ទំនាយឆ្នាំសត្វពពែ
ពពែគឺជាឆ្នាំសត្វទី៨ ក្នុងចំណោមរាសីឆ្នាំសត្វទាំង១២ ឬចក្រវាលសត្វទាំង១២របស់ចិន គឺឆ្នាំសត្វកណ្តុរ, គោ, ខ្លា, ទន្សាយ, នាគ, ពស់, សេះ, ពពែ, ស្វា, មាន់, ឆ្កែ និងសត្វជ្រូក ។ យោងតាមក្បួន
ពពែគឺជាឆ្នាំសត្វទី៨ ក្នុងចំណោមរាសីឆ្នាំសត្វទាំង១២ ឬចក្រវាលសត្វទាំង១២របស់ចិន គឺឆ្នាំសត្វកណ្តុរ, គោ, ខ្លា, ទន្សាយ, នាគ, ពស់, សេះ, ពពែ, ស្វា, មាន់, ឆ្កែ និងសត្វជ្រូក ។ យោងតាមក្បួនហោរាចិនឱ្យដឹងថា ឆ្នាំសត្វទាំង១២នឹងត្រូវមកជំនួសតំណែង ឬវេនគ្នាម្តងម្នាក់ៗជារៀងរាល់ឆ្នាំ ហើយចាប់ផ្តើមនៅថ្ងៃចូលឆ្នាំថ្មីប្រពៃណីចិន ។
ដោយឡែកពិធីបុណ្យចូលឆ្នាំប្រពៃណីចិនឆ្នាំ២០១៥ គឺជាឆ្នាំសត្វពពែត្រូវមកជំនួសសត្វសេះដែលជាឆ្នាំចាស់ ។
-ឆ្នាំសត្វពពែជាភាសាចិន៖ «ជាំង»
-ឆ្នាំសត្វពពែ៖ ១៩៣១, ១៩៤៣, ១៩៥៥, ១៩៦៧, ១៩៧៩, ១៩៩១, ២០០៣, ២០១៥ និងឆ្នាំ ២០២៧ ។
-អត្តចរិតពីធម្មជាតិ៖ ស្ងប់ស្ងាត់, សុភាព, ច្នៃប្រឌិត, គិតច្រើន និងស្មោះត្រង់ ។
-ការងារស័ក្តិសមបំផុត៖ គ្រូបង្រៀន, តន្ត្រីករ, អ្នកកែសម្រួល, អ្នករចនាផ្ទៃខាងក្នុង តួសម្តែង និងពេទ្យកុមារ ។
បុគ្គលិកលក្ខណៈ
មនុស្សប្រុស-ស្រីកើតឆ្នាំពពែគឺជាមនុស្សសុភាព អៀនប្រៀន ស្មោះត្រង់ នឹងន ចិត្តទូលាយ និងយុត្តិធម៌ ។ ពួកគេជាមនុស្សពូកែគិត មានគំនិតច្នៃប្រឌិតខ្ពស់ ព្យាយាម និងមានជំនាញវិជ្ជាជីវៈច្បាស់លាស់ ។
ទន្ទឹមគ្នានេះដែរពួកគេមានចំនុចអវិជ្ជមានដូចជា គិតព្រួយបារម្ភច្រើនជាដើម ។ ពួកគេចូលចិត្តការងារជាក្រុម តែស្ថិតក្នុងសភាពស្ងៀមស្ងាត់ព្រោះពួកគេត្រូវការពេលវេលាគិតពិចារណាឱ្យបានច្រើនដង ។
អត្តចរិតពីធម្មជាតិចំពោះអ្នកដែលកើតឆ្នាំពពែគឺការចាយវាយលើរបស់របរទាន់សម័យធ្វើឱ្យរូបគេក្លាយជាក្រុមមនុស្សឋានៈខ្ពស់ តែពួកគេមិនមែនជាមនុស្សដែលឆ្មើងឆ្មៃរាប់អានតែមនុស្សមានឋានៈ ខ្ពស់ៗនោះទេ ។
ហុងស៊ុយលាភសំណាង
-លេខ៖ ២ និង ៧ ឬក៏លេខដែលរួមមាន ២និង៧ ដូចជា២៧ ឬ៧២ជាដើម ។
-ពណ៌៖ ត្នោត, ក្រហម និងពណ៌ស្វាយ ។
-ផ្កា៖ Carnation និងផ្កា Primrose
-ទិស៖ ខាងជើង ។
-ថ្ងៃ៖ ទី៧ និងទី៣០ ស្ថិតក្នុងប្រតិទិនសុរិយគតិរបស់ចិន ។
-ខែ៖ សីហា និងខែវិច្ឆិកា ។
ការងារ
ការប្រកបការងារអាចនឹងជួបប្រទះផលលំបាកមករារាំងក្នុងឆ្នាំថ្មី២០១៥នេះ ពោលគឺចន្លោះខែមីនា មិថុនា កញ្ញា និងខែធ្នូ ។ ក្នុងអំឡុងខែទាំងនេះបញ្ហាផ្លូវអារម្មណ៍របស់គេនឹងធ្លាក់ចុះ ពោលគឺអាចមានជម្លោះជាមួយសហសេវិកទៀតផង ។ ចំណែកក្នុងខែកុម្ភៈ កក្កដា និងខែសីហា នឹងបានល្អប្រសើរវិញជាមិនខាន ។ អំឡុងឆ្នាំ២០១៥នេះ ទោះបីជាពួកគេព្យាយាមបំពេញការងារយ៉ាងស្វាហាប់យ៉ាងណាក៏ដោយក៏មិនត្រូវបានដំឡើងតួនាទីថ្មីទេ ។
លុយកាក់
ក្នុងឆ្នាំថ្មីនេះអ្នកគួរកាត់បន្ថយការចាយវាយចំណាយប្រចាំថ្ងៃ ពុំដូច្នោះទេអ្នកនឹងបាត់បង់ប្រាក់កាសដែលសន្សំទុកសម្រាប់ថ្ងៃអនាគតមិនខាន ។ រីឯការវិនិយោតូចធំគួរបញ្ចប់ត្រឹមនេះទើបជាការល្អ ប្រសើរជាងការបាត់បង់ប្រយោជន៍ធំនាពេលខាងមុខ ។ ឆ្នាំថ្មីនេះជាឆ្នាំពុំល្អសម្រាប់ការរុះរើទីលំនៅ ឬទិញផ្ទះថ្មីទេ ។ ដើម្បីឱ្យមានជោគរាសីល្អឡើងវិញក្នុងឆ្នាំថ្មីនេះអ្នកគួរដាក់ស្រះចិញ្ចឹមត្រីទៅទិសលិច និងទិសខាងជើងទើបអាចបង្កើនទ្រព្យសម្បត្តិ ។
ស្នេហា
មនុស្សប្រុស-ស្រីកើតឆ្នាំពពែអាចមានជម្លោះរវាងគូសង្សារ ឬប្តីប្រពន្ធជាដើម ។ ពួកគេគួរបង្កើនការទាក់ទងល្អូកល្អិនជាមួយគ្នាទើបល្អដើម្បីចៀសវាងការប្រេះឆាកើតឡើង ។ ឆ្នាំថ្មីនេះមិនល្អសម្រាប់ការរៀបអាពាហ៍ពិពាហ៍ទេ ។
-បុរសនៅលីវនឹងជួបគូព្រេងមានរូបសម្បត្តិស្រស់សោភា ។
-នារីទន្ទឹងរង់ចាំស្នេហាចាស់វិលត្រឡប់មកវិញ ។
ក្បួនហោរាបុរាណចិនឱ្យដឹងថា បុរស-នារីកើតឆ្នាំពពែត្រូវជួបគូព្រេងឆ្នាំ ទន្សាយ សេះ និងឆ្នាំជ្រូក តែត្រូវចៀសឱ្យផុតឆ្នាំគោ នាគ ពស់ និងឆ្នាំឆ្កែ ព្រោះឆ្នាំសត្វទាំងនេះអាចជាគូព្រាត់ រស់ ឬស្លាប់ជាដើម ។
ខាងក្រោមនេះគឺជាក្បួនគម្ពីរទស្សន៍ទាយឆ្នាំសត្វពពែបង្ហាញពីការរាប់អានមិត្តភក្តិល្អ សត្រូវ និង គូព្រេង៖
-ឆ្នាំពពែ ឆុងជាមួយឆ្នាំកណ្តុរ (សត្រូវ)
-ឆ្នាំពពែ ឆុងជាមួយឆ្នាំគោ (មិនល្អ)
-ឆ្នាំពពែត្រូវធាតុជាមួយឆ្នាំខ្លា (មិត្តភក្តិល្អ)
-ឆ្នាំពពែត្រូវធាតុជាមួយឆ្នាំទន្សាយ (គូព្រេង)
-ឆ្នាំពពែឆុងជាមួយឆ្នាំនាគ (មិនល្អ)
-ឆ្នាំពពែឆុងជាមួយឆ្នាំពស់ (មិនល្អ)
-ឆ្នាំពពែត្រូវធាតុជាមួយឆ្នាំសេះ (គូព្រេង)
-ឆ្នាំពពែត្រូវធាតុជាមួយឆ្នាំពពែ (អាចរស់នៅជាមួយគ្នាបាន)
-ឆ្នាំពពែត្រូវធាតុជាមួយឆ្នាំស្វា (អាចរស់នៅជាមួយគ្នាបាន)
-ឆ្នាំពពែត្រូវធាតុជាមួយឆ្នាំមាន់ (អាចរស់នៅជាមួយគ្នាបាន)
-ឆ្នាំពពែឆុងជាមួយឆ្នាំឆ្កែ (មិនល្អ)
-ឆ្នាំពពែត្រូវធាតុជាមួយឆ្នាំជ្រូក (គូព្រេង)
សុខភាព
មនុស្សប្រុស-ស្រីកើតឆ្នាំពពែគឺជាមនុស្សស្ងៀមស្ងាត់ តែពួកគេក៏មានបញ្ហាសុខភាពបន្តិចបន្តិចដែរ ។ បើសិនជាពួកគេមានផ្លូវចិត្ត និងផ្លូវអារម្មណ៍ល្អ នោះផលវិជ្ជមាននឹងផ្តល់ឱ្យពួកគេនូវសុខភាពល្អ ។ ការទទួលទានត្រីស្រស់ ចំណីអាហារសរីរាង្គ ព្យាយាមកាត់បន្ថយរបបអាហារប្រចាំថ្ងៃដូចជាសាច់ក្រហមជាដើម ។ ពួកគេគួរនៅឱ្យឆ្ងាយពីរបស់មុតស្រួចដូចជាកាំបិត ដាវ រណារ និងកន្ត្រៃជាដើម ព្រោះអាចបង្ករគ្រោះថ្នាក់ ។ ជីវិតរស់នៅប្រចាំថ្ងៃគួរលេងកីឡា និងចៀសវាងការទទួលទានចំណីអាហារសម្បូរជាតិខ្លាញ់ ។ លើសពីនេះទៅទៀតពួកគេគួរយកពេលវេលាទៅលំហែកម្សាន្តនៅមាត់សមុទ្រ តំបន់កម្សាន្តក្បែរព្រៃភ្នំ និងកន្លែងទេសចរណ៍ជាច្រើនទៀត ដើម្បីកាត់បន្ថយភាពអួអាប់ ឬគំនិតអវិជ្ជមានជ្រះស្រឡះ ។ ចំណែកបុគ្គលដែលកើតឆ្នាំពពែក្នុងឆ្នាំ១៩៤៣ និងឆ្នាំ ១៩៧៩ គួរតែប្រុងប្រយ័ត្ននឹងការធ្វើដំណើរជិត-ឆ្ងាយ ជាពិសេសក្នុងខែ មិថុនា និងខែធ្នូជាដើម ។
រឿងរ៉ាវគួរចៀសវាង
-ពណ៌៖ បៃតង ខៀវ និងពណ៌ខ្មៅ ។
-លេខ៖ ៦ និងលេខ ៨ ។
-ទិស៖ និរតី ។
-ខែ៖ មិនា មិថុនា និងខែតុលា ។
ធាតុ នីមួយៗអ្នកកើតឆ្នាំពពែ
-ឆ្នាំ១៩៥៥ និង២០១៥ ធាតុឈើ៖ សុភាព មេត្តា និងរួសរាយ ។
-ឆ្នាំ១៩០៧ និង១៩៦៧ ធាតុភ្លើង៖ រួសរាយ ស្មោះត្រង់ និងមានរបៀបរៀបរយ ។
-ឆ្នាំ១៩១៩ និង១៩៧៩ ធាតុដី៖ ស្មោះត្រង់ សុចរិត និងមិនដែលបង្កក្តីអន្តរាយដល់មិត្តភក្តិទេ ។
-ឆ្នាំ១៩៣១ និង១៩៩១ ធាតុមាស៖ មហិច្ឆិតា មានះ និងចិត្តទូលាយ ។
-ឆ្នាំ១៩៤៣ និង២០០៣ ធាតុទឹក៖ លះបង់អ្វីគ្រប់យ៉ាងឱ្យមនុស្សនៅជុំវិញខ្លួន ។
បុគ្គលល្បីកើតឆ្នាំសត្វពពែ
-ឆាវ ឆាវ (Cao Cao) គឺជាអធិរាជគ្រប់គ្រងរដ្ឋ Wei និងជាឥស្សរជនដ៏សំខាន់មួយរូបក្នុងសម័យសង្គ្រាមនគរបី (Three Kingdoms) រឿង «សាមកុក» ក្នុងប្រវត្តិសាស្ត្រល្បីល្បាញរបស់ចិនក្នុងឆ្នាំ២២០ដល់ឆ្នាំ២៨០ ៕
ចែករំលែកព័តមាននេះ