រាជធានីភ្នំពេញ ៖ បុរសជាជនជាតិបរទេសម្នាក់ មានវ័យប្រមាណជាង៤០ឆ្នាំ បានដើរថ្មើរជើងពីគល់ស្ពានព្រះមុន្នីវង្សចាស់ មកលោតទឹកទន្លេ ប៉ុន្តែលោតមិនចូលទឹកទន្លេ បែរមកធ្លាក់ចំជើងតាង ស្ពាន បណ្ដាលឲ្យស្លាប់ភ្លាមៗ…
រាជធានីភ្នំពេញ ៖ បុរសជាជនជាតិបរទេសម្នាក់ មានវ័យប្រមាណជាង៤០ឆ្នាំ បានដើរថ្មើរជើងពីគល់ស្ពានព្រះមុន្នីវង្សចាស់ មកលោតទឹកទន្លេ ប៉ុន្តែលោតមិនចូលទឹកទន្លេ បែរមកធ្លាក់ចំជើងតាង ស្ពាន បណ្ដាលឲ្យស្លាប់ភ្លាមៗ ។
ករណីនេះបង្កភ្ញាក់ផ្អើលកាលពីវេលាម៉ោង០៣រសៀលថ្ងៃទី២២ ខែមករា ឆ្នាំ២០២៦ នៅចំណុចស្ពានព្រះមុន្នីវង្សចាស់ ក្នុងភូមិដើមចាន់ សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ ។
ជនរងគ្រោះ គេនៅមិនទាន់ស្គាល់អត្តសញ្ញាណទេ មានអាយុជាង៤០ឆ្នាំ ជាជនជាតិបរទេស ព្រោះនៅលើខ្លួនជនរងគ្រោះ មិនមានអ្វីសម្គាល់ជាប់ខ្លួនឡើយ ។
ប្រភពព័ត៍មានពីប្រជាពលរដ្ឋ បានអោយដឹងថា គេឃើញបុរសខាងលើ ដើរដោយថ្មើរជើង ពីម្តុំផ្សារច្បារអំពៅ ហើយមិនដឹងថា មានវិបត្តិអ្វីនោះឡើយ ធ្វើដំណើរមកលើស្ពានព្រះមុន្នីវង្សចាស់ លុះមកដល់បានពាក់កណ្តាលស្ពាន ស្រាប់តែលោតចុះមកក្រោម សម្លាប់ខ្លួន ប៉ុន្តែមិនបានចូលទឹកទន្លេ ក៏ជាប់ត្រឹម ជើងតាងស្ពាន បណ្តាលអោយបែកក្បាលស្លាប់ភ្លាមៗ តែម្តង ។
បច្ចុប្បន្ន សមត្ថកិច្ចបានយកសពឡើងមកលើ និងបានយកទៅវត្តច្បារអំពៅ ដើម្បីអោយនគរបាលជំនាញផ្នែកកោសល្យវិច័យ ត្រួតពិនិត្យ ៕
ចែករំលែកព័តមាននេះ