ចប់បាត់! ជាប់គុកអស់ជិត៤៤ឆ្នាំទើបរកឃើញថា មិនបានប្រព្រឹត្តបទឧក្រិដ្ឋ(វីដេអូ)
សហរដ្ឋអាមេរិក ៖ ទូរទស្សន៍ ABC រាយការណ៍នាថ្ងៃទី២៩ សីហាថា លោក RONNIE LONG ជាបុរសស្បែកខ្មៅអាមេរិកម្នាក់…
សហរដ្ឋអាមេរិក ៖ ទូរទស្សន៍ ABC រាយការណ៍នាថ្ងៃទី២៩ សីហាថា លោក RONNIE LONG ជាបុរសស្បែកខ្មៅអាមេរិកម្នាក់ ដែលត្រូវបានកាត់ទោសកាលពីឆ្នាំ១៩៧៦ដាក់គុក៨០ឆ្នាំពីបទចាប់រំលោភនារីស្បែកសម្នាក់ដោយគ្មានភស្ដុតាងពិតប្រាកដ ទើបត្រូវបានដោះលែង ។
សាកសួរពេលចេញពីពន្ធនាគារ NEW LONDON រដ្ឋការូ៉លីនខាងជើង លោក RON
NIE LONG អាយុ៦៤ឆ្នាំ មិនបិទបាំងឡើយការក្ដុកក្ដួលរបស់លោក ។ លោកទទួលបានសេរីភាពវិញ ក្រោយពីស្ថិតក្នុងពន្ធនាគារដោយអយុត្តិធម៌អស់ពេលជិត៤៤ឆ្នាំ ។ កាយពីឆ្នាំ១៩៧៦ លោកត្រូវកាត់ទោសដាក់គុកដល់៨០ឆ្នាំ ពីបទចោទថា ចាប់រំលោភនារីស្បែកសម្នាក់ ក្នុងទីក្រុកកំណើតរបស់លោកគឺក្រុង CONCORD រដ្ឋការ៉ូលីនខាងជើង ។
លោករៀបរាប់ថាក្រុមប្រឹក្សាតុលាការពេលសម្រេចសាលក្រមកាត់ទោសលោកមានសុទ្ធតែជាជនស្បែកស ។ ពុំមានភស្ដុតាងច្បាស់លាស់ណាមួយពីការប្រព្រឹត្តខុសរបស់គាត់ឡើយ គាត់ជាជនស្លូតត្រង់ ។ ចាប់តាំងពីពេលនោះមក លោកនៅតែខិតខំពុំរាថយ ដើម្បីឲ្យលុបចោលការកាត់ទោសនោះវិញ ហើយទីបំផុតដោយសារការជួយរបស់មនុស្ស១ក្រុមដែលមានជាពិសេស
បណ្ដាមេធាវីទើបអាចបញ្ជាក់ថា លោកជាមនុស្សស្លូតត្រង់ពុំមានប្រព្រឹត្តបទឧក្រិដ្ឋ ។
កាលពីឆ្នាំ២០០៥ក្រុមរបស់លោកធ្លាប់បានរកឃើញភស្ដុតាងនានាដែលអះអាងថា លោកពុំបានប្រព្រឹត្តខុស ។ បណ្ដាគំរូមេជីវិតនិងបណ្ដាក្រយ៉ៅដៃដែលរកឃើញនៅកន្លែងកើតហេតុមិនមែនជារបស់លោក RONNIE LONG តែប៉ូលិសសម័យកាលនោះបដិសេធមិនទទួលស្គាល់ភស្ដុតាងទាំងនេះ ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ