សហរដ្ឋអាមេរិក ៖ ចិន អ៊ីរ៉ង់ និងរុស្ស៊ី ចង់គាបសង្កត់លើការបោះឆ្នោតប្រធានាធិបតីអាមេរិក នាខែវិច្ឆិកាខាងមុខ ។ នេះជាការសន្និដ្ឋានរបស់ផ្នែកស៊ើបការណ៍អាមេរិកក្នុងសេចក្ដីប្រកាសមួយចេញផ្សាយ កាលពីថ្ងៃទី៧ សីហា ដោយលោកWILLIAM EVANINA នាយកមជ្ឈមណ្ឌលជាតិស៊ើបការណ៍និងសន្តិសុខអាមេរិក ដែលលើកពីការគំរាមកំហែងខណៈសល់ពេលមិនដល់៣ខែទៀតផងដល់ការបោះឆ្នោតប្រធានាធិបតីអាមេរិក ។ ចិន និងអ៊ីរ៉ង់ចង់ឲ្យលោកចនប៊ីដេនជាប់ឆ្នោត តែរុស្ស៊ីគាំទ្រលោកត្រាំ ។
លោក WILLIAM EVANINA ថ្លែងថាយើងយល់ថា ចិនចង់ឲ្យលោកដូណាល់ ត្រាំ មិនបានជាប់ឆ្នោតសម្រាប់កាន់អំណាចអាណត្តិទី២ទៀត ។ ចិនបង្កើនការខិតខំប្រឹងប្រែងដើម្បីគាប
សង្កត់លើបរិយាកាសនយោបាយ មុនការបោះឆ្នោត ។
លោកអះអាងបែបនេះក្នុងពេលដែលក្រុងប៉េកាំងនិងក្រុងវ៉ាស៊ិនតោនបង្កើនពី១ថ្ងៃទៅមួយថ្ងៃនូវការប្រឈមមុខដាក់គ្នា ។ លោកក៏បានធ្វើការកត់សម្គាល់ដូចគ្នានេះដែរសម្រាប់អ៊ីរ៉ង់ ដែលសាកល្បងធ្វើឲ្យទន់ខ្សោយដល់បណ្ដាស្ថាប័នប្រជាធិបតេយ្យអាមេរិក ព្រមទាំងដល់លោកប្រធានាធិបតីត្រាំ ព្រមទាំងបំបែកបំបាក់អាមេរិកមុនការបោះឆ្នោតឆ្នាំ២០២០ ពិសេសតាមរយៈយុទ្ធនាការ ឃោសនាតាមអនឡាញដោយបញ្ចេញបណ្ដាព័ត៌មានក្លែងក្លាយ និងមានខ្លឹមសារប្រឆាំងអាមេរិក ។
ផ្ទុយទៅវិញលោក WILLIAM EVANINA និយាយថា យើងយល់ថាប្រទេសរុស្ស៊ី បានប្រើ
ប្រាស់មធ្យោបាយជាច្រើនដើម្បីបំភ្លៃអតីតប្រធានាធិបតី លោកចនប៊ីដេនដែលធ្លាប់ជួយការពារពួកប្រឆាំងរុស្ស៊ី ពេលលោកជាអនុប្រធានាធិបតីរបស់លោកបារ៉ាក់ អូបាម៉ា ។ បណ្ដាមនុស្សនៃវិមានក្រឹមឡាំង បានស្វែងរកជួយទ្រទ្រង់ដល់លោកត្រាំ តាមបណ្ដាញសង្គមនិងតាមទូរទស្សន៍រុស្ស៊ី ។ តាមផ្នែកស៊ើបការណ៍អាមេរិកថា ក្រុងមូស្គូបានធ្វើរួចហើយនូវយុទ្ធការបែបនោះ ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ