សហរដ្ឋអាមេរិក ៖ បាតុករប្រឆាំងការប្រកាន់ពូជសាសន៍ជាច្រើនរយនាក់ កាលពីថ្ងៃទី២៧ សីហា បានប្រមូលផ្ដុំគ្នានៅមុខសេតវិមានដោយស្រែកពីកំហឹងឈឺចាប់របស់ពួកគេ និងទាមទារឲ្យមានការចាកចេញពីតំណែង របស់លោកដូណាល់ ត្រាំ ខណៈប្រធានាធិបតីអាមេរិករូបនោះ…
សហរដ្ឋអាមេរិក ៖ បាតុករប្រឆាំងការប្រកាន់ពូជសាសន៍ជាច្រើនរយនាក់ កាលពីថ្ងៃទី២៧ សីហា បានប្រមូលផ្ដុំគ្នានៅមុខសេតវិមានដោយស្រែកពីកំហឹងឈឺចាប់របស់ពួកគេ និងទាមទារឲ្យមានការចាកចេញពីតំណែង របស់លោកដូណាល់ ត្រាំ ខណៈប្រធានាធិបតីអាមេរិករូប
នោះ ថ្លែងសុន្ទរកថាប្រកាសព្រមទទួលយក ការជ្រើសតាំងលោកជាផ្លូវការជាបេក្ខជន ប្រធានាធិបតីពីសំណាក់គណបក្សសាធារណរដ្ឋសម្រាប់ការប្រជែងយកអាណត្តិទី២ ។
បាតុករវ័យក្មេងម្នាក់ស្រែកថាយើងត្រូវធ្វើឲ្យលោកត្រាំចាកចេញ ។ ប្រធានាធិបតីរូបនោះនិង
អនុប្រធានាធិបតីនឹងជាអ្នកមិនអាចធ្វើអ្វីកើតឡើយ ។ ចំណែកបាតុករម្នាក់ទៀតស្រែកថា មនុស្សកាន់តែច្រើនត្រៀមធ្វើនូវអ្វីៗ ដើម្បីឲ្យលោកត្រាំចាកចេញពីអំណាច ។
ក៏ទោះបីមានការប្រមូលផ្ដុំមនុស្សតវ៉ាបែបនេះក្ដី ក៏លោកដូណាល់ត្រាំប្រកាសទទួលយកការតែងតាំងនៃគណបក្សលោកឲ្យលោកឈរឈ្មោះជាបេក្ខជនប្រធានាធិបតី ដណ្ដើមយកអាណត្តិទី២ ក្នុងឱកាសនៃសុន្ទរថាមួយរបស់លោក ក្នុងសួនច្បារសេតវិមានដែលការពារដោយសំណាញ់ដែក ។
ពួកបាតុករលើកឡើងថាយើងមិនចង់ឃើញលោកត្រាំទទួលយកការតែងតាំងនោះឡើយ ។គោលបំណងរបស់យើងគឺចង់បំផ្លាញព្រឹត្តិការណ៍នោះ ។ មិនឆ្ងាយប៉ុន្មានពីបាតុកម្មប្រឆាំងការប្រកាន់ពូជសាសន៍ ពួកអ្នកគាំទ្រលោកត្រាំក៏ប្រមូលផ្ដុំគ្នាដែរនៅ NATIONAL MALL ។ ពួកបាតុករប្រឆាំងម្នាក់បានស្រែកថា លោកត្រាំលើកទឹកចិត្តដល់ការប្រើអំពើហិង្សា ហើយយើងលើកទឹកចិត្តមនុស្សម្នាដែលគាំទ្រយើង ឲ្យប្រកាន់យកសកម្មភាពដោយសន្តិវិធី ។ បាតុករប្រឆាំងបានលើកប៉ង់កាតដែលសរសេរថា ប៉ូលិសជាឧបករណ៍នៃលទ្ធិហ្វាស៊ីស្ត ។
ការប្រមូលផ្ដុំមនុស្សតវ៉ាក្នុងចលនា BLACK LIVES MATTER (ត្រូវគិតដល់ជីវិតជនស្បែកខ្មៅ)ហាក់មានការចុះថយរយៈពេលប៉ុន្មានសប្ដាហ៍ចុងក្រោយនេះ តែដំបៅបានរើឡើងវិញ ដោយសាររឿងបាញ់ ប្រហាររបស់ប៉ូលិស លើបុរសស្បែកខ្មៅម្នាក់ លោក JACOB BLAKE កាលពីថ្ងៃទី២៣ សីហា បណ្ដាលឲ្យគេរងរបួសធ្ងន់ធ្ងរបំផុត ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ