និងទង់ស្និទលោកត្រាំ បានបើកទៅប្រមូលផ្ដុំគ្នាដោយមានការរៀបចំនៅព័រឡែន កាលពីថ្ងៃទី២៩ សីហា ក្នុងនោះមានទៅកាន់កណ្ដាលក្រុងនេះ ដែលមានពួកបាតុ
ករនៃចលនាប្រឆាំងការប្រកាន់ពូជសាសន៍BLACK LIVES MATTER នាំឲ្យផ្ទុះការជេរប្រមាថដាក់គ្នា រហូតមានការបាញ់បោះរបស់អ្នកគាំំទ្រលោកត្រាំម្នាក់ និងមានការកប់ដុំថ្មដាក់គ្នា និងការបាញ់ឧស្ម័នបង្ហូរទឹកភ្នែក ។
ប៉ូលិសមូលដ្ឋានរាយការណ៍ពីអំពើហិង្សារវាងពួកបាតុករនិងពួកប្រឆាំងបាតុករនិងគូសបញ្ជាក់ថា ប៉ូលិសបានធ្វើអន្តរាគមន៍និងមានការចាប់ខ្លួនមនុស្សផង ។ ការបាញ់បណ្ដាលឲ្យមនុស្សបាត់បង់ជីវិតកើតមាននាវេលាម៉ោង២០ និង៤៥នាទីម៉ោងក្នុងស្រុក នៅកណ្ដាលក្រុងព័រឡែន ។
ចំណែកនៅទីក្រុងស៊ីកាហ្កោបុរសម្នាក់បានបាញ់ប្រហារលើភោជនីយដ្ឋានមួយនៃទីក្រុងនោះ បណ្ដាលឲ្យមនុស្សម្នាក់បាត់បង់ជីវិតកាលពីយប់ថ្ងៃទី៣០ សីហា ហើយមនុស្ស៥នាក់ទៀតរងរបួស ។ ប៉ូលិសបានបញ្ជូនទៅកន្លែងកើតហេតុ នៅភោជនីយដ្ឋាន LUMES PANCAKE HOUSE ។ អ្នករបួសទាំង៥នាក់ក្នុងនោះ៣នាក់របួសធ្ងន់ត្រូវបានបញ្ជូនទៅកាន់មន្ទីរពេទ្យ ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ