ខេត្តបន្ទាយមានជ័យ ៖ រថយន្តធុនធំដឹកជ្រូកត្រូវបានក្រឡាបផ្ងារជើង សំណាងល្អជាប់គុម្ពឫស្សី កុំអីចូលស្ទឹងបាត់ ហើយគ្មានអ្នកគ្រោះថ្នាក់ត្រូវបានរថយន្តស្ទូចនៅព្រឹកថ្ងៃទី១១ ខែសីហា ឆ្នាំ២០២០ តាមបណ្តោយផ្លូវស្ថិតភូមិ.ឃុំបត់ត្រង់ស្រុកមង្គលបូរី។ មន្ត្រីនគរបាលចរាចរណ៍ផ្លូវគោក ស្រុកមង្គលបូរី បានឲ្យដឹងថា៖ គ្រោះថ្នាក់ដែលកើតឡើងនៅអំឡុងម៉ោង១២យប់ ថ្ងៃទី១០ ខែសីហា ឆ្នាំ២០២០ ដោយរថយន្តដឹកជ្រូកបើកបរក្នុងទិសដៅលើផ្លូវកោងទៅខាងកើត ក្នុងល្បឿនលឿន បណ្តាលក្រឡាប់ តែសំណាងជាប់គុម្ពឫស្សីកុំអីធ្លាក់ចូលស្ទឹងតែគ្មានអ្នករងគ្រោះ ឃើញជ្រូក៥ក្បាល។ មន្ត្រីនគរបាលបានបញ្ជាក់ថា៖
រថយន្តដែលគ្រោះថ្នាក់កើតឡើងរថយន្តធុនធំដឹកជ្រូកពាក់ស្លាក់លេខ សៀមរាប 3A-2254 តែអ្នកបើកបរមិនស្គាល់អត្តសញ្ញាណ ហើយមិនបង្កឲ្យគ្រោះថ្នាក់ដល់អ្នកណា មួយត្រូវបានឲ្យរថយន្តស្ទូចយកចេញ។ គួររំលឹកថា៖ ចំណុចដែលគ្រោះថ្នាក់ចរាចរណ៍កើតឡើងនេះ កើតមានរថយន្តក្រឡាប់២ករណីហើយ ដែលករណីទី១ រថយន្តធុនធំដឹកដំឡូងមីស្ងួត ក្រឡាប់ជាប់គុម្ពឫស្សី ចាក់ដំឡូងមីចូលទឹកស្ទឹងស្អុយរាប់ខែ, ករណីទី២ រថយន្តធុនធំដឹកជ្រូក ក្រឡាប់ជាប់គុម្ពឫស្សីដដែល សំណាងហើយគ្រោះថ្នាក់ចរាចរណ៍២ករណីនេះ បានគុម្ពឫស្សីជួយ សំណាងមិនធ្លាក់ចូលទឹកស្ទឹង តែសំណាងអាក្រក់គុម្ពឫស្សីរលើងគល់ ដោយគ្រោះថ្នាក់ចរាចរណ៍កំពុងស្វិតរកងាប់៕ ដោយ ៖ ប៊ុន ធឿន
ចែករំលែកព័តមាននេះ