សមត្ថកិច្ច​បង្ក្រាប​សិប្បកម្ម​ផលិត​បារី​មួយ​កន្លែង ឃាត់ខ្លួន​ជនជាតិ​ចិន​និង​វៀតណាម​ជិត​២០​នាក់


រាជធានី​ភ្នំពេញ ៖ សិប្បកម្ម​ផលិត​បារី​មួយ​កន្លែង «​យីហោ BPA» ដែល​ជា​របស់​ក្រុមហ៊ុន​ចិន និង​សង្ស័យ​ថា គ្មាន​ច្បាប់​អនុញ្ញាត និង​ក្លែងក្លាយ​ត្រូវ​បាន​កម្លាំង​សមត្ថកិច្ច​ចម្រុះ​រួម​មាន​កម្លាំង​លេខាធិការដ្ឋាន នៃ​គណៈកម្មាធិការ ប្រយុទ្ធ​ប្រឆាំង​ផលិត​ក្លែងក្លាយ ក្រសួងមហាផ្ទៃ រួម​ជាមួយ​កម្លាំង​អាជ្ញាធរ និង​សមត្ថកិច្ច​មូលដ្ឋាន ក្រោម​ការ​សម្របសម្រួល​របស់​លោក សាយ ណូ​រ៉ា ព្រះរាជអាជ្ញារ​រង​នៃ​អយ្យកា​អម​សាលាដំបូង​រាជធានី​ភ្នំពេញ ចុះ​ទៅ​ធ្វើការ​បង្ក្រាប​។

ដោយ​បាន​ឃាត់ខ្លួន​ថៅកែ​ក្រុមហ៊ុន និង​បុគ្គលិក​ជា​ជនជាតិ​ចិន និង​ជា​n​ជាតិ​វៀតណាម ជិត​២០​នាក់ ព្រមទាំង​ធ្វើការ​ដកហូត​វត្ថុ​តាង​ជា​ច្រើន​ទៀត​ផង​ដែរ​។ សិប្បកម្ម​ផលិត​បារី BPA ខាងលើ​នោះ​មាន​ទីតាំង ស្ថិត​នៅ​តាម​ផ្លូវ​បេតុង​ក្នុងភូមិ​អង្គ សង្កាត់​ចោម​ចៅ​ទី​៣ ខណ្ឌ​ពោធិ៍​សែន​ជ័យ រាជធានី​ភ្នំពេញ ហើយ​ត្រូវ​បាន​សមត្ថកិច្ច​បើក​ប្រតិបត្តិការ​បង្ក្រាប កាលពី​វេលា​រសៀល ថ្ងៃ​ទី​១១ ខែសីហា ឆ្នាំ​២០២០​។ តាម​ប្រភព​ព័ត៌មាន​បាន​ឲ្យ​ដឹង​ថា សិប្បកម្ម​ខាងលើ​នេះ​មាន​កម្មករ​បម្រើ​ការងារ​ជាង​១០០​នាក់ ដែល​បាន​ផលិត​បារី​ជា​ច្រើន​ម៉ាក (​ប្រហែល​ជាង​១០​ម៉ាក​ឯណោះ​) ហើយ​ក្នុង​កម្មករ​ម្នាក់​ទទួល​បាន​ប្រាក់​ឈ្នួល ជាង​១០០​ដុល្លារ មិនតែប៉ុណ្ណោះ​បាន​ដំណើរ​ផលិត​រយៈពេល​ជាង​២​ឆ្នាំ​កន្លង​មក​ហើយ ដោយ​មិនដឹង​ថា​នាំ​ចេញ ទៅ​ទីផ្សារ​ណាខ្លះ​ទេ​។

ពួក​គេ​បាន​សម្ងំ​ផលិត​ដោយ​អាជ្ញាធរ និង​សមត្ថ​ក​ច្ច​មូលដ្ឋាន​មិន​បានដឹង​ឡើយ រហូត​មក​ដល់​ពេល​នេះ​ទើប​ខាង​កម្លាំង​លេខាធិការដ្ឋាន​នៃ​គណៈកម្មាធិការ​ប្រយុទ្ធ​ប្រឆាំង​ផលិត​ក្លែងក្លាយ ក្រសួងមហាផ្ទៃ​ស៊ើបអង្កេត​ដឹង​ថា​អត់​ច្បាប់ និង​ក្លែងក្លាយ ហើយ​បាន​សហ​ការណ៍​គ្នា​ចុះ​ធ្វើការ​បង្ក្រាប​តែ​ម្ដង​។ ប្រភព​ដដែល​បាន​បន្ត​ទៀត​ថា ក្រៅពី​អត់​ច្បាប់ និង​ក្លែងក្លាយ​ក៏​សង្ស័យ​ថា អាច​បង្ក​ផល​ប៉ះពាល់​ធ្ងន់ធ្ងរ ដល់​សុខភាព អ្នក​ប្រើប្រាស់​ថែម​ទៀត​ផង ហើយ​នៅ​ក្នុង​ប្រតប​ត្តិ​ការ​នេះ​កម្លាំង​សមត្ថកិច្ច​ខាងលើ​បាន​ធ្វើការ ឃាត់ខ្លួន ថៅកែ​ក្រុមហ៊ុន និង​បុគ្គលិក​មាន​ជនជាតិ​ចិន​ចំនួន​១៤​នាក់ និង​ជនជាតិ​វៀតណាម​ចំនួន​៣​នាក់ ដែល​សង្ស័យ​ថា​លួច​ស្នាក់​នៅ និង​ធ្វើ​ការងារ​អត់​ច្បាប់​។

ខណៈនោះ​កម្លាំង​ក៏​បាន​ធ្វើការ​ដកហូត​នូវ​សម្ភារ បម្រើ​ការ​ក្នុង​សិប្បកម្ម រួម​ជាមួយ​វត្ថុធាតុដើម​សម្រាប់​ផលិត​បារី និង​បារី​ជា​ច្រើន​កេស​ផង​ដែរ បន្ទាប់​មក​ថៅកែ​ក្រុមហ៊ុន និង​បុគ្គលិក​ទាំង​ជិត​២០​នាក់​ដែល​ត្រូវ​ឃាត់ខ្លួន​នោះ​ត្រូវ​បាន នាំ​ខ្លួន​ទៅ​កាន់​នាយកដ្ឋាន​អន្តោប្រវេសន៍ ក្រសួងមហាផ្ទៃ​។ ដោយឡែក​កម្មករ​ជា​ជនជាតិ​ខ្មែរ ជាង​១០០​នាក់ ត្រូវ​បាន​សមត្ថកិច្ច​សហការ​ជាមួយ​ក្រសួង​ការងារ ស្រង់​ឈ្មោះ ដើម្បី​រៀបចំ​បើក​ប្រាក់ខែ ហើយ​មិន​អាច​បន្តការងារ នៅ​ទីនោះ​បាន​ទៀត​ទេ​ព្រោះថា រោងចក្រ​ត្រូវ​បាន​សម្រេច​ផ្អាក​ការងារ​លែង​ឲ្យ​ដំណើរការ​ទៀត​ហើយ ៕ ដោយ ៖ យន់ ស៊ី​ថា

Facebook Google Twitter Email

Live

Sponsored News

០៨:៤៦ | ក្នុងស្រុក

ក្រុមហ៊ុនបុត្រសម្ព័ន្ធ រ៉ូយ៉ាល់គ្រុប ទទួលស្វាគមន៍ទស្សនកិច្ចពិសេសរបស់ឯកឧត្តម ឧត្តមសេនីយ៍ឯក ហ៊ុន ម៉ាណែត សម្រាប់ដំណើរស្វែងយល់អំពីឌីជីថលនីយកម្ម និងបច្ចេកវិទ្យាបណ្តាញ 5G !

ការស្ទង់មតិគេហទំព័រថ្មី




សូម​អរគុណ