ខេត្តមណ្ឌលគិរី ៖ បើតាមសេចក្តីរាយការណ៍បានឱ្យដឹងថា ទីតាំង KTV មួយទៀតហើយ នៅក្នុងក្រុងសែនមនោរម្យ ត្រូវបានសមត្ថកិច្ចចុះអនុវត្តន៍ហាមឃាត់ការធ្វើអាជីវកម្មប៉ុណ្ណោះអាសន្ន ព្រោះតែបំពានបំរាមរបស់ក្រសួងសុខាភិបាល។
សេចក្តីរាយការណ៍បានឲ្យដឹងថា នៅយប់ថ្ងៃទី០៦ ខែសីហា ឆ្នាំ២០២០ វេលាម៉ោង១០និង២៧នាទីយប់ លោកស្រីឧត្តមសេនីយ៍ត្រី ហួន គឹមហេង ស្នងការរងទទួលផែនប្រឆាំងការជួញដូរមនុស្ស និងការពារអនីតិជន បានដឹកនាំកម្លាំងចុះបង្ក្រាប KTV មួយកន្លែង ឈ្មោះ វង់ ភ័ក្រធារី ស្ថិតនៅក្នុងភូមិដោះក្រមុំ សង្កាត់សុខដុម ក្រុងសែនមនោរម្យ ខេត្តមណ្ឌលគិរី ។
សេចក្តីរាយការណ៍បន្តថា ក្នុងប្រតិបត្តិការបង្ក្រាប KTV ខាងលើនេះ សមត្ថកិច្ចបានដកហូតបានសម្ភារៈមួយចំនួនដូចជា ៖ ១-ថាច់ចុចបទចំរៀងចំនួន៥គ្រឿង ២-ធុងសាប់ចំនួន៤គ្រឿង ៣-ម៉ៃក្រូហ្វូនចំនួន៤គ្រឿង ៤-ក្បាលអ៊ីហ្វិចចំនួន៥គ្រឿង និង៥-អំភ្លី ចំនួន៧គ្រឿង បានយកមករក្សាទុកនៅការិល័យប្រឆាំងការជួញដូរមនុស្ស និងអនីតិជន នៃស្នងការរដ្ខាននគរបាលខេត្តមណ្ឌលគិរី៕
ចែករំលែកព័តមាននេះ