ស្រុកព្រះនេត្រព្រះមានព្រៃសហគមន៍ចំនួន4ក្នុងនោះភ្នំជញ្ជាំងជារមណីយដ្ឋាន
ខេត្តបន្ទាយមានជ័យ ៖ ស្រុកព្រះនេត្រព្រះមានព្រៃសហគមន៍ចំនួន៤ លើផ្ទៃដី៤៤៨ហិកតា គ្រប់គ្រងដោយខណ្ឌរដ្ឋបាលព្រៃឈើ ខេត្តបន្ទាយមានជ័យ ។ ក្នុងចំណោមព្រៃសហគមន៍ទាំងនោះ
ខេត្តបន្ទាយមានជ័យ ៖ ស្រុកព្រះនេត្រព្រះមានព្រៃសហគមន៍ចំនួន៤ លើផ្ទៃដី៤៤៨ហិកតា គ្រប់គ្រងដោយខណ្ឌរដ្ឋបាលព្រៃឈើ ខេត្តបន្ទាយមានជ័យ ។ ក្នុងចំណោមព្រៃសហគមន៍ទាំងនោះ ភ្នំជញ្ជាំងជារមណីយដ្ឋាន ។
លោកវ៉ាត វីរៈ អភិបាលរងស្រុកព្រះនេត្រព្រះកាលពីពេល ថ្មីៗនេះឱ្យដឹងថា ព្រៃសហគមន៍ទាំង៤នោះ ១-ព្រៃសហគមន៍ភ្នំជញ្ជាំង មានផ្ទៃដីប្រមាណជាង២០ហិកតា ។ ២-ព្រៃសហគមន៍តាបែន មានផ្ទៃដី១១០ហិកតា ។ ៣-ព្រៃសហគមន៍ជ្រាប់ចាស់ មាន២កន្លែងមាន ផ្ទៃដីប្រមាណ១០០ហិកតា ។ ៤-ព្រៃសហគមន៍ថ្មី មានផ្ទៃដីប្រមាណ១០០ហិកតា ។
ព្រៃសហគមន៍ទាំង៤នោះ បង្កើតឡើងនៅអំឡុងឆ្នាំ១៩៩៤ គ្រប់គ្រងដោយមន្ទីរបរិស្ថានខេត្ត លុះដល់ឆ្នាំ២០០៩ ប្រគល់ជូនខណ្ឌរដ្ឋបាលព្រៃឈើព្រៃឈើគ្រប់គ្រង មើលថែព្រៃឈើ ។
លោកវ៉ាត វីរៈ បញ្ជាក់ថា ដោយឡែកព្រៃសហគមន៍ភ្នំជញ្ជាំងកាលពីមុនមានផ្ទៃដីចំនួន៤០ហិកតា តែក្រោយមកកាត់ឱ្យទៅវត្តសុវណ្ណគិរីភ្នំជញ្ជាំង២០ហិកតា ដូច្នេះនៅក្នុងសហគមន៍ភ្នំជញ្ជាំងមានផ្ទៃដី២០ហិកតា ។
ចំណែកវត្តសុវណ្ណគិរីភ្នំជញ្ជាំងបានអភិរក្សព្រៃទុក និងកសាងរូបសំណាកព្រះពុទ្ធជាច្រើនហើយក្លាយជារមណីយដ្ឋានព្រៃធម្មជាតិ ។ ដើមឈើនៅទីនោះមានដូចជា ត្រាច ធ្នង់ ផ្ចឹក បេង និងនាងនួនជាដើម ៕
ចែករំលែកព័តមាននេះ