សហរដ្ឋអាមេរិក ៖ បេក្ខជនប្រធានាធិបតីនៃគណបក្សប្រជាធិបតេយ្យ លោក JOE BIDEN ប្រកាសនាថៃ្ងទី១១ សីហាថា លោកបានជ្រើសរើសព្រឹទ្ធសមាជិកាស្បែកខ្មៅលោកស្រី KAMALA HARRIS អាយុ៥៥ឆ្នាំ ជាបេក្ខនារីអនុប្រធានាធិបតីរបស់លោក ដើម្បីតតាំងជាមួយ
លោកដូណាល់ ត្រាំ ក្នុងការបោះឆ្នោតប្រធានាធិបតីអាមេរិកនាថ្ងៃទី៣ វិចិ្ឆកាខាងមុខនេះ ដោយប្រសិនបើលោកជាប់ឆ្នោត នោះលោកស្រីនឹងក្លាយជាអនុប្រធានាធិបតីស្ត្រីដំបូងគេរបស់សហរដ្ឋអាមេរិក ។
លោក JOE BIDEN អាយុ៧៧ឆ្នាំ ជាអតីតអនុប្រធានាធិបតីរបស់លោកបារ៉ាក់ អូបាម៉ា ប្រកាសថា ខ្ញុំមានកិត្តិយសប្រកាសថាខ្ញុំបានជ្រើសរើសលោកស្រី KAMALA HARRIS ជាយុទ្ធនារីការពារដោយអង់អាចក្លាហានបណ្ដាវណ្ណៈរបស់ប្រជាជន និងជាអ្នកបម្រើរដ្ឋដ៏សំខាន់មួយរូបក្នុងចំណោមអ្នកបម្រើរដ្ឋសំខាន់ៗ ជាបេក្ខនារីអនុប្រធានាធិបតីរបស់ខ្ញុំ ។
លោកស្រីពិតណាស់ដែលសម្លឹងរហូតដល់ប៉ង ប្រជែងយកតំណែងប្រធានាធិបតីអាមេរិកក្នុងឆ្នាំ២០២៤នោះ មានឪពុកជាជនជាតិហ្សាម៉ាអ៊ីកនិងម្ដាយជាជនជាតិឥណ្ឌា ហើយបានរីកធំធាត់នៅក្រុង OAKLAND រដ្ឋកាលីហ្វ័រនីញ៉ា ។
កាលក្នុងទសវត្សឆ្នាំ១៩៦០លោកស្រីមានមោទនភាពក្នុងការតស៊ូដើម្បីសិទ្ធិពលរដ្ឋសម្រាប់មាតាបិតារបស់លោកស្រីជាជនអន្តោប្រវេសន៍ ។ ឪពុកលោកស្រីជាសាស្ត្រាចារ្យខាងសេដ្ឋកិច្ចហើយម្ដាយដែលពេលនេះបានទទួលមរណភាពបាត់ហើយជាអ្នកស្រាវជ្រាវពីសេសលើជំងឺមហារីកដោះ ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ