ខេត្តរតនគិរី ៖ រមណីយដ្ឋាននានាក្នុងខេត្តរតនគិរី បន្ទាប់ពីក្នុងដំណាក់កាលរីករាលដាលនៃជំងឺកូវីដ-១៩នោះរហូតមក ធ្វើឱ្យភ្ញៀវទេសចរទាំងជាតិនិងអន្តរជាតិ ដែលតែងមកទស្សនាកំសាន្តមានការថយចុះយ៉ាងគំហុកតែម្តង។ មិនតែប៉ុណ្ណោះ មិនថាឡើយនៅតាមតំបន់រមណីយដ្ឋានទេសចរណ៍នានាក្នុងខេត្តប៉ុណ្ណោះទេ សូម្បីតែនៅតាមអាជីវកម្មសេវាកម្មទេសចរណ៍មូលដ្ឋានអាជីវកម្មសេវាកម្មស្នាក់នៅទេសចរណ៍ ភោជនីយដ្ឋាន…
ខេត្តរតនគិរី ៖ រមណីយដ្ឋាននានាក្នុងខេត្តរតនគិរី បន្ទាប់ពីក្នុងដំណាក់កាលរីករាលដាលនៃជំងឺកូវីដ-១៩នោះរហូតមក ធ្វើឱ្យភ្ញៀវទេសចរទាំងជាតិនិងអន្តរជាតិ ដែលតែងមកទស្សនាកំសាន្តមានការថយចុះយ៉ាងគំហុកតែម្តង។
មិនតែប៉ុណ្ណោះ មិនថាឡើយនៅតាមតំបន់រមណីយដ្ឋានទេសចរណ៍នានាក្នុងខេត្តប៉ុណ្ណោះទេ សូម្បីតែនៅតាមអាជីវកម្មសេវាកម្មទេសចរណ៍មូលដ្ឋានអាជីវកម្មសេវាកម្មស្នាក់នៅទេសចរណ៍ ភោជនីយដ្ឋាន អាហារដ្ឋានទេសចរណ៍នានា ក៏មានការថយចុះផងដែរ។
ជាក់ស្តែង នៅរមណីយដ្ឋានបឹងយក្សឡោម នៅព្រឹកថ្ងៃទី០៧ សីហា ឆ្នាំ២០២០ នេះស្ទើរតែគ្មានភ្ញៀវទៅហើយ ក្នុងខណៈពេលនោះគេសង្កេតឃើញថា ពុំមានភ្ញៀវអន្តរជាតិម្នាក់សោះ មានតែភ្ញៀវជាតិតិចតួចបំផុត ដែលជាអ្នកនៅខេត្តជិតៗនោះទៀតផង។
ប្រភពពីភ្នាក់ងារប្រចាំការលក់សំបុត្រនៅរមណីយដ្ឋានបឹងយក្សឡោមបានឱ្យដឹងថាចាប់តាំងពីតំណាក់កាលការរីករាលដាលជំងឺកូវិដ-១៩វាយលុករួចមកមានភ្ញៀវទេសចរណ៍ជាតិនិងអន្តរជាតិថ្ងៃខ្លះស្ទើរគ្មាន និងថ្ងៃខ្លះ បានបានត្រឹមតែ១០នាក់ប៉ុណ្ណោះ បើនៅថ្ងៃសៅរ៍ ឬថ្ងៃអាទិត្យ អាចបានកើនលើសនោះបន្តិច។
ហើយនៅច្រកចូលរមណីយដ្ឋានបឹងយក្សឡោមនោះ គេឃើញមានស្លាកតារាងតម្លៃចូលទស្សនាធម្មជាតិបឹងយក្សឡោមមានដូចជាភ្ញៀវជាតិម្នាក១០០០រៀលអន្តរជាតិ៨០០០រៀល រថយន្តតូច៥០០០រៀល រថយន្តសាំយ៉ុង១០០០០រៀល រថយន្តក្រុង២០០០០រៀល ម៉ូតូកង់បី៤០០០រៀល និងម៉ូតូ២០០០រៀល ហើយបើភ្ញៀវណាធ្វើឱ្យបាត់សំបុត្រនោះភ្នាក់ងារគ្រប់គ្រងដោយសហគមន៍នោះ មិនអនុញ្ញាត្តឱ្យចេញឬជាមធ្យោ បាយម៉ូតូឬរថយន្តឡើយ។
ឯអ្នកលក់ម្ហូបអាហារចំណីចំណុកភេសជ្ជៈគ្រប់ប្រភេទ និងវត្ថុអនុស្សាវរីយ៍សំលៀកបំពាក់នានាទាំងសម័យនិងបូរាណ្យតាមបែបប្រពៃណីជនជាតិដើមភាគតិចនៅទីនោះបានត្អូូញត្អែដូចគ្នាថាចាប់តាំងពីតំណាក់កាលកូវិដ-១៩វាយលុកមកនោះពួកគាត់លក់លែងសូវដាច់គ្រប់គ្នាធ្លាប់ពីមុនរកចំណូលច្រើនពេលនេះចំណូលតិចតួចបំផុត។
ហើយក៏ត្រូវចំណាយច្រើនបង់ថ្លៃតូបថ្លៃទឹកថ្លៃភ្លើងស្ទើរមិនគ្រប់ផងតែដោយសារតែគ្មានមុខរបរចេះតែស៊ូទ្រាំប្រកបរបរនេះព្រោះគ្មានជម្រើស។
ប្រភពពីមន្ទីជំងរទេសចរណ៍ខេត្តបានឱ្យដឹងថាក្នុងតំណាក់កាលកូវិដ-១៩នេះក្នុងឆមាសទី១ភ្ញៀវជាតិមានចំនួន៨០,០០៤នាក់ថយចុះ៤៦.១%ភ្ញៀវអន្តរជាតិ៥,១០៦ថយចុះ៦៥.៧%ទេសចរណ៍សរុប៨៥,១១០ថយចុះ_៤៧.៩%។
ប្រភពបន្តថាក្រុមការងារមន្ទីរទេសចរណ៍ខេត្តបានធ្វើការចុះណែនាំផ្សពផ្សាយនិងជម្រុញឱ្យម្ចាស់គ្រប់អាជីវកម្មសេវាកម្មទេសចរណ៍ អនុវត្តនូវវិធានសុវត្ថភាពទេសចេណ៍ ភោជនីយដ្ឋាន អាហារដ្ឋានទេសចរណ៍និងតាមតំបន់រមណីយ៍ដ្ឋាននានាក្នុងខេត្តដែលមានសកម្មភាពដូចជារមណីយដ្ឋានទឹកជ្រោះចាអ៊ុងស្ថិតនៅឃុំចាអ៊ុងស្រុកអូជុំទឹកជ្រោះកាចាញសង្កាត់កាចាញក្រុងបានលុងរមណីយដ្ឋានភូមិខ្មែរ រីសត រមណីយដ្ឋានបឹងយក្សឡោម អូរសុិនលែរ៍។
លោកង៉ែត ពិទូ ប្រធានមន្ទីរទេសចរណ៍ខេត្តរតនគិរីថា មន្ទីរទេសចរណ៍បានផ្ដល់ការណែនាំដល់គណៈកម្មការទេសចរណ៍តាមតំបន់រមណីយដ្ឋានគ្រប់រមណីយដ្ឋានក្នុងខេត្តរួចហើយឱ្យកចិត្តទុកដាក់រៀបចំសោភ័ណ្ឌភាព អនាម័យ របៀបរបប ត្រៀមលក្ខណៈទទួលភ្ញៀវទេសចរណ៍មានដាក់ធុងទឹកសម្រាប់លៀងដៃមានសាប៊ូអាល់កុលឬជែលជាដើមផង។
លោកប្តេជ្ញាពង្រឹងលើកិច្ចការរបស់ខ្លួនឱ្យមានគុណភាពប្រសិទ្ធភាព ដើម្បីចូលរួមកសាង អភិវឌ្ឍនខេត្ត តំបន់រមណីយដ្ឋានក្នុងខេត្តឱ្យកាន់តែមានការរីកចំរើននិងមានភាពទាក់ទាញថែមទៀតផងដែរ ៕
ចែករំលែកព័តមាននេះ