ខេត្តសៀមរាប ៖ កម្លាំងប៉ុស្ដិ៍នគរបាលរដ្ឋបាលទឹកវិល បានសហការជាមួយកម្លាំងនគរបាលនៃអធិការក្រុងសៀមរាប ធ្វើការអប់រំក្រុមក្មេងទំនើងមួយក្រុម មានគ្នា០៧នាក់ តាមបទបញ្ជារបស់លោកវរសេនីយ៍ឯក ណុប សារ៉ាក់ អធិការនគរបាលក្រុងសៀមរាប…
ខេត្តសៀមរាប ៖ កម្លាំងប៉ុស្ដិ៍នគរបាលរដ្ឋបាលទឹកវិល បានសហការជាមួយកម្លាំងនគរបាលនៃអធិការក្រុងសៀមរាប ធ្វើការអប់រំក្រុមក្មេងទំនើងមួយក្រុម មានគ្នា០៧នាក់ តាមបទបញ្ជារបស់លោកវរសេនីយ៍ឯក ណុប សារ៉ាក់ អធិការនគរបាលក្រុងសៀមរាប ដោយសារក្រុមក្មេងទំនើងនេះបានដកសោរម៉ូតូរបស់នារីៗមិនឱ្យទៅណា និងបង្កហិង្សា បណ្ដាលឱ្យបាត់បង់សណ្ដាប់ធ្នាប់សាធារណ:ក្នុងថ្ងៃបុណ្យឈប់សម្រាក រួចនាំមកប៉ុស្តិ៍ទឹកវិលធ្វើការអប់រំកិច្ចសន្យា និងឱ្យអាណាព្យាបាល មកធានាយកទៅផ្ទះវិញបន្តការអប់រំ ។
ហេតុការណ៍ឃាត់ខ្លួនក្រុមក្មេងទំនើងនោះធ្វើឡើង នៅវេលាម៉ោង១៦ និង៤០នាទីល្ងាច ថ្ងៃទី១៧ ខែសីហា ឆ្នាំ ២០២០ ស្ថិតនៅតាមបណ្តោយផ្លូវខ្នងបារាយណ៍ខាងកើតក្នុងសង្កាត់ទឹកវិល ក្រុង/ខេត្ត សៀមរាប ។
បើតាមលោកវរសេនីយ៍ឯក ណុប សារ៉ាក់ អធិការនគរបាលក្រុងសៀមរាបបានប្រាប់នៅព្រឹក ថ្ងៃទី១៨ ខែសីហា ឆ្នាំ២០២០នេះថា បន្ទាប់ពីកម្លាំងយើងបានទទួលព័ត៌មានភ្លាមថា មានក្មេងទំនើង ២ ក្រុម បានវ៉ៃគ្នា ទើបកម្លាំងសមត្ថកិច្ច យើងសហការណ៍រួមមាន ប៉ុស្ដិ៍ទឹកវិល ,ប៉ុស្ដិ៍ស្រង៉ែ ,ប៉ុស្ដិ៍ក្របីរៀល, កងរាជអាវុធ ក្រុង បានចុះទៅដល់ កន្លែងកើតហេតុភ្លាមៗ ហើយធ្វើការឃាត់ខ្លួនមនុស្សចំនួន៧នាក់មាន: ទី១. ឈ្មោះ សាន ភ័ក្ត្រ អាយុ២០ឆ្នាំ មុខរបរ កម្មករសំណង់ រស់នៅភូមិ តាកម្ម ឃុំដួនកែវ ស្រុកពួក ខេត្តសៀមរាប ។ ទី២. ឈ្មោះ យួន វិចិត្រ អាយុ ១៨ឆ្នាំ មុខរបរ កម្មករ រស់នៅភូមិល្វា ឃុំដួនទ្រ ស្រុកពួក ខេត្តសៀមរាប ។ ទី៣. ឈ្មោះ ថាម សុធឿង អាយុ១៦ឆ្នាំ មុខរបរ នៅផ្ទះ រស់នៅ ភូមិ តាកម្ម ឃុំ ដូនកែវ ស្រុកពួក ខេត្តសៀមរាប ។ ទី ៤. ឈ្មោះ លឿត លីម អាយុ១៨ឆ្នាំ មុខរបរ កម្មករ រស់នៅភូមិ ព្រលិត ឃុំ រើល ស្រុកពួក ខេត្តសៀមរាប ។ ទី ៥. ឈ្មោះ ថុន សារុន អាយុ១៨ឆ្នាំ មុខរបរនៅផ្ទះរស់នៅ ភូមិតាកម្ម ឃុំដូនកែវ ស្រុកពួក ខេត្តសៀមរាប ។ ទី ៦. ហាំង ឆ្លូញ អាយុ២០ឆ្នាំ មុខរបរនៅផ្ទះ រស់នៅភូមិ តាកម្ម ឃុំដូនកែវ ស្រុពួក ខេត្តសៀមរាប។និង ទី ៧. ឈ្មោះ រោច រំ អាយុ ១៦ឆ្នាំ មុខរបរ កម្មករ រស់នៅ ភូមិ តាកម្ម ឃុំដូនកែវ ស្រុក ពួក ខេត្តសៀមរាប ។
ក្រោយទទួលបានព័ត៌មានថា មានក្រុមទំនើងបង្កហិង្សាដាក់គ្នា លោកវរសេនីយ៍ទោ មឿន បូរី ជាប្រធានគោលដៅការពារតំបន់បារាយណ៍ទឹកថ្លា បានដឹកនាំកម្លាំងចេញទៅសហការអន្តរាគមន៍ចាប់បានក្រុមក្មេងទំនើងទាំងនោះយកមកធ្វើការសាកសួរនៅប៉ុស្ដិ៍នគរបាលរដ្ឋបាលទឹកវិល ហើយក្រុមក្មេងទំនើងបានរៀបរាប់សារភាពថា ក្រុមរូបខ្លួនមានគ្នា៧នាក់ បានផឹកសុីនៅបារាយណ៍ខាងលិច ម្ដុំជិតជណ្ដើរយក្ស តាំងពីវេលាម៉ោង ១២ថ្ងៃត្រង់ លុះរហូតដល់ ប្រហែលម៉ោង ១៦ ពួកគេបាន ឃើញក្មេងស្រីៗ ចំនួន៤នាក់ ដែលជិះម៉ូតូមកលេងបារាយណ៍ដែរ ក៏ធ្វើសកម្មភាពកាក់ម៉ូតូ និងដកសោរម៉ូតូ ។
រូបគេក្នុងគោលបំណងសុំលេខទូរសព្ទ័ និងញ៉ែ ខណៈពេលនោះមានមនុស្សប្រុស ១ក្រុម ប្រហែលជាង១០នាក់ សុទ្ធតែប្រុស អាយុប្រហែលជាង ៣០ បានជិះពីទិសខាងត្បូង ហើយឈប់មុខពួកវា ហើយស្រែកថា ពួកអាហែងនឹងផឹកសុីស្រែកឡូឡារ រករឿងគេអី ។ ខណ:ពេលនោះជន១ក្រុមនោះក៏ធ្វើសកម្មភាពយកមួកការពារ វ៉ៃពួកខ្លួន ហើយភ្លាមៗនោះពួកខ្លួនក៏ដកខ្សែរក្រវ៉ាត់ វ៉ៃតបតទៅវិញ មួយសន្ទុះក្រុមម្ខាងទៀតបានរត់គេចខ្លួនអស់ ។
ជនទំនើងខាងលើយើងបានសហការជាមួយមន្ត្រីជំនាញគ្រឿងញៀនក្រុង ធ្វើតេស្ដរកសារធាតុញៀន លទ្ធផលអវិជ្ជមាន និងធ្វើការអប់រំកិច្ចសន្យា និងឱ្យអាណាព្យាបាល មកធានាយកទៅផ្ទះវិញបន្តការ អប់រំ ៕
ចែករំលែកព័តមាននេះ