ខេត្តតាកែវ ៖ ជនសង្ស័យម្នាក់ត្រូវបាននគរបាលស្រុកត្រាំកក់ ធ្វើការឃាត់ខ្លួន ខណៈពេលដែលជនសង្ស័យបានធ្វើសកម្មភាពយកពូថៅកាប់ទៅលើម្តាយបង្កើតរបស់ខ្លួនបណ្តាលឲ្យបាត់បង់ជីវិត ពេលបញ្ជូនទៅដល់មន្ទីរពេទ្យ ដែលហេតុការណ៍នេះបានកើតឡើងម៉ោង០៣ និង៥០នាទី ថ្ងៃទី៧ ខែសីហា…
ខេត្តតាកែវ ៖ ជនសង្ស័យម្នាក់ត្រូវបាននគរបាលស្រុកត្រាំកក់ ធ្វើការឃាត់ខ្លួន ខណៈពេលដែលជនសង្ស័យបានធ្វើសកម្មភាពយកពូថៅកាប់ទៅលើម្តាយបង្កើតរបស់ខ្លួនបណ្តាលឲ្យបាត់បង់ជីវិត ពេលបញ្ជូនទៅដល់មន្ទីរពេទ្យ ដែលហេតុការណ៍នេះបានកើតឡើងម៉ោង០៣ និង៥០នាទី ថ្ងៃទី៧ ខែសីហា ឆ្នាំ២០២០ នៅភូមិព្រែឈើទាល លើឃុំអង្គរតាសោម ស្រុកត្រាំកក់ ខេត្តតាកែវ ។
លោកវរសេនីយ៍ឯកឌុក ធីយ៉ា អធិការនគរបាលស្រាំកក់បានអោយដឹងថា ជនរងគ្រោះឈ្មោះ ប៊ុត ខាន់ណារ៉េត ភេទស្រី អាយុ៥៩ឆ្នាំ ត្រូវជាម្តាយរបស់ជនសង្ស័យឈ្មោះ ជន បូណាត ភេទប្រុស អាយុ៣៤ឆ្នាំ ។
លោកអធិការនគរបាលស្រុកបានបន្តទៀតថា ជនសង្ស័យជាមនុស្សមិនគ្រប់ទឹក តែងតែរករឿង និងវាយបំផ្លាញទ្រព្យសម្បត្តិនៅក្នុងផ្ទះជាញឹកញាប់ ។
មុនពេលកើតហេតុជនសង្ស័យបានយកពូថៅនឹងកាំបិតធ្វើសកម្មភាពកាប់ក្បាលស្ត្រីជាម្តាយរបស់ខ្លួនមួយពូថៅចំក្បាលពីលើ ផ្នែកខាងឆ្វេងដាច់ប្រវែង ៨ សង់ទីម៉ែត្រ ជំរៅចូលក្នុងផុងដល់លលាដ៍ បណ្ដាលឲ្យស្លាប់តាមផ្លូវ នៅពេលដឹកតាមរថយន្តទៅសង្គ្រោះនៅមន្ទីរពេទ្យ។
លោកអធិការស្រុកត្រាំកក់បានឲ្យដឹងថា ក្រោយពេលកើតហេតុជនសង្ស័យត្រូវបានចាប់ខ្លួនបញ្ជូនមកការិយាល័យព្រហ្មទណ្ទខេត្ត ចំណែកស្ត្រីរងគ្រោះត្រូវសាច់ញាតិធ្វើបុណ្យតាមប្រពៃណី ។
លោកវរៈសេនីយ៍ឯក សែម សុជាតិ នាយការិយាល័យព្រហ្មទណ្ឌកំរិតធ្ងន់ខេត្ត បានអោយដឹងថា នៅពេលនេះជំនាញយើងកំពុងកសាងសំណុំរឿង ដើម្បីបញ្ជូនជនសង្ស័យទៅកាន់សាលាដំបូងខេត្ត ជាអ្នកសម្រេចថា ត្រូវកាត់ទោស ឬយ៉ាងណានោះទេ ៕
ចែករំលែកព័តមាននេះ